2013年9月30日 星期一

恐龍蛋


 禽日有個老友同我傾訴,話好唔開心幾晚無瞓過好覺。我問佢:何解你想我點幫你?不過老老實 對於感情嘅嘢,我攪唔掂,你最好揾白姐姐;至於錢銀嘅嘢咯喎………你可以揾慌信兄弟…..我老友即刻截住唔俾我再估落去。

佢同我講 :唔好意思,你估嘅嘢無樣啱。老友記!咁唔該你快啲講,唔好嘥晒啲網友時間。


我老友話上兩個禮拜,佢睇完戲,啱啱轉出街角,見到有個婆婆喺度賣恐龍蛋 ,二十蚊五隻。我閘住佢唔俾佢講落去先,我覺得有必要喺度澄清,恐龍蛋係一種生菓嚟嘅,味道同布冧差唔多,唔係真係恐龍生嘅蛋。

跟住佢話恐龍蛋平時買二十蚊四隻,依家賣多一隻,係咪好扺先?所謂執輸行頭,慘過敗家!佢驚住番轉頭俾人買晒,拿拿聲即刻買咗四十蚊,總共十隻。因為執到平嘢,所以心情都靚啲。點知轉出大街, 見到另一檔竟然賣二十蚊六隻,晒士都係咁大咁細,咁即係買貴咗嘢,原本好開心嘅心情一吓子消失晒。

所謂福無重至,禍不單行。返到屋企,佢同老婆講起呢件事嘅時候,佢老婆話:有無咁啱呀!我都買咗恐龍蛋喎!二十蚊七隻。我老友即刻將佢老婆買嘅恐龍蛋,同佢買嘅比較一吓,二十蚊七隻?佢心諗,斷估應該細好多啩?點知一比之下,佢發覺老婆買嘅重大隻過佢買嗰啲,我老友話呢次真係晴天霹靂,蝕得好慘,跟住腳步浮浮,幾乎暈咗喺度,結果幾晚瞓唔著覺。

查實喺呢個世界上,有好多好似我老友呢類人。佢哋活得唔開心,皆因佢哋鐘意凡事比較,唔識得滿足,更加唔知道乜嘢叫做價? 同埋乜嘢叫做值?

雖然價值呢兩個字成日黐埋一齊,不過好多時《價》唔係等於《值》嘅。就以恐龍蛋為例,如果賣二十蚊四隻,啲農民同埋小販都可以得到合理嘅利潤;但如果賣二十蚊五隻,啲農民同埋小販得到嘅利潤可能已經減少咗;去到賣二十蚊七隻,啲農民同埋小販可己經能血本無歸。簡單講句,如果恐龍蛋賣五蚊一隻,就有利潤;如果賣到四蚊,已經無乜利潤;如果賣低過四蚊,啲農民就要蝕本體!

如果我老友明白呢個道理,二十蚊買到五隻恐龍蛋已經係好著數嘅時候,佢就唔會唔開心,更加唔會因此而瞓唔著覺。好多人就係俾佢自已嘅貪婪,唔曉得滿足嘅心態累死。

知足者常亦樂也! 你哋話我講得啱唔啱喇?

2013年9月29日 星期日

滅貧

梁英政府大部份施政雖乏善足陳,但政黨議員亦好不了多少!

日前梁振英說滅貧係不可能的事!這番言論,被議員張超雄斥梁未打仗先投降!

我覺得梁振英呢句說話無乜問題,如果要消滅貧窮,除非行返共產呢條路,即係將所有人嘅資產拎晒出嚟,然後平均再分配,最後大家咁高咁大,無話邊個有錢,邊個貧窮! 否則,我諗唔到有乜野方法可以滅貧!

滅貧講吓就容易!唔通張議員諗住將政府啲儲備分晒俾啲窮人?等佢哋變成有錢人, 但當佢哋用晒咗啲錢,咪又變成貧窮!我覺得政府應該問問張議員,佢既然懂得斥責政府,應該有真知灼見啩! 如果佢嗰套真係有效,可以推廣到全世界,香港從此可以揚名立萬!

2013年9月27日 星期五

故事一則


好耐好耐以前,喺一間老人院舍其中嘅一間房之內,有位伯伯叫老人甲,佢天生失明,但為人樂觀。佢瞓嘅床位對正個窗口。佢雖然睇唔到嘢,但習慣每朝坐起身,對住窗口,聞吓窗外面嘅新鮮空氣,已經好滿足。 


有一日,另一位伯伯老人乙搬入嚟,住喺另一張床,嗰張床同個窗有一段距離,由於角度緣故,佢睇唔到窗外面嘅景物。加上老人乙患有一種罕見嘅腰骨痛証,須長期卧床,每日除咗睇住天花板之外,真係無乜勢藝。


過咗無幾耐,兩位老人開始變得熟絡。老人乙對老人甲非常羡慕:你就好喇,可以睇到窗外面嘅景色;我就慘喇,每日除咗瞓著覺,所有時間都係對住個天花板,真係悶都悶死。


老人甲聽完之後,覺得老人乙真係幾慘喎,跟住安慰佢話:雖然你睇唔到窗外面嘅景色,但係我可以形容俾你聽,咁你就唔駛咁悶喇!


自此以後,老人甲每朝望出窗外,將睇到嘅景物,好細緻咁形容俾老人乙聽。老人乙先至知道原來出面有片好大嘅草地,遠處有個美麗嘅湖泊。

 

夏天綠草如茵;
 

秋天嚟到嘅時候,所有樹葉喺一夜之間變成金黃色,景色怡人;
 

到咗嚴寒嘅冬日,大地鋪上厚厚嘅白雪,非常美麗;


冬去春來,樹枝開始長出綠葉,部份更開滿花朵。
 

老人乙雖然唔係直接睇到窗外面嘅景色,但透過老人甲嘅描述,亦深深感受到窗外面美好嘅世界。

所謂天下無不散之筵席。有一朝,老人乙瞓醒,照往常一樣,同老人甲叫聲早晨 ,但叫咗好多聲,老人甲都無作出回應。老人乙心感不妙,立即按動緊急鐘通知老人院。其後發覺老人甲氣若柔絲,經過幾小時嘅搶救不果,最後返魂乏術。

老人乙知道呢個消息之後,感到非常難過。除咗冇咗一個好朋友之外,以後再冇人形容窗外美麗嘅景色俾佢知。

過咗一個禮拜,個床位依然無人搬入嚟住。老人乙於是問姑娘可唔可以調過去嗰張床。姑娘話冇問題,老人乙覺得好開心, 因為佢有機會坐起身,自己親自睇睇窗外面嘅景色。

調咗床位嘅第一日朝早,老人乙用盡氣力坐起身,懷住興奮嘅心情,因為佢係第一次自己親自睇窗外嘅景色。但當佢望出去嘅時候,整個人呆晒,因為佢乜都睇唔到,只係見到一幅磚牆,

佢好失望同埋好奇怪,心諗:點會喺一個禮拜之內,咁快就起好一幅磚牆? 而出面啲風景咁靚,唔應該起幅牆擋住晒喎?佢非常失落,於是趁姑娘巡房嘅時候,問過究竟。

姑娘笑住回答:老人院不嬲都係有圍牆圍住,恐防老人家走失。而老人甲係盲個喎,就算風景點靚佢都睇唔到喇!

老人乙聽過姑娘呢番話之後,有啲難以置信,因為老人甲將外面嘅景色形容得真嘅一樣。而相處咗咁耐,佢都唔知原來老人甲係盲嘅!佢不斷反思,最後恍然大悟,兼且得出以下結論 :當你懷住樂觀嘅態度,就算面對困境,亦會處之泰然。對於降臨喺自己身上嘅不幸,千祈唔好怨天尤人,要積極面對,所謂《樂乎天命復奚疑!》樂天安命呢句說話講得好啱,無可置疑!

各位網友,唔知你哋有冇另一類高見呢?

(完)

2013年9月24日 星期二

THOSE WERE THE DAYS

歡樂的日子

想當年,我和一班好朋友聚會,
Once upon a time there was a tavern
我們沒有上酒館大吃一頓更沒有舉杯互祝,
Where we used to raise a glass or two
我們雖然在公園的一角,但當時笑逐時光的日子,仍歷歷在
Remember how we laughed away the hours
大家都沉醉在日後要創一番事業的夢想!
And dreamed of all the great things we would do
  當年歡樂的日子
  Those were the days my friend
  我們真的不想它們消逝,
  We thought they'd never end
  唱唱歌,跳跳舞又一日,認真開心!
  We'd sing and dance forever and a day
 我們按照自己選擇的人生而活!
  We'd live the life we choose
  我們戰無不勝!
  We'd fight and never lose
  皆因我們仍年輕,可以把握未來要走的道路!
  For we were young and sure to have our way.
  La la la la...
  Those were the days, oh yes those were the days
不過歲月怱怱,日子迅速流逝!
Then the busy years went rushing by us
我們當年星光熠熠的宏願,亦隨著時光而消逝!
We lost our starry notions on the way
假如有機會再見面的時候,
If by chance I'd see you in the tavern
我相信大家會互相嘲笑一番!跟住唱……..
We'd smile at one another and we'd say
今天我舊地重遊,
Just tonight I stood before the tavern
但一切已不復當年的模樣,
Nothing seemed the way it used to be
我在鏡裡看見一個陌生的倒影,
In the glass I saw a strange reflection
真的難以接受,那個禿頭,滿面蒼桑的老人竟然是我!
Was that lonely woman really me
我聽見熟悉的笑聲從門內傳出,
Through the door there came familiar laughter
我看見你的面孔及聽到你叫我的名字,
I saw your face and heard you call my name
老朋友,我們年紀雖然漸大但並沒有變得更加聰明,
Oh my friend we're older but no wiser
不過在我們心中的夢想,依      變!
For in our hearts the dreams are still the same

這是我喜愛的另一首歌,歌詞好似為我度身訂造。我當年雖有理想,但沒有付出努力,開吓PARTY,踩吓單車又一日,結果我將理想變成遙不可及的夢想!


2013年9月19日 星期四

中秋節

一年容易又中秋,在此祝各位網友中秋節快樂!
酒微菜薄,唔好意思,寫錯咗添!應該係菓微餅薄先至啱!唔使客氣,食月餅喇!
吓!呢啲唔健康?你哋真係愛惜身體!咁食呢啲喇,健康好多!

啲生菓今朝先至買,好新鮮架!試吓喇!
柚子

菱角同埋芋頭呢啲應節食品當然唔少得喇!
大家請起筷!唔好同我客氣!


最後祝各位朋友花好月圓!中秋節快樂!

2013年9月18日 星期三

我想起上兩星期的一則新聞,關於一個女學生,在自殺之前,透過窩錫通知好友,更將打算自殺的位置,以照片傳送給她的哥哥!
看完這段新聞,我有不寒而憟的感覺!她在自殺前,逐一通知好友,還介紹沿途上山的風光,好像去旅行前,給朋友及親人交帶一下自己的行程一樣。我想不到一個人面對死亡時,仍這麼冷靜,或者用冷酷來形容更為貼切!再看看她的年齡,還不到二十歲!有什麼事情解決不了?死是否唯一選擇?而去尋死,就好像吃餐飯,看場戲等從容灑脫!
她的自殺,在所有人心中,仍是一個謎!每逢佳節倍思親,她的家人將會面對一個充滿哀傷的中秋!我在此祝願他們能夠節哀順變!盡快走出幽暗的谷底!

2013年9月16日 星期一

最美味的飲料

乜野飲品係最美味?有人喜歡咖啡,有人喜歡奶茶,另一啲人覺 得飲鮮搾菓汁最好味!但昨天早上,我覺得一杯涷白開水,係最美味嘅飲品!
事緣我根據較早前的天氣預測,諗住昨天會密雲及間中有雨,加上時屆中秋,早上氣溫應該會比較溫和。所以大清早就去練跑,計劃由屋企跑去南生圍,然後折返,約15公里。
臨出門時忘記飲水打底,跑咗約莫三十分鐘,感到有啲口乾,但已經遠離屋企,唯有繼續跑。到咗六點九左右,太陽出來了,天氣變得翳熱,我跑得較平日慢,所以重未到折返點由於實在太口渴,我幾乎想跑返轉頭!但無理由差少少路程就放棄,終於捱到折返點,但嗰陣時真係勁口渴!自已唯有想像喺一個滿佈梅林嘅地方跑步,望梅止渴,原來想梅都可以頂番一陣!
我一路迎著陽光,一路捱返屋企,好不容易望到錦上路西鐵站,還有約莫 1公里左右,就會回到家中。雖然只有一公里,但我感覺自己隨時脫水而死。幾經辛苦終返到屋企,我立即打開雪櫃,灌咗大半枝白開水,就在那一刻,我覺得冰涷嘅白開水,係世界上最美味的飲品!

2013年9月9日 星期一

問題大叔

搬到嚟呢處之後, 真係乸手唔成勢! 我有好多野都唔識點做, 亦有好多問題,我相信未搞好間屋前,我暫時唔會發表新網誌! 我有以下問題想請教各位網友: 1.我 唔知發出咗乜野指令,令到留言BLOGGER嘅頭像消失咗! 2. 我唔識點樣加文章分類標簽!3.如果通知咗YAHOO新嘅網址,是否YAHOO會自動幫我將舊嘅網文搬過嚟新屋?

2013年9月4日 星期三

大遷徙



雅虎收地,被廹收拾細軟,進行大遷徙!

對於我呢類老餅, 搬家是一件十分煩腦的事.平日執執埋埋啲垃圾,擺晒响屋企,又唔捨得掉, 日積月累,到搬家時,先至知道有成堆垃圾.無辦法,唯有暫時搵咗地方先,等裝修完畢,再慢慢搬!

搬到新環境,乸手唔成勢, 總之乜野都要重頭做起,重新適應!

不一樣的渣馬(21/1/2024)

  後天便是一年一度的渣打馬拉松,但兩星期前的意外,不得不令我再三考慮應否退出是次賽事。我衡量過目前狀況,右腳跟已消腫,雖有少少痛,但跑十公里應可應付。最大的問題是右手不能活動自如,若出賽的話,需用左手托著來跑,否則右手會變成條條揈。 發生意外日期: 4/1/2024 ...