2014年12月28日 星期日

城門河皇者之戰馬拉松長跑比賽2014

今次由力行社舉辦的長跑比賽,起跑時間較平時參與的賽事遲,全馬在早上630分出發 ,而半馬賽事則在820分起跑。故此,那天 (21-12-2014) 早上我不用太趕,在530分起床,時間仍很充裕。
當天除了全馬,半馬,十公里賽事外,主辦大會還加插了二公里及輪椅賽。在本地賽事中,除了渣打馬拉松外,這次可算是一場大型賽事。
 
我在730分左右抵達馬鞍山運動場,看到很多跑友,一些在場邊做拉筋,另一些在運動場的田徑賽道上,作緩步跑熱身,準備出賽,場面十分熱鬧。


 
在開跑前,我拍了些照片留念.





這次賽事的獎盃.


田北辰議員主持起跑鳴笛,賽事在820分準時開賽。跑手在環繞運動場一周後,魚貫離開跑道,接著轉出跑步徑,我參加的是半馬賽事, 我原先以為這次賽事會在平坦的路段進行,怎知轉出運動場後不久,就要跑上梅子林那段斜路。




五分鐘後,我仍然在上斜,我估計這段斜路超過一公里,結果我在這段斜路花了不少氣力。到了十公里的指示牌時,我已經用了57分鐘,這個時間,對我來說並不是太差,但由於用的氣力較平時多了,結果到末段一公里,成了強弩之末!我想加速,但力不從心,最後的半公里,只能以意志力來克服,時間公佈了,是2小時06分12秒! 我的組別位置是76.












 

2014年12月25日 星期四

肥仔恩與黑仔馬




花旗黑仔馬就 Sony 影業的網絡受襲,指控北韓喺幕後策畫,以報復 Sony 發行剌殺金正恩那套電影。在黑仔馬公開表示「將作適當回應」後不久,北韓網絡就開始受到攻擊,出現不穩,是北韓多年來最嚴重的網絡故障。

事件發生後,白宮同國務院都拒絕表明事件是否跟美國政府有關 ,國務院發言人更耐人尋味地說:「我們不會公開討論可能回應行動的執行細節,亦不會評論有關報導,我們可以說,當我們執行回應措施時,有些是看得見,有些卻看不見。」

由是觀之,語言「偽」術,不單是CY專有,老美也有得出賣!從這件事可以看到老美嘅霸權主義,因為北韓曾表示Sony 影業的網絡受襲,跟他們無關,還建議聯同美國一起調查。但黑仔馬即時拒絕,還作出報復!

究竟Sony網絡受襲, 是否真的跟肥仔恩有關?而肥仔恩又有沒有咁嘅能力呢? 在仍未有實質證據前,黑仔馬就一口咬定係肥仔所為,還作出快速的報復行動,實在令人感到詫異!故此,有理由相信整件事件,都是由黑仔馬自編自導自演。此舉是否要轉移國人對警察的仇視情緒,抑或有其他目的?真係不得而知!

肥仔恩的國際形象雖不討好,但黑仔馬對其他國家的指指點點同樣令人討厭!我估黑仔馬想推翻肥仔恩皇朝,之後扶植一個親美嘅傀儡政權,到時就可以喺中國北面為所欲為,包括建立軍事基地等等。對老美圍堵中國的構思來說,北韓呢塊版塊非常重要,因為喺戰略上,可以對中國作出牽引。

黑仔馬喺日前宣布同古巴建交,但人權問題卻可以暫時擱置!呢啲咪叫神又佢,鬼又佢囉!可以睇到政治係建基於利益,有乜野唔啱傾嘅地方唔重要,最緊要符合雙方利益。好明顯如果老美同古巴建交,肯定會帶旺古巴旅遊業,美國可以趁機以經濟滲透,從而影响古巴嘅政治。所以只有香港呢班中小學雞同埋政棍,吓吓以美國所倡議嘅民主為座右銘,而民主阿伯同民主阿婆,周不時去美國滙報香港情況,所以被巿民冠以漢奸之名,實不為過!

當記者訪問為什麼看這齣戲的紐約巿民時,他們異口同聲地說,這是體驗言論自由的一種表現! 那麼,為什麼美國不拍一齣剌殺英女皇的電影呢? 分明是挑釁行為,卻說成是體驗言論自由!

從剌殺肥仔恩呢齣電影來說,表面上係一個商業決定,但諗深一層,重有好多同老美敵對國家,為何唯獨選中肥仔恩做主角呢?呢套戲肯定無咗中國呢個龎大巿場,在商言商,並不化算!作為投資者,我也不會蠢到跟錢鬥氣!故此這齣戲背後有政治目的,絕不出奇!再者,為何不拍剌殺普京?或者剌殺其他不友好國家的領袖? 好明顯,國弱被人欺!北韓正正係一個好例子!

老美打著民主旗幟,實則利用呢種普世價值觀,滲透其他國家,以達到其經濟利益! 皆因這種做法有巿場,故老美屢試不爽! 我相信剌殺肥仔恩這齣戲,只是美國對付北韓的前奏,而不是終結!
 






2014年12月23日 星期二

開PARTY

唔好意思,無新稿件,舊文都翻炒,頂住先!

講番我哋嗰個年代,我指係50-80年代,大部份人屋企都無電腦,唔似得依家啲人郁吓就用電腦同朋友傾計或者上網打機,佢哋可以成日唔出街都唔覺得悶因為有部電腦倍住佢哋。喺日本有位上網發燒友,日日喺屋企上網打機,佢日又打夜又打,竟然打到唔得閒出門口,結果成十年未踏出過門口一步。由於佢平日習慣用電腦嚟溝通,久而久之,結果連講說話嘅能力都退化埋,你話係咪好誇張哩。我哋嗰陣時屋企莫講話電腦,就算電話同埋電視亦唔喺咁普遍,你話留喺屋企做乜?所以我哋一有時間就會揾啲FRIEND玩吓HEA吓,而開PARTY就係當年其中一種最流行嘅娛樂。我相信喺嗰個年代出生嘅朋友,唔多唔少都開過PARTY

嗰陣時除咗清明,七月十四同埋重陽節之外,差唔多所有節日都喺開
PARTY嘅日子。如果有朋友生日,唔駛問阿貴,一定係攪PARTY慶祝架喇。但攪PARTY最緊要有埸地,同埋要有朋友幫手。一啲負責音响;一啲負責食物,食物通常離唔開薯片,菠蘿腸仔,花生同埋汽水等等。

PARTY
通常選擇喺夜晚舉行,皆因日光日白會減低氣氛,就算喺夜晚,都要用黑色嘅卡紙貼住啲玻璃窗,務求做到一啲光線都冇。周末係最多人選擇開PARTY嘅日子,因為第二日唔駛番工,可以玩到通宵達旦。加上當時有齣好賣座嘅戲叫《周未狂熱》,直接將周末開PARTY推到最高峯。而負責音响嘅朋友應該係最辛苦,嗰陣時冇微型組合,啲音响好大件同埋好重,好似喇叭,擴音機,同埋唱機等等。攪掂音响之後,又要去借唱片,嗰陣時冇CD同埋LCD,只有黑膠唱片,東又借啲西又借啲,剩係揾齊心目中嘅唱片都嘥唔少時間。之後要將啲唱片整理好,如果攪亂咗還錯俾人,睇怕日後都唔好意思再開聲同人家借。我哋嗰陣時開PARTY全部係用英文歌,音樂分二類,第一類係好勁嘅,俾跳 SOLE用,另一類係情歌,俾跳四步用。

乜嘢叫做跳
SOLE呢?即係一個人亂鬼咁跳,手腳亂撐。唔好意思,我係指我自已咋,完全無意詆各位舞林高手。我有時睇番啲語殘片,睇到有關開PARTY嘅片段,就會感受到當年開PARTY既開心又熱鬧嘅氣氛。跳SOLE要用好強勁嘅背景音樂先至好玩,好似Deep Purple, Santana, Chicargo,Chic  同埋Eagles等等,佢哋係當時最受歡迎嘅樂隊,開PARTY播嘅音樂一定唔少得佢哋一份,例如:25 or 6 to 4, Le Freak,Evil Way, Black Magic Woman, Dancing on a Saturday night, Smoke on the water, Hotel CaliforniaHot Stuff等等。到咗七十年代尾,Bee Gees嘅唱歌風格一轉,由慢歌變成好Rock Music,開親PARTY都會播佢哋嘅音樂,好似Night Fever, Tragedy, Grease 等等。而《揸住煲茶》同《奧利花經頓莊》合唱嘅Grease 更成為開PARTY 嘅必然正選歌曲。

至於四步,去過
PARTY嘅朋友都知道要揾一個PARTNER一齊跳,亦都係我哋嗰個年代識女仔嘅少有渠道之一,唔同依家,上吓網玩吓飛士卜都可以認識唔少朋友。跳四步嘅音樂,主要係一啲舒情嘅情歌。好似人鬼情事未了嘅主題曲,Unchained MelodyMarial Cavey Without you; Engelbert Humperdinck Too beautiful to last Herman’s Hermits My Sentimental friend Bee GeesHow deep is your love Romeo & Juliet 嘅電影主題曲What is a youth ?Michael JacksonOne day in your life重有Patti Page Changing Partners同埋Bee Gees Melody fair等繪炙人口嘅歌曲,跳四步一定唔可以缺少。

如果要營造更加好嘅氣氛,喺佈置場地嘅時候,可以加多幾串燈泡。嗰陣時有種變壓器買,接駁咗之後,啲燈光會隨住
BASS同埋鼓聲嘅輕重而閃動。鼓聲愈多愈強勁,燈光相應閃得愈頻密同埋愈光。強歌熱舞,配合超勁嘅音樂,加埋不停閃爍嘅燈光,所有嚟開PARTY嘅朋友,都陶醉喺呢種狂熱嘅氣氛之下,就算有乜嘢煩腦,話鬼知你啦!一於好少理,玩完先至算。所以嗰陣時點解咁多人鐘意開PARTY,呢個係其中一個原因。

我記得有次我個
FRIEND問我有冇興趣去PARTY。吓?開PARTY?我唔識跳舞噃!點去?跳舞之碼,好鬼簡單,我個FRIEND同我講。如果跳SOLE嘅話,仲EASY,求其郁吓手郁吓腳咁就得架喇。如果想跳得好睇啲,可以加插一啲動作,你可以想像你用條毛巾擦背嘅動作,或者將隻手指指吓天篤吓地,又或者一路《UN》一路好似梳頭咁咪得囉!聽落又唔係好難喎,點知到練習嘅時候,郁極都唔似樣,所以跳舞呢家嘢,真係好講天份,不過我個FRIEND講,喺PARTY裡面,個個掛住跳舞,有鬼人理你跳得好睇定唔好睇咩!咁講法又有道理,跟住我問個FRIEND,四步又點跳呢?

我個
FRIEND話依絲執,只要記住個口訣就乜都掂,吓?乜跳舞都有口訣?又幾過癮喎!佢話:落點上上,上點落落,我係指腳部嘅動作。首先將雙腳拍埋一齊,右腳向後《落》一步,然後腳尖向地點一《點》,跟住《上》番原來位置,再向前《上》一步,左腳跟住踏前一步,最後雙腳再次拍番埋一齊。然後輪到左腳《上》前一步,腳尖向地點一《點》,跟住《落》番原來位置,然後再後《落》一步,之後右腳跟住向後退一步,雙腳又再次柏埋一齊,重複咁做,就係咁簡單,當然要配合個PARTNER喇!佢移向左,你就左;佢移向右,你就右。 明唔明?我話聽就真係好簡單,不過要試吓先至知。跟住有個小學女同學話幫我排練,佢叫我右手揸住佢隻左手,左手就攬住佢條腰。老實講,我咁大個仔都未掂過女仔手,重話要攬住佢條腰添!我有啲猶疑,重感覺個臉有少少〈慶慶〉哋。點知個女同學重大方過我,跟住同我講:駛唔駛驚成咁呀你!我驚?喺呢個環境之下,就算死都唔可以衰俾人睇,一於死撐。跳咪跳!駛死呀!

就係咁,我嘅第一隻舞就奉獻咗俾個女同學。
起初,時間配合得唔好,成日踩親佢隻腳,我SORRY都嚟唔切。直至跳到我踩唔到佢隻腳嘅時候,我個FRIEND就同我講,恭喜你,可以下山架喇。吓?咁快就畢業架啦?我都幾有天份喎!心諗。呢啲叫做老鼠跌落天秤:自稱自讚。事實上喺咪真係識跳呢?心照喇,大家千祈唔好篤爆我。

咗冇幾耐,我個FRIEND話有PARTY開,問我有冇興趣去玩吓?梗係有啦!我即刻答佢,學咗之後都想試吓究竟係咪真係識跳。不過,你估我真係想睇吓自己識唔識跳咩!梗係唔係喇!查實我想識女仔就,不過呢句話我冇講出口,只係自己同自己講嘅啫。

嗰次係我第一次去
PARTY,真係有少少緊張。呢個係聖誕PARTY,地點係古洞童軍營地。嗰度裡面有幾間營舍,而PARTY就喺其中最大嗰間舉行。我同班FRIEND齊齊靚架車,跟住向目的地進發。去到之後,發覺嗰度嘅聖誕氣氛非常濃厚,營地之內有棵好大嘅松樹,掛滿晒飾物同埋閃燈,我哋喺門口已經聽到悠揚嘅聖誕音樂,原來已經有好多年青人到咗。我嗰陣時仍未過氣,所以都係其中一位年青人。我哋成班FRIEND,女嘅梗係望吓有冇俊男;而男嘅當然揾吓有冇靚女。可能十八冇醜婦,我覺得大部份啲女仔都叫做順眼。

我哋入去之前,個
PARTY已經開始咗。原先諗住霸番個好位,依家就唔駛諗喇!入去嗰陣時啱啱播緊25 or 6 to 4,如果大家聽過呢首歌,都知道啲音樂幾咁強勁,幾咁ROCK。當其時有成幾十人喺度擺動蛇腰,當然亦有水桶腰啦.燈光隨住強勁嘅鼓聲閃動。我哋喺閃動嘅燈光之下,幾經辛苦先至揾到個位坐低。我個FRIEND講得好啱,大部份人都係亂鬼咁跳,同時真係冇人得閒會留意你喎!

我坐咗喺度周圍望吓,睇睇有冇靚女先,可恨燈光太微弱同埋場地太大,睇得唔夠清楚,唯有喺側邊偷吓師,學吓人哋點樣跳舞先至好睇。有啲動作好細微,個人好似
木咁企喺度
UNUN吓;有啲就好誇張,跳到成個人好似識飛咁,唔知重以為師傅上身添;有啲動作望落去真係好似疏頭咁喎;至於指天篤地咁跳法嘅亦大有人在,成個裝錯摩打咁款。睇吓睇吓,又幾過癮

第一首歌完咗之後,跟住播嗰首都好勁喎,係
SANTANA EVIL WAY,我問個FRIEND,佢話呢首都係跳SOLE 用嘅,跟住佢叫我出去跳。我突然間周身唔自在,推話等多隻先,查實自已未克服心理障礙,重未有勇氣喺大庭廣眾之下輕歌慢舞。突然間,我發現遠處有個長頭髮嘅靚女,啲勇氣竟然間返晒嚟,之不過幾次想起身行出去想請佢跳舞,往往俾人截足先登。所以話好嘅嘢,如果唔積極爭取,真係蘇州過後冇艇搭,唔好話唔提醒你,否則後悔都嚟唔切

唔知負責打碟嗰位朋友係咪唔抵得我哋有咁多機會親近啲女仔,所以佢跟住播親嘅都係跳
SOLE嘅勁歌 ,佢可能心諗:睇你哋班友仔跳得咁過癮!死味! 跟住播成十幾隻都係勁歌,呢次大家都為咗一個共同利益,所以好鬼齊心,一齊報以噓聲,有人大嗌:有冇搞錯,想跳死人咩!結果,喺大眾壓力之下,嗰條友仔死死地氣咁播番多啲慢歌。

事實上,直到嗰個時候,我連一隻舞都未跳過。當心目中嘅靚女俾人請咗去跳舞嘅時候,我個心有少少失落。痛定思痛,呢次我醒目喇,當啲音樂未停嘅時候,我已經好似架跑車咁,入定個一波,俾大油門,一鬆《極力子》,架車就飊到去,咁都唔夠人爭就真係冇嘢好講啦。話咁快就到下一首歌,未開始播嘅時候,我已經想偷步衝出去。


音樂一响,我就好似隻馬咁即時彈出,反應凌厲,點知就喺呢一個時候,冷不提防有個四眼仔突然間攔住喺我面
,原來想請我跳舞.我即刻同佢講:喂!老友記,我唔係女仔嚟架!唔該睇清楚!佢跟住同我講,SORRY!啲燈光太暗,而你啲頭髮又咁……長,我一時睇錯咗啫,唔好意思!你就唔好意思得過喇!個心真係想炳佢一鑊,呢次真係俾你累死!我自己同自己講。四眼仔一頭霧水,唔知我噏乜?我話冇嘢喇,唔該快啲閃開,麻煩晒同埋唔該晒。所謂謀事在人,成事在天,我再望已經唔見咗個靚女,唯有無奈坐番喺個位度。


同我一齊嚟嘅朋友,個個都走晒出去跳舞。我百無了賴,週圍望吓,睇吓見唔見個靚女先?點知喺人
之中望咗好耐,發覺個女仔可能已經走咗,佢坐開個位亦都俾個肥仔《得》咗係度。我喺嗰個時候有些少失落,吓?唔通真係有一見鍾情嘅?但老老實實,我根本睇唔清佢個樣噃,只係見到佢有把長長嘅秀髮,直覺上佢係靚女,諗落似乎有啲斷估喎,再諗深一層,我會唔會好似個四眼仔咁睇錯咗呢?可能嗰個唔係女仔嚟嘅噃,諗到呢度,我突然間有少少阿Q精神,自己同自己講:咁重好,起碼可以留番一個美好嘅回憶。

雖然我最後都冇跳過一隻舞,但我覺得去
PARTY都幾有氣氛同埋好好玩,跟住嗰一年,除咗七月十四,清明以及重陽之外,所有PARTY我都有參加。所謂日子有功,我嘅舞藝一日千里,雖然同米高積遜有少少距離,之但係郭富城如果同我比,都要行埋一便,而開親PARTY梗係有靚女請我跳舞,喺嗰個時候,我先至知道乜嘢叫做無敵係最寂寞。諗下諗下,真係好開心,突然間聽到班FRIEND嗌我:冇鬼用,一隻舞都唔敢跳,夠鐘走啦!唉!個夢發長啲都唔俾,你話呢班喺咪FRIEND嚟架?
(完)

如果想重温以下
嘅歌曲,可CLICK入下面條LINK度聽吓!信我,幾好聽架,唔會介紹錯嘅

25 or 6 to 4
http://www.youtube.com/watch?v=iUAYeN3Rp2E
Le Freak
http://www.youtube.com/watch?v=4KUL9-eNXzQ
Evil Way
http://www.youtube.com/watch?v=ztsFzknPBM8&feature=fvsr
Hot Stuff
http://www.youtube.com/watch?v=27-TM3q5-Cc
Too beautiful to last
http://www.youtube.com/watch?v=WA0-3-EgyLc
One day in your life
http://www.youtube.com/watch?v=44_qWFAdjqQ
Changing Partners
http://www.youtube.com/watch?v=pWQGUMROh4I
My sentimental friend
http://www.youtube.com/watch?v=5hXQpi2Cxy8
What is a youth
How deep is your love
http://www.youtube.com/watch?v=kJY9wYodL4Q

Smoke on the water
http://www.youtube.com/watch?v=2WX_4FNoto4
Dancing on a Saturday Night
http://www.youtube.com/watch?v=fHb60K2RLx0
Black magic woman
http://www.youtube.com/watch?v=eaKnRUfh_5I
Hotel California
http://www.youtube.com/watch?v=1ygI3BZxdCY
Melody Fair
http://www.youtube.com/watch?v=8s9WLWc7wZo
Unchained Melody
http://www.youtube.com/watch?v=t-idDbIfGvw
Tragedy
http://www.youtube.com/watch?v=MSVTOMkJdqs
Night Fever
Grease - summer night
Grease (By Bee Gees)
http://www.youtube.com/watch?v=oxEtwtib7MM
without you

2014年12月22日 星期一

A Whiter Shade of Pale


我很喜歡這首由 Procal Harum 所唱的Whiter Shade of Pale 五十年前那一晚深夜,在Uncle Ray主持的深夜音樂節目中,第一次聽這首歌,就喜歡了。歌手的聲音,給我一種無奈及滄桑的感覺,但我最喜歡的,還是歌曲開始時及中段的電子琴獨奏。

We skipped the light fandango
Turned cartwheels cross the floor
I was feeling kind of seasick
The crowd called out for more
The room was humming harder
As the ceiling flew away
When we called out for another drink
But the waiter brought a tray

*And so it was later
As the miller told his tale
That her face at first just ghostly
Turned a whiter shade of pale
You said there is no reason
And the truth is plain to see
But I wander through my playing cards
And would not let it be
I'm one of the sixteen virgins
Who are leaving for the coast
And although my eyes were open
They might just as well been closed

(Repeat*)

2014年12月18日 星期四

Brooks 15公里 挑戰賽 2014 (14-12-2014)


剛過去的週日,早上六時起床,因為要到上水塱原比賽。由於前一晚看完英超後,已經深夜三時有多, 睡了只有二個多小時,幸好愛隊阿仙奴狂數紐卡素41, 我捱更抵夜捧場都值得。但被鬧鐘鬧醒時,仍有神不守舍的感覺!
我在七時十分到達目的地,只見寥寥幾個跑友在現場熱身,場面冷清,可能早上天氣太寒冷的緣故。






今年陳先生沒有報名,故此只得我一個人獨自參賽。
在起步前四處拍些照片留念。






起跑時,大會宣佈當時溫度為攝氐10度,一個寒冷但天朗氣清的早上,十分適宜長跑比賽。
每次出賽,我會跟自己說,不要勉強自己,慢慢跑,享受比賽的樂趣。但每當離開起步點時,我的想法又會改變。除了不甘被其他跑友拋離之外,更想打破自己以往的紀錄。故此,這次也不例外。在最後的一百米,我還拼命跟另一位跑友鬥足一條直路,由於對方年青力壯,我輸了一條頸位。

剛過終點!

結果公佈了,我的完成時間為1小時22分03秒,較我的舊紀錄1小時2231秒快了28秒,亦是我在此程的最佳紀錄!年紀大了,還可以跑 得快過舊年,收貨了!這次賽事,姚潔貞以刷新 香港紀錄的54分07秒成為女子組冠軍,而余顯華則以50分03秒榮膺男子組冠軍。

我的成績:過終點人數:1242,我的位置:574

           今年的跑衣 






















2014年12月16日 星期二

良知港人

在網友酒徒的網誌中,其中有一篇談論佔中的網誌,被一位 gou rong的網民留言,這位自封有良知的網民,竟對持不同意見的網友施以嘴咒,以下是那位網民的留言:
年青人有理想,不畏強權走出來為社會求公義,有良知的香港人一定支持。你條老坑日日無所事事,試問雨傘革命對你有幾大影響呢?阻著你去攞綜緩嗎?你都就快兩腳伸直,仲咁斤斤計較,多支持年青人爭取一個更公平更公義的社會吧!
對持不同意見的網友作出惡毒的嘴咒,這類人的良知好得到那裡?我留給大家評論。
過了數日,這位「香港良知」在酒徒的另一篇網誌的留言版,雖沒有再作出任何評論,但就貼了以下的一條 link,是一位網民「張晨」的網誌。


這位 gou rong 明顯認同「張晨」的言論,故此引述他其中的一篇網誌。我特地去看一看,回應了筆者以下的其中一段言論,但我之後再進入他的網誌中,我的留言己經「被消失」!我有點兒奇怪,我只是解釋為何有巿民對雙學作出狠狠的攻擊吧!完全沒有恐嚇及不敬的成份,我百思不得其解,這些號稱有良知的香港人,竟不能容納任何跟自已持不同意見的人!他雖然沒有給我回覆及將我的留言刪除,但我終於明白了,答案是盡在不言中!

以下節錄自「張晨」網誌其中的一段言論:
讀著給學生們的網上留言,實在難過,看見警察痛打示威者,也可以忍著淚水暗暗咒罵惡警,把矛頭更清晰地對準歹毒政權洩憤,但那些在網上給雙學的留言,很多次,越看只越覺血肉模糊,看不下去,實在看不下去。心裡百般不解,這班學生究竟欠了香港人甚麼?」
以下是我被刪去的留言:
「這次佔中事件,可以看到很多問題,反對佔中同支持佔中者,都各走極端。我從來就不相信中央會下放權力給香港一人一票選特首。另一方面,香港根本沒有政治人才,一人一票選出來的特首,未必有管治能力。當然,有部份香港人,本著由自己選擇,死也甘心的思維。但中央卻有另一種看法,假如選出來的特首與中央不協調,對著幹的話,那麼,在民生方面,例如供水,副食品,自由行旅客等等,是否繼續維持?假如出現這種窘局,中央怎樣處理?讓香港自生自滅?還是出手相助?不要忘記,中國在香港有很多投資,假如香港經濟受損,中國亦會身受其害,到時如果有這種嘅情況出現的話,可謂進退兩難!
中央亦看到香港有不少反對派,以政治掛帥,只要下放權力給港人,面對的風險肯定大增。基於以上的原因,可以預測到中央不會冒險。故此,政改的事,幾可肯定沒有談判餘地。
佔中三子日前發表言論,承認錯估形勢,但部份港人不會接受,因為大家都在事前看到問題所在,為何二位學子及一位資深傳導人,竟然會齊齊錯判?故此懷疑他們背後有陰謀並非無的放矢。加上美國高調表態支持香港雨傘運動,而運往佔領區的物資,源源不絕。在這段期間,又爆出黎智英收取美國資金,資助佔中的傳聞。此舉容易令人想到美國在這事件所扮演的角色,以搞亂香港,拖垮中國為目的。
佔中三子,用了一年時間縕釀佔中,兩位學者負責吸收學生支持,而資深傳導人負責游涗教友支持。學生給巿民一種赤子之心,他們上街是為了幫巿民爭取公義,所以支持度比佔中三子還多。但事件演變下去,卻看到學聯,學民思潮及佔中三子對事件,意見分岐,各方對事件持不同的看法。
學聯對學民思潮單方面宣佈絕食表示詫異,我的看法是各方面都出奇制勝爭取知名度,黃之鋒在教改時初露頭角,但香港教改不是國際大事,為何黃之鋒竟會成為時代雜誌的封面人物呢?沒有後台,怎可成事?而學聯的周永康及岑傲暉據說都持有美國護照,他們給部份巿民的印象,是利用為香港爭取真普選的口號,作為提高自己知名度的一種方式。
黃之鋒宣佈絕食,以爭取重啟跟政府的對話大門,結果大家都應估到,政府不會理會他。而他這次絕食行動,再次給人一次做秀的感覺,可能希望重登時代雜誌的封面。
基於以上的分析,這場佔中運動,除了擾民之外,達不到預期效果不特只,還將中央對港的政策會重新調整。學生的激進行為,除了令到主教陳日君不認同外,亦令到部份港人感到厭惡。
大家從不同角度看相同事物,會得到不同的結論。從你的角度看,你不會明白為什麼有港人咒詛一個為大家爭取民主的青年人,心裡百般不解,這班學生究竟欠了香港人甚麼?但受到佔旺,佔鐘及佔銅行動影响的巿民,生意下跌了6成,晚上受到示威人士所發出的聲浪困擾,其子女有學不返,有家不歸,那種怨氣,你能夠理解嗎?」

2014年12月12日 星期五

給之鋒的一封公開信



之鋒同學, 今年的諾貝爾和平獎名單己經公佈,你榜上無名,我真的替你不值,我還以為你可以黑馬本色,殺入決賽,成為絕無僅有獲取諾 貝爾和平獎的香港人! 繼風帆及單車之後嘅另類創舉,為港人頭 上再添光環。




你無需自責!因為我覺得你已經盡咗最大嘅努力,沒有放軟手腳。環顧當年花旗教主黑仔馬,亦暗中幫了你一把,否則,那些年你的反國教示威,只是碎料一宗,在國際上,完全談不上影响力,但你的專容,卻可以登上時代雜誌的封面,跟已故的小平同志,甘地等等,平起平坐,好不威風!從那一刻開始,你聲價百倍,令我對你充滿信心!

呢次雨傘運動,港人已經跟你盡力配合,大家堅持咗六十幾日,到接近諾貝爾和平獎放榜之際,你再以絕食一招,將自己聲望推上高峰!老實講,你呢次嘅留放,可用一絕嚟形容,絕對不比連任十多屆冠軍騎師韋達遜色,奈何對手馬拉拉嘅實力,實在太過強勁。





你一貌堂堂,馬拉拉同你相比,簡直望塵莫及,單睇容貌,你應該可以K.O.馬拉拉!我不明白你為何會落敗?我經過多日苦心思量,終於搵到你落敗嘅原因!第一,你面對嘅,係香港警察,而馬拉拉面對嘅,係舉世聞名兇殘嘅塔利班;第二,你只係佔地露營加埋絕食咗幾十小時,但馬拉拉就中咗幾槍,子彈貫穿頭骨,幾乎性名不保!第三,你之後最多面對被律政司起訴;但馬拉拉卻冒著再被暗殺嘅風險!
縱觀以上各點,你形勢完全處於下風,落敗實在無話可說,唯有怨句:「既生瑜,何生亮!」不過,你唔駛灰心,我有信心,You will be back! 作為你嘅忠實 Fans , 我不妨照直講,你呢種玩泥沙嘅絕食方式,毫無難度,加上之前大肆宣傳話無限期絕食,但結果三日貨仔都唔夠,好難得到高分數!所謂兵行險著,我建議你下次不妨諗諗自焚呢招!.................吓?自焚會好危險?........咪玩我喇!大家都知你做慣搔,識得點到即止嘅!如果真係驚出意外嘅話,咪安安份份返番學校,繼續做番個普通港男囉!







不一樣的渣馬(21/1/2024)

  後天便是一年一度的渣打馬拉松,但兩星期前的意外,不得不令我再三考慮應否退出是次賽事。我衡量過目前狀況,右腳跟已消腫,雖有少少痛,但跑十公里應可應付。最大的問題是右手不能活動自如,若出賽的話,需用左手托著來跑,否則右手會變成條條揈。 發生意外日期: 4/1/2024 ...