2016年10月31日 星期一

絕世好工


最近鬧得滿城風雨,相信唔駛多講,大家都知道係邊倆位仁哥仁姐,我唔再喺度多費唇舌。
「佢哋係選民選出嚟,有代表性嗰喎!所以佢哋有權進入立法局!」以上言論,似有理據!但從另一個角度睇,佢哋兩個只不過係喺某地區,得到大多數票而當選,兩個加埋都唔過七萬票,相對以七百萬港人比較,只佔一小部份。
我又諗起黃之峰,佢曾就立法會候選人嘅最低年齡提出覆核,建議由21歲降到18歲,由此可見,立法局議員呢個肥缺,由18歲至80歲嘅港人,都虎視眈眈。無它嘅,因為月入唔包津貼都成十皮野,連埋一份四年合約,你話唔吸引就假。如果有公司俾出以上嘅OFFER,肯定要求多多,就算唔做到PK都會做到你殘!
 
做議員吸引之處,除咗薪酬,就係佢嘅工作性質。每日唔駛交QUOTA,又無上司監管,十分自由。鍾意可以擲吓蕉,玩厭咗,又可以拉吓布!有得出位,有得玩,又可以自我感覺良好,化身成正義之師!呢啲筍工,你話去邊度搵喇!
 
我當年去葵涌搵份署期工,日薪雞碎咁多,個管工都問我有無工作經驗?但係依家當議員,無需學歷,亦唔駛經驗,只要有人選你出嚟,咁就掂過碌蔗!睇番轉頭,做個文員,都話要有工作經驗,而監管政府施政,竟然乜經驗都唔駛,諗落係咪有少少本末倒置哩!
 
政府之內,不乏大內高手。所制訂嘅政策,都係經過資料搜集,有根有據,再花一段長時間,精心研究得出嘅結果。好似每年嘅財政預算案,係一份用咗幾個月時間,由政府內部不同範疇嘅專業人士, 嘔心瀝血所寫成嘅報告。呢份報告,對於不學無術嘅青年新政嚟講,點會睇得明。好話唔好聽,呢班友仔,連自己日常生活起居,可能都要靠屋企人,你話旨意佢哋監管政府,真係嘥鬼氣喇!
 
呢兩位仁兄仁姐,能夠當選議員,唔係靠實力,只不過係時勢做英雄,借住佔中上位。佢哋屬於「少年得志大不幸」嘅一個好例子,結果勝利沖昏了頭腦,以為藉住宣誓時出位,就可以更上一層樓。
 
曾在宣誓時玩過野嘅議員,首推癲狗同長毛,但佢哋知道遊戲規則,適可而止,所以可以順利過到關。但呢兩個新貴,學藝不精,結果玩出禍,得罪全球華人,重洋洋得意。
 
女新貴被傳媒追訪時,重振振有詞,話唔會同共產黨道歉!大姐呀!你連得罪咗乜人都唔知!唔係共產黨呀!而係曾經受過日本仔廹害嘅老人家,包括所有黨派以及全球華人!
 
佢哋响事發後重喺度死撐,又話英語唔好,又話鴨脷洲口音,總 之就藉口多多,講得出又唔敢認,一啲吉屎都無,以後講野重有乜鬼公信力呀?之後佢哋重高調應邀去台灣,出席台獨交流心得,呢啲咪正白痴行為囉!
 
話說回頭,我估班青年新政倡議港獨,未必係嘩眾取寵,佢哋同埋班支持者,真係以為香港獨立係有可能發生。所以話呢班人幼稚就係咁解,因為佢哋只係單一諗問題,完全無諗過獨立最低限度要其他國家承認,更遑論獨立後要組軍隊,中國容唔容許等隙手問題!假如你問佢哋,有無諗過邊啲國家會支持同承認香港獨立?我包保佢哋唔識答。
 
不過,我哋又唔可以怪呢啲年青新貴,佢哋只有二十零歲,欠缺人生經驗,閒時打下機,思想簡單,唔知乜叫避忌。佢哋今日能夠當選,主要係靠出位言論,但就唔懂得適可而止。
 
西方嘅民主選舉制度,喺香港未必全部適用,尤其係喺選舉議員方面。監察政府施政,必需有番咁上下人生閱歷同經驗。後生仔太衝動,心思唔得慎密,佢哋嘅決定往往得出一啲反效果。大家唔信嘅話,可以睇下北韓領袖金正恩,佢就係欠缺人生經驗嘅一個好例子,加上剛愎自用,結果受到聯合國制裁,重將國家置於戰爭邊緣。
 
故此,我建議當議員嘅年齡,起碼要提升到三十歲以上,先至可以有資格報名!我呢個建議,唔知有無藉得討論嘅空間呢?

2016年10月25日 星期二

秋日祭奔FUN十公里(23-10-2016)



這個由飛達跑會舉辦的秋日賽事,由2013年開始至今,在不經不覺間,我已參加了四個年頭。2014年最有特色,因為是黃昏賽事,那次安排在沙田科學園,朝著往大埔的單車徑方向進行;往年則由10公里改為15公里,比賽地點轉為大尾督;今年又再次回師沙田運動場,沿著城門河折返。

剛過去的星期五,因為颱風襲港,8號風球掛了一整天。整日橫風橫雨,日間氣溫保持在28度。滿以為打風後,悶熱天氣會稍稍減退,週日的比賽應不致太辛苦,但天文台卻預測週日放晴。

天文台這次的預測十分準確,雖然時屆深秋,但氣溫卻沒有減退。起跑時陽光普照,氣溫28度,在比賽期間,溫度回升至30度。

運動場內綠草如茵






開始起跑

 


沿城門河傍的單車徑往大埔方向跑5公里,然後折返。
 
 



在距離終點前不到兩公里處,看到有跑友中暑倒在路傍,我看到他口吐白沬,希望沒事吧!

今年的跑衣,驟眼看像壽司師傅的制服。
 

 


 


這個小背囊很的式,可以摺疊,十分方便 
 




還有一枝8GUSB手指
 





繼上星期後,再一次以接近7分鐘1公里的步速,開心跑畢全程。
 

2016年10月19日 星期三

元朗區體育節10公里賽事(16-10-2016)


剛過去的週日,是我在暑期後的首次賽事,今年報跑的賽事先甜後苦,開頭三次是10公里賽事,往後三次為半馬比賽。元朗區的首屆體育節從1992年起,每二年舉辦一次。設有多項比賽及訓練,如體操、游泳、籃球、排球、足球、門球、手球、田徑、羽毛球、壁球、乒乓球、網球等,吸引大批體育愛好者參加。但10公里賽事直到今年才能夠成功舉辦,聽講主辦單位往年曾向政府申請,但不獲批准,可能跟其中路段會在巿內舉行有關,需要更多咨詢及安排吧。
 
                             其中比賽路段

  

 

那天天色晴朗,溫度由2531度,對我來說,氣溫實在太高。好友陳生自從轉跑全馬後,我鮮有機會跟他同場作賽,今天難得可以一起參賽,還有一位認識了四十多年的中學同學,他是首次參加公開賽。很久沒有這麼熱鬧了,起碼這次不是孤身走我路 !
 
                                         賽前留影

  


比賽在早上8時開始,起跑地點在元朗運動場內,沿著跑道繞圈一周,接著跑出運動埸,穿過馬田路,右轉教育路,然後折返,沿途經元朗巿公園,再跑回運動場。重覆一次,最後在運動場內衝線。

 

在陽光照射下,我跑過5公里後,已經熱到吃不消,結果加入步兵行列,步行了一公里有多,完成時間,破了自己的紀錄,不是最好,而是最差:1小時10分。

 
這個街跑,因為大部份賽道在鬧巿內,有不少巿民在兩傍打氣,比在沙田城門河傍,科學園一帶舉辦的賽事熱鬧得多。如果賽事推遲多兩個月,待氣溫較清涼時才舉行,那麼會更加完美了。
 
 

今次的賽事,除了跑衣一件之外,還有活絡油一枝,跑步運動手機套一個,輕便背囊一個為了配合環保,近年己不再發行李袋,比賽當日要跑友自行提供

 

2016年10月14日 星期五

婚宴



飲宴分多種,好似結婚,生日,滿月同埋升職等等。我哋去得最多嘅首推結婚飲宴。婚宴分中式同西式,中式婚宴,多數選擇喺酒樓擺番幾圍;而西式嘅婚禮,會選址喺教堂或者酒店舉行。

俗語有話,人情緊過債,故此請柬又名紅色炸彈。



出席飲宴,如果無帶入場卷嘅話,咁就認真失禮。人情分公價同埋友情價,我剛出嚟做野嘅時候,即1977年,公價人情由100大元起,到200大元止。人情大封定細封,視乎交情而定,有啲人就拎埋計數機出嚟,幫主人家計計數。如果係名牌酒樓,就做多少少,否則,做番公價就算。如果唔得閒去飲嘅話,人情都唔可少,一般做法係將銀碼減半。

隨住物價通漲,入場費亦不斷提高,依家起碼要做8001000大元,否則,會唔係幾好意思。

5時恭候,8時入席」,即係5點就可以進場。以前有朋友請飲,第一時間反應就係約腳開枱,趁開席前打番幾圈。為咗爭取時間,好多時酒樓都重未清場,連主人家都未到,我同班朋友已經到咗。

我見過賓客當中,如果多老粗三行嘅話,佢哋又煙又啤牌,有啲更老實不客氣,整碗蟹肉伊麵打打底,全部簽賬都入主人家數,真係睇見都戥主人家肉赤!





以前去飲,通常都會執得四正啲,起碼著番件裇衫同西褲,甚至打埋呔。但依家就求其得多囉,T裇加牛仔褲就算數咯。

大家有無發覺,每次飲宴,菜式都大同小異,原來每道菜式都有佢嘅寓意。首先上枱嘅係乳豬全體,寓意「如意吉祥」;跟住係兩大熱葷,蟹鉗同埋瑤柱甫,「甜甜蜜蜜,團團圓圓」;翡翠炒雙喜,「雙星齊報喜」;竹笙燴雞絲翅,「鵬程大展翅」;碧綠金錢扣鵝掌,「大富大貴」;清蒸大海斑,「年年有餘」;當紅炸子雞,「喜鵲報佳音」;富貴炒飯,「榮華富貴」;幸福伊麵,「延年益壽」;蓮子糖水,「年生貴子」;美點鴛鴦,「有情人終成眷屬」。



上菜都有一定次序,翅通常擺喺第五位置,因為到食翅嘅時候,一對新人就開始逐枱敬酒。敬完酒後,啲兄弟就開始玩新郎同新娘,乘機將佢灌醉。報紙曾經賣過,喜宴變武鬥,就係玩得太過份,大家飲大咗,各不相讓,結果日後分分鐘連朋友都無得做!所以凡事都係要適可而止。

依家啲後生仔女,唔鍾意去酒樓,因為唔夠浪漫。改為去酒店,酒店嘅收費當然跟酒樓相差好大喇!不過結婚係人生大事,對後生仔女嚟講,情願慳啲駛,都唔想個婚禮搞到無厘色彩。

唔講都唔知,原來依家有啲專幫人辦喜事嘅專業婚宴統籌團隊公司,即係話如果你想婚禮搞得有聲有色嘅話,只要肯使錢,隨時有公司幫拖。

呢啲公司裡面僱有婚禮統籌師,佢哋係專業人士,要有CWP國際認可資格才可以擔任。究竟CWP係乜專業資格?無謂嘥時間去研究!總之呢啲統籌師,會為新人度身設計每一個環節,將佢哋嘅成長過程,到認識拍拖等等片段,撮成短片,喺婚禮當晚播出。婚宴流程,由專業司儀負責,例如安排一對新人出場,由新郎及新娘發表感受,再由雙方家長致謝詞,總之,務求喺整個飲宴過程中,唔會有冷場出現。由婚宴公司安排嘅婚宴,都係依循一個模式進行,雖然去唔同嘅婚宴,但流程都熟口熟面,唔知大家有無類似嘅感覺呢?

依家啲後生仔女結婚,唔單只係佢兩個人嘅事,連帶佢哋老豆同老母都要採排,因為要向來賓致謝詞。如果平日唔善於詞令,面對一大群賓客講野,都咪話唔大壓力!

我最近有幸出席同學嫁女婚宴,婚宴嘅地點都算特別,既非酒樓,又唔係酒店,而係位於尖沙咀嘅三軍會所。而擺酒嘅地方,係喺一個好巨大嘅帳幕裡面。



帳幕面積唔細,可以容納二三十圍酒席。裡面嘅天花,採用銀白色嘅絲綢布匹做裝飾,中間掛上一排水晶燈,兩者十分配合,同金碧輝煌嘅酒樓相比,卻另有一番風味。

同學嘅千金,係喺英國土生土長,女婿係澳洲人。嗰晚嘅賓客,中國人同外藉人士嘅數目,應該打成平手,各佔一半。宴會7時入席,我因為唔熟路,遲咗二十分鐘先至抵達,結果錯過咗一對新人入場嘅儀式。

剛坐低,已見到新娘及新娘致詞。所以話,依家如果唔識講野,莫講話難搵野做,分分鐘連婚都結唔成!食到咁上下,到家長上台致賀詞,同學率先上台,首先用廣東話多謝出席來賓,然後再講番話。

呢啲場合,講野切忌拘束沉悶之前有個朋友嫁女,佢太太站台分享感受,話當知道個女出嫁時,喊咗幾場,因為佢太過開心喇!原因係個女終於有人肯要,加上每日唔駛同佢整早餐!


中國人含蓄,鬼佬奔放,嗰晚可以睇到呢兩種極端嘅性格。食咗幾道菜之後,班鬼佬已經HIGH到跳上張枱。去到食魚嘅時候,班鬼佬鬼妹已經跳舞跳到不亦樂乎,又house of the rising sun, 又有比知嘅Night fever!幾杯落肚,我都有少少HIGH,仿佛置身於四十幾年前嘅
PARTY一樣!



 


我離開時,仍然有唔少賓客喺度載歌載舞。呢次婚宴,好有特色,我係第一次參加咁樣形式嘅婚宴!唔知大家又有無一啲難忘嘅飲宴經歷呢?

2016年10月4日 星期二

世外高人


前日早上,在佐敦近南京街及白加士街一帶,發生斬人血案,6名尼泊爾大漢追斬一名同鄉,警方接報到場時,喝止兇徒無效,唯有拔出配槍,連轟4槍,結果涉嫌傷人的兩名疑犯中槍就擒。




「疑兇當警員無到,在警告下,仍然照打照斬,係斬係咁斬!」以上為目擊者接受傳媒訪問時所講的一番說話。

對付窮兇極惡的兇徒,警方絕不能手軟,治亂世,必需用重典,否則,只會助長兇徒氣焰。是次開槍,我相信絕大部份巿都認同警方的做法,是果斷及正確的。

但融樂會的總幹事張美鳳卻持另類見解,她關注在開槍前,警方與該南亞裔人士有沒有足夠溝通。她說對方並非華裔人士,不懂中文,應該要用英語或雙語溝通。

假如非華裔人士在查詢或者申辦手續時,處理的官員,如果發 現他們不懂廣東話的話,會嘗試用英語甚至找翻譯,以便溝通。難道張小姐將街頭劈友及申辦手續這兩種事劃上等號?

又假如那位兇徒是聽障人士,以張美鳳的邏輯推斷,豈不是要等手語專家來?

 
一個有趣問題,假如有一天,張小姐被一班伊斯蘭恐怖份子用槍指著,由於她不懂伊斯蘭語,故此不明白恐怖份子的意思,在此情況下,她會不會因此而揚長而去呢?

不一樣的渣馬(21/1/2024)

  後天便是一年一度的渣打馬拉松,但兩星期前的意外,不得不令我再三考慮應否退出是次賽事。我衡量過目前狀況,右腳跟已消腫,雖有少少痛,但跑十公里應可應付。最大的問題是右手不能活動自如,若出賽的話,需用左手托著來跑,否則右手會變成條條揈。 發生意外日期: 4/1/2024 ...