過氣年青人

我是一個在50年代出生的香港人,我的想當年系列,主要敍述我的成長經歷.由上小學,中學,做暑期工,到出來社會做事; 當年的娛樂有踩單車,開PARTY,郊遊,放風箏等等.網誌中有提到香港當時的社會狀況,例如67年暴動,颱風溫黛,還有傳統節日的慶祝!如果有興趣了解以往年青人生活的話,歡迎來訪!至於憑歌寄意是登錄我喜愛的歌曲;雜項系列是包括任何話題的文章;最後馬拉蟲是記述我參加過的公開比賽.

2013年3月24日星期日

飛達慈善復活跑 2013

今個星期，3月24日喺大埔科學園附近舉行10公里慈善賽。跑步晶片，號碼布同跑步衫安排一星期前，喺荃灣榆景新城領取。我嘅號碼係為1921，哈哈！原來我屬於元老組別。再過多幾年咪叫《老坑公組別》！

件衫設計一般.較為特別係右邊短袖位住置印咗香港田徑會幾個字!

話都無咁快,今日係3月24日,我5點30分起床,6點出門口搭巴士.

去到大埔轉火車,大學站落車,約埋阿陳,齊齊行去科學園起步點.沿途已經見到跑友.

由火車站行去起步點大約1.5公里.

現場都算熱鬧,有二千跑友參加.

起跑前例牌同阿陳影番張合照.睇嚟戴番個黑超會信心大啲，下次諗諗買番副!

８時正式開跑，由於濕度高,加上有少少陽光，我今次跑得比較吃力,原先以為咁短距離，一定為會輕鬆完成，結果人算不如天算，成績唔係咁好,大約５４分左右！跑完之後,托賴無事,再同阿陳影番張合照！

（完)

2013年2月27日星期三

渣打馬拉松2013

眨吓眼,今個星期日,2月24日,又係一年一度嘅渣打馬拉松大賽日.據報今年有7萬2千人報名參加,雖然大會已經比往年加多咗幾千名額,不過報名跑友依然踴躍,我有啲朋友遲咗一日上網報名,已經太遲,名額爆滿!明年請早!

我相信大會要加到10萬名額,才可以滿足所有跑友!呢塊係我嘅號碼布.

今年嘅戰衣.

我今年比往年輕咗6磅,希望跑到末段仍然有力撐到維園終點.根據專家意見,出賽前一星期唔好再練習,等肌肉有充分時間休息.而賽前一星期要食多啲含澱粉質嘅食物,例如意大利粉或者白飯等等,以便儲存多一些能量,增強體力.

今朝一早起身,4點30分出門口.

跟住徒步往西鐵錦上路站，西鐵站竟然一個乘客都無！咁又係嘅,除咗倒塔之外,邊有人咁早出門口!

去到尖東，會合埋阿陳，因為時間緊廹，只係影咗幾張相。個白影唔係鬼影,係個朋友隻手指.

跑完之後照例影相留念.

10..9..8..7..6..5..4..3..2..1,倒數之後,正式開跑,頭段我儘量拖慢，HEA住嚟跑!

留力跑尾段，

去到灣仔,果然重有力.就快到維園,

開始儘力跑埋最後嗰500米,掟個靚灣,

唔可以輸俾個 Gui Lo, 最後衝刺!

,時間係2小時2分12秒,成績對其他跑手嚟講,未必滿意,但我練得咁少,都收貨架喇！

希望明年操多幾課,可以突破2小時!
http://www.hkmarathon.com/event/results/Default.aspx?lang=zh-HK#resultPos

2013年1月27日星期日

香港糖尿聯會健康長跑2013

起步喇!開始進佔有利位置!

沿途跟跑!

末段發力!

由衞生署主辦嘅香港糖尿聯會健康長跑，喺琴日1月27日在上水舉行，呢次係我跑渣打半馬前嘅最後一次公開賽。前一晚落大雨,我心諗唔通又要雨中作賽? 好在第二朝起身出發時,天色明朗,有少少寒意,最適合跑步。

賽道附近風景算唔錯!

我未到七點已經抵達現場,啲工作人員先至到達,開始佈置。

影相留念係指定動作,個號碼不過不失,雖然4字開頭,幸好有個8字尾!

同老朋友阿陳嚟番張合照!

路程唔係太長,加上全部係平路,我完成得頗為輕鬆,但始終無咗後生時嘅爆發力, 按照自己計時,約莫53分左右完成,對我練得咁少嚟講,算係滿意架喇!

跑完之後,趁未有人上台時,走上去影番張過吓癮!

喂喂喂!大家唔好爭喇,相就一下,企埋一齊响跑第一嗰個位置影張相喇!

按總排名排序 Sort by Overall Position page 5 line 50

完成人數: 1035

總名次: 348

時間: 00:53:41

2012年12月2日星期日

北區豐盛人生健樂長跑2012

2012年11月1日星期四

ASICS 10公里香港挑戰賽2012

2012年11月1日上午11:14公開累積瀏覽 208 7

成績公佈咗: 晶片時間: 00:56:37
------------------------------------------

呢件藍色嘅係今年跑衫
.

今日天氣好好,朝早有風,適宜跑步,

沿途有跑友熱身.

跑完之後再影多張

今年時間都係差唔多咁渣,喺一個鐘頭左右完成!

2012年10月7日星期日

2012歐化寳十公里賽

次次跑步前一晚都咁啱播英超賽事，重係愛隊阿仙奴添，終於睇到2點幾先至瞓。攤低無幾耐閙鐘就响，望吓個鐘，咦？ 5點9嗱！即時彈起身梳洗。出門口前睇吓天氣報告，天文台話密雲有雨，心中暗自高興，起碼唔駛咁辛苦，因為今年賽事喺馬料水近科學園做起點，成段路都無乜大樹遮蔭。如果風和日麗的話，肯定曬到燶！我試過喺咁嘅環境下跑步，結果幾乎要Call白車！

我喺7點40分去到現場，先至知道文台嘅預測完全唔準確，成段路都好曬。

呢個比賽好特別，唔係跑10公里，係跑4份1馬拉松，即10 公里多少少。據講今年有個新警司上任，佢話點解咁<了能>跑4份1馬拉松，所以唔批準咁話喎，結果今年同往年唔同，跑番傳統嘅10公里。我唔明呢個女警司，跑多少少關你乜事？所以有時個老頂上司係女性嘅話，真係好鬼麻煩!...........修正，我係指少部份女上司！

睇吓賽道都知有幾曬喇！