沙田城門銀河皇者之戰半馬2010

由於愈跑愈差，從今日開始，我已經將分類名稱：《馬拉松》修改為《馬拉蟲》，表示我嘅速度只達到蟲級。

嗰日開頭跑嘅時候幾清涼，點知去到最後2K直路，陽光普照，

熱到我完全唔想跑，喺直路前嘅彎位，我見到有個水站，即刻衝埋去，諗住飲番幾杯同埋淋吓個頭降溫，點知原來啲水已經派晒，我由充滿希望轉為極度失望，因為我好怕熱嘅天氣，幾年前嘅10K賽事，我亦係喺呢段路幾乎中暑，記憶猷新，我諗住慢慢跑，捱返終點，但始終敵唔過不斷上升嘅體溫，我最後唯有踄步返終點。

結果用咗成二個鐘頭二十分鐘先至完成賽事。