2011北區豐盛人生健樂長跑比賽

由於有區議會津貼，呢個比賽好經濟，只收50蚊報名費。禽晚捧英超阿仙奴場，睇到成1點鐘先至瞓覺，今朝6點俾鬧鐘鬧醒嗰一刻，個心有少少後悔，心諗呢次又係有自唔在，攞苦嚟辛。同以往一樣，跑步最辛苦係起身個一殺那．烏吓烏吓咁6點半出門口，跟住搭車去上水，喺巴士上面瞌咗幾個字。去到上水約莫7點左右，然後行去集合地點  : 北區運動場。

跟住去攞號碼布同埋紀念T裇一件

號碼布

開跑前先至開始封路同整番個吹氣標誌。


指定動作，就係喺標誌前影相。

 

跟住行入運動場，都係影相，再影相。





喺開跑前影多一張。

今日天氣非常好，早上大約15度，唔係太涷，結果我用咗54分幾鐘完成10公里賽事。