光蔭荏苒，彈指之間，2015沙田城門河皇者之戰己於週日舉行。當日天氣不太熱，稍嫌濕度高，幸好密雲，適宜作賽。
城門河皇者之戰，隆重程度，僅次於渣馬及街馬！比賽氣氛濃厚，起點及終點皆設在恆安運動場內，各項賽程的跑手，在喇喇隊的搖旗吶喊下起步及衝線，十分熱鬧！
今年天氣較往年熱，我外出操練的次數比往年少了一半有多，但報了比賽，總不能不操練，唯有到健身室操划艇機代替跑步，以便增強一下心肺功能，準備功夫做得未算充足。
溫室效應令到今年的天氣反常，根據天文台的紀錄，上月份是天文台自1884年有記錄以來，錄得破記錄的平均氣溫24度！我在十一月份的三次賽事中，都在二十多度的氣溫下作賽，比較辛苦一點。
自十一月一號首次比賽後，我發覺自己的跑步心態轉變了，在以往的比賽，我會悉力以赴，甚少當「步兵」！但上個月的三次比賽中，我竟然有兩次當了「步兵」。天氣熱只是其中的一個原因，主要是鬥志消失了，以完成賽事為目標。縱使仍有氣量，雙腿沒有酸痛，但當看到有跑友步行時，我亦照板煮碗，名符其實的輕鬆「跑」！我在早上7：20分抵達現場，全馬賽事已經開始接近一小時了。我在四周拍了些照片，
放好行李，便到起步區等候比賽。
比賽在早上8：20分準時開始，轉出運動場後跑了約莫1公里，就轉上梅子林路，大會將上斜路段減少了一半，故此難度比往年低。我跑到10公里的時候，看看手錶，用了1小時05分，中規中矩。
大會安排妥當，沿途有足夠清水，寳礦力及香蕉給跑手補充體力。我去到19公里的時候，看見有跑友停下來步行，我竟跟著他齊齊漫步。到差不多返回球場的時候，我才再次起動，一路跑回終點。根據自己的紀錄，我用了2小時14分16秒完成賽事。成績公布了:02:13:55
今年的跑衣
香港人對跑步運動好像愈來愈多，約按比例我猜想可能是人口的2%，若果是那也算不少了。
回覆刪除同時我想問，毅行者算不算是跑步一種，而競步的運動在香港流不流行？
你說得對，香港愈來愈多人跑步，我相信有十多萬人。毅行者是一個籌款及比賽的項目，跟跑步不同，競步在香港不算流行，故此很少團體舉辦。
刪除戰衣都唔錯幾搶眼。
回覆刪除我都係鐘情於青黃色跑衣,貪佢夠搶鏡.
刪除你跑緊仲回頭拍照？
回覆刪除啲照片係大會影架！
刪除飛獵兄、輕鬆跑畢全程係享受嚟喎！今次大會以藍色為主題、看落幾順眼。但據報導城門河河水也變藍色、咁就唔多盞囉！
回覆刪除域兄，今年跑衣嘅質地唔錯，不過藍色並不是我喜愛的顏色！前幾日新聞都有報，會唔會排汚渠爆咗呢？
刪除城門河被污染已非今日之事、近年異味雖然減輕、可是污染問題尚未能完全解決。
刪除如果係自然汚染問題無咁大,假如有人將工業染料未經處理排出大海就問題大喇!
刪除光蔭荏苒，彈指之間----->Philip今次的篇首有文青FEEL。^_^
回覆刪除我冇乜跑步，不過我覺得調整心態也無不可呀，未必次次都要破之前記錄或要盡全力做出最佳時間定點，享受跑的過程就好。
哈哈！我啲寫作技巧同用詞只屬二三流角色，還要跟你多多學習！不過， 時間真係過得好快，好似跑完無耐，又話要準備出賽！
刪除年紀大咗，練跑積極性少咗，我感到沒有再突破自己時間紀錄嘅空間，我唯有以享受比賽來安慰自己喇！
為何跑步心態轉變了？無以前咁有鬥志？
回覆刪除還是參加得太多比賽呢(上個月的三次比賽)？
跑得多只會增強實力，不會影响比賽，主要原因係難以再突破自己的紀錄時間，故此唯有輕鬆跑享受過程囉！
刪除件寶礦力戰衣好靚呀！心態轉變？係咪冇諗住破紀錄所以放輕鬆跑呀！
回覆刪除你講得啱呀，因為真係好難再破自己紀錄，所以我選擇輕鬆跑！
刪除你有咁多跑衣, 點處置呢?
回覆刪除大部份俾咗朋友,留番一啲自己鐘意嘅作記念!我最唔鐘意就係渣打跑衣,因為喺街上見到,阿伯又著,執垃圾阿婆又著!
刪除咁幾好喎, 物盡其用.
刪除^^
刪除