今年的起步點設在觀塘繞道上，賽道尚算濶落。美中不足的是當日天氣較熱，濕度亦高，起跑時陰天，但跑過一小時後，轉為陽光普照，感覺有如夏天一樣，有點翳熱。
這次街跑以推廣「跑、飽」為賣點，即邊跑邊食，跟一般的比賽有很大分別。沿途除了有能量水及清水外，更有鮑魚，魚蛋，砵仔糕，牛肉粒，香蕉等美食供應，十分有特色。
那些為了爭取佳績的跑手當然不會停下品嘗美食，但好像我這類柴娃娃的參賽者，少不免停下來吃一兩口吧。
早上5時50分在元朗乘大會安排的旅遊巴往比賽場地
放行李的地方非常狹窄，大量跑手塞在通道上
莫非今年是狗年，狗狗也來趁熱鬧?
起跑時的一刻
在啟德隧道內有點悶熱
跑過十二公里後天朗氣清，太陽高掛，實在太熱了!我在末段的二公里漫步回終點，勉強在二小時半內完成賽事。
獎牌的設計，亦配合主題，左邊是匙羹，右邊的是筷子
我睇報紙都知道今次街馬係有嘢食,咁我想問下,喺外國嘅比賽有冇呢啲咁嘅創意呢?
回覆刪除我甚少外國比賽經驗，在內地連飲品類型都不多，台灣及澳門都是一樣，反而在加拿大有點驚喜，主辦大會提供的飲品一般，但在賽道傍的居民卻十分熱心，自掏腰包，在門前擺放啤酒同生菓給跑友品嘗。
刪除我個朋友，一路跑一路食鱼蛋，牛肉乾😬
回覆刪除報名費350元，你個朋友可能想食番夠本。
刪除食街飽跑
刪除又食又跑!
刪除一邊跑、一邊吃、呢趟賽事都算特別喇！
回覆刪除我相信唔食得多，因為仲要繼續跑。
刪除我最開心係包啟德隧道黎跑, 好威
回覆刪除我覺得無跑西隧咁好玩。
刪除主辦單位想把嘉年華與玩樂元素加入街馬入面吧。
回覆刪除因為如果唔創新，同渣馬無分別，但又唔夠渣馬吸引，會被渣馬比下去。
刪除跑、飽。一邊跑、一邊吃到飽唔係咁健康，不過一次咁多冇所謂喇！都是玩吓姐！
回覆刪除比賽緊點會食得多!只係推廣另類特色跑而矣。
刪除補給站有野食真係好特別，聽講連鮑魚都有。你有冇停下來食下野呀？
回覆刪除我食咗小杯鮑魚，停下來以飲水居多。
刪除邊跑邊食好正呀。
回覆刪除哈哈!邊跑邊食貪得意啫，真正比賽的跑手，連飲水也爭分奪秒，怎會停下來吃東西?
刪除