在退休前，我的工資不算多，但消費也算爽手。午飯的價錢界乎七十至百多元不等，興之所至，吃二百多元的中午自助餐也毫不猶豫。
但自當保安之後，發覺贃錢實在不容易，結果影响了我的消費意念。
明顯改變的，就是主動往街上領取免費報紙，至於平日買開的生果日報，感覺太貴，不買了！
今天中午我往大家樂吃午飯，我細閱餐牌上的價目表，咖哩牛腩飯51元，加飲品6元，我的時薪只有42元，即是吃一個午餐，我就白做一小時二十分；煎龍脷柳41元，另加飲品6元，即47元，我要白做一小時零七分。我不斷搖頭，自說自話：不化算！再看看焗肉醬意粉，38元連熱飲，這個餐價，低過我做一小時的工資，可以考慮。
大熱天時，涷飲會舒服一點，但要加多3元，即是我一小時的工資！幾粒冰要收取3元，似乎不值！內心正在盤算中，冷不提防身後傳來一句說話：「老友！諗掂未？好多人排隊等緊買飯！」我如夢初醒，連忙致歉，速速要了焗肉醬意粉連熱飲後離開收銀櫃檯。
原來消費意念會隨著環境而改變，容易贃的錢，會用得豪爽；但辛苦贃取的金錢，每用一分，都會費煞思量！
老友！諗掂未？
回覆刪除easy money
easy pay
大夫,仲未諗掂呀!咪催我住!
刪除講句唔好聽嘅話，年紀大也會很小心身體，食玩消費會相應減少，因為日子是買少見少，唔睇實又點得？只不過使多使少就很難有標準！
回覆刪除50至60蚊一餐係好正常，只不過啲錢贃得辛苦，令到用錢心態轉變咗啫！
刪除「原來消費意念會隨著環境而改變，容易贃的錢，會用得豪爽；但辛苦贃取的金錢，每用一分，都會費煞思量！」哈哈！這個當然，不過，我沒有工作收入，只能偶然豪一次。
回覆刪除你是雙收人士，有長棒和退休金，又有兼職入息，三贏！
火姐你就好喇！享受退休生活，唔洗再出社會捱世界。我係被環境所廹，先至要出嚟拋頭露面咋！
刪除飛擸兄、人確實是墮環境而有所調節的。這叫適者生存吖嘛！
回覆刪除你說得對!絕不能一本通書睇到老。
刪除咪玩啦！做呢一行的人，都唔會去大家樂食飯的。同一道理，都會在屋企附近上班，就係為免交通費又蠶食了工資。好多做夜更的，晚飯食飽後，成晚就食個杯麵，或者咬個麵包就算，第二朝快快返屋企食早餐。
回覆刪除你又講得啱，有唔少同事帶飯返工。聽佢哋講，首要考慮，就係份工近自己屋企，可以慳番時間同車錢，所以就算十二碼都肯制。
刪除可唔可以帶飯/三文治?
回覆刪除你既長俸都夠用, 不過, 唔想退休冇寄託先返工姐.
呢啲工作真係好考體力，食少啲都腳軟，食三文治唔夠飽，而帶飯則麻煩，我情願唔食喇。
刪除有唔少同事企到小腿抽筋，要食止痛葯丸，我第一日企咗１１個鐘之後，發覺小腿啲肌肉硬晒，情況之差，比跑完半馬有過之而無不及，好彩過咗二日就無事。原來做呢行都可以訓練到肌肉力量。
我做呢份工唔係純粹為咗揾寄托架，趁仲有體力，儲多粒穀種，以備將來不時之需。
現在快餐店都不便宜，基本上是加吓一元加吓一元，唔會減吓一元減吓一元。
回覆刪除除咗價錢之外，啲食物真係差強人意，一般來說，對體力勞動的工人來說，份量完全唔足夠。
刪除大家樂，大快活…等快餐店係貴過茶餐廳架！去茶餐廳食會平啲。
回覆刪除所以我多數會帶飯返公司食，既健康又慳錢！：P
你返寫字樓當然可以帶飯，因為有雪櫃同微波爐。但做保安呢一行，得４５分鐘食飯，如果唔幫襯食肆，後樓梯就係唯一進食的地方。
刪除喺大型商場內，除咗連鎖快餐店價錢較平宜外，其他食肆仲貴，亦唔會有大眾化的茶餐廳供選擇。
應該係話:你懂得居安思危唧。辛苦得返黎既工資，唔捨得隨便亂花。呢D都係年紀大咗有返多少閱歷先會做到既。
回覆刪除哈哈！我唔係居安思危，而係浸濕個頭！洗錢模式，我覺得同年紀無乜關係，主要係啲錢揾得辛唔辛苦。
刪除如果唔係做呢份工，我都唔會對住個餐牌啲價錢度來度去。
年青人，其實你吾使諗，公務員退休，吾使憂啦，不過如果只得保安份糧就真係要咁計算下喇。
回覆刪除翠兒姐，當時諗法係一個鐘贃得４１蚊，每一蚊都係捱番嚟，食少３蚊，相當於做少咗十分鐘工作，有少少自我感覺良好吧！
刪除根據你的做法冇嘢做的人不用吃飯了。
回覆刪除快餐店嘅套餐，D價錢真係貴左好多呀！
回覆刪除