錦田聖約瑟小學鑽禧校慶約瑟之友籌款盆菜聚餐

當我收到母校60週年鑽禧校慶的通知時，心裡一算，自1970年小學畢業後，眨眼之間，已經過了四十多個年頭, 歲月催人老，可沒有錯!

學校鑽禧校慶訂於2014年12月13日黃昏，在校園內舉行盆菜聚餐，校長趁這個機會，希望聯絡多些校友參加,以增熱鬧氣氛。我覺得這是一個難得的機會，因為可以在當天遇到昔日的老師，還有同班及其他班級的同學。

我在當日的中午，有幸邀請了小學時的中英數老師，以及其他同學聚舊及吃午飯。我自畢業後，相隔了44年，才第一次跟老師見面！老師年紀大了，但樣貌輪郭變化不大，細看之下，還可以認得到。當年嚴肅的老師，現在變得和藹可親，老師跟我們就像老朋友一樣，無所不說，無事不談！

校友會幹事轉述校長的說話，希望我能代表我的屆別，在當日跟來賓分享心聲。我說要考慮一下，因為站台說話是我的弱項，但幹事說校長已經為我作出了決定,在聚餐的程序表上，預了時間給我分享，結果我在沒有選擇之下接受這個「邀請 」！

時間不饒人，當晚踫到很多高年級或者低班的同學，大部份我都不認得，直至對方報上名字時，我才「侊然大悟」！值得安慰的是，有很多同學都認得我！不知道是我的容貌改變不大，抑或是年少時已給人蒼老的感覺！

我趁聚餐未開始的時候,跟同學拍照留念!



高年級的學兄和學姐.



盆菜聚餐於黃昏5時45分開始，由幾位同學做司儀，首先簡介學校的歷史，

然後有跳繩表演，












跟著有醒獅助慶，



全部由同學擔任演出。表演得有板有眼，嬴得各嘉賓的熱烈掌聲！

    接著由袁校董致慶詞,



    及校友會主席殷醫生致賀詞，


 

    致詞過後，就是揭幕儀式及嘉賓大合照。

在盆菜宴開始前，由周榮富牧師領餐前祈禱，祝酒過後，聚餐正式開始！期間進行了籌款活動，袁校董捐出了幾幅大作,






加上其他校友捐出手紅酒等等給學校拍賣籌款,在拍賣過程中，出價你追我逐，十分緊張！



其中一幅毛筆字畫，由五千開始，最後以三萬多元成交，過程十分剌激, 亦是在這次拍賣當中, 籌得最高款項的一幅作品!

跟著輪到我上台,分享當年的小學生活 ,以下是我的講詞內容:

「各位來賓，大家好!

首先自我介紹，我係1970年畢業嘅校友，屬於第7屆嘅畢業同學。

講番我哋第7屆嘅同學，係歷屆中應該係最出名嘅一屆，不過唔係讀 書叻，而係最頑劣嘅一班，好似打爛玻璃窗，踩爛書枱，整 跌光管，重有扯爛百頁窗等等，我哋嘅罪狀，可以用罄竹難書嚟形容！嗰陣時校長叫何祥麟，佢好慈詳，唔會體 罰 學生。我哋每次做錯事，佢都同我哋講 ：知恥近乎勇！即係話如果做錯咗事，能夠好好反省，切切實實嘅覺悟，以後唔好再犯，鼓氣勇氣，重新做人，呢啲係勇敢嘅表現。不過，之後我哋仍然不斷犯錯，何校長對我哋已經死心，往後犯錯，連講都費 事，佢只係喺黑板寫上呢幾個字！知 恥 近 乎 勇 ！

我哋嗰陣時讀完小學，就 會參加一個公開考試叫升中試，主要考中，英，數三科，如果成績好，就會直接派入自己選擇嘅志願中學，呢類中學，由於有政府或者教會津貼，所以學費較 平同埋師資較 好，如果成績唔好，考唔到嘅話，就要報讀 私校，師資差不突止，同埋學費貴好多！所以到五年級開始，老師就會主力催谷呢三科，好似填鴨一樣，所以號 稱填鴨式教育！作為被老師填嘅鴨仔，我覺得無問題喎！如果唔填嘅話，我哋就 唔會識咁多野，你哋話我講得啱唔啱喇？

我哋嗰個年代興體 罰，即係打手板，我嗰一班除咗一兩個同學之外，九成以上嘅同學每日都要俾老師打，咁體罰都分幾類，好似中文唔合格就打手掌，英文就 扭耳仔，你睇 吓我哋同學啲耳仔咁長，就 知被老師扭咗唔少！數學唔合格就最痛苦，因為要抽手背！



老師每次都要準備三至四條籐條，一條籐條大約打8個學生左右就 會撕裂，所以你哋可以想象當年受罰嘅慘況！

睇返轉頭， 如果老師 唔打嘅話，你哋話我會唔會拎起本書去讀呢？大家唔駛估喇! 答案係：一定係唔會喇！雖然老師打得好痛，但我到依家都覺得當年體罰係有必要嘅！

當老師派發 准考證俾我哋嘅時候，老師同我哋講： 你哋要記得自己嘅准考証號碼，假如唔記得帶准考証，但記得個考生編號，監考官或者會行駛酌情權，俾你哋入試 場考試 ！所以我由嗰一刻開始，就將個准考証編號記住，記住，一路記到依家，我嘅考生編號就係 ~~~~~ 3 1 6 0 3 3 ！

好喇！終於等到升中試放榜，我哋嗰一屆有二十位同學獲派上中學，成績係歷屆之冠。好多老師都意想唔到，估唔到呢班咁頑劣嘅學生，居然可以考到咁嘅成績。

母校自從我哋嗰一屆開始,升中試成績蒸蒸日上,校礜日隆,從中反影到歷任校長及老師所作出嘅努力,完全無白費到！我喺呢度，向各位老師致意！今日校友可以聚首一堂，全賴校友會嘅聯系，我亦要喺呢度多謝主席殷醫生，校董文太，同埋其他勞心勞力嘅老師同校友！

聖誕就快到，我喺呢度祝校長，老師同各位來賓，聖誕節快樂！同學就百尺干頭 ，更進一步！

謝謝 ！」

分享完之後，就到壓軸抽獎節目，賴同學抽到手表一隻，



跟著轉送了給我，我在此說聲謝謝！

聚餐在8時30分完結, 我在此約定各位師長及好友, 下一次的十周年紀念，大家不見不散!