我們的議員，美其名為監察政府工作，為弱勢社群發聲，但近年給我的印象是自動埋堆，壁疊分明，分門分派，各為自己利益而盤算。
各政黨的政治取向，可分五大類：
凡是政府提出的議案，我們就要支持！民建聯
凡是政府提出的議案，我們就要反對！泛民
凡是政府提出的議案，我們就要拉布！人民力量
凡是有政府官員出席，都要預備道具拋擲！社民連
無論什麼的議案，我們都懶得出席！鄉事派
好了，讓我看看議員的質素。最近有某位議員，懷疑遭人整蠱，在座位下塗上糞便，結果將牛仔褲弄汚。但經過化驗後，証實那些物質並不含糞便成份，但該議員仍一口咬定那是糞便！難道化驗的結果也不足信？我可以用匪夷所思來形容那位議員的回應，他的判斷力及分析能力，簡直令人嘆為觀止！
又有另一位號稱擁有博士銜頭的議員，但中英文的表達能力都令人「眼前一亮」，連最簡單的英語也用錯文法，中文成語就亂噏一通，這樣低能力的議員，你相信他有能力監察政府的工作嗎？
有些議員，平日大義澟然，形象忠厚，對前任特首煲呔的小小貪腐，窮追猛打，給巿民一個正義的形象。但最近被傳媒揭發，曾收某傳媒人的捐助,當事人辯稱是捐給所屬政黨，但卻沒有解釋為何經過九個月，仍存放在自己的個人戶口內！當被記者問及此事時，他更以「好少數嘅啫」「唔需要回答公眾」等等，以迴避的態度來回應傳媒的提問！這類嚴人寬己的議員，往往在議事堂上，是最理直氣壯的那幾位！
又有一位議員，發表「黐線論」，將拉布議員比喻為精神病人，建制派議員係精神科醫生，還說最多問題出現及患精神病嘅，就係精神病醫生！引喻不倫，結果遭到醫護界投訴。
議員嘅判斷力同埋道德操守令人失望，但申請政府福利就十分精 明。立法會議員每年除咗可以向秘書處申領逾二百三十萬辦事處營運開支津貼外，每屆任期還可以申領多二十五萬支付資訊科技費用。翻查全體70名議員，在2014至2015年度的營運開支紀錄中，發現有多名議員利用該筆津貼狂買電腦，智能手機，數碼相機，以至電視，雪櫃，打印機，對講機同埋空氣清新機等等。種類款式之多，夠開電器舖。而部份議員偏愛最新，最潮，最貴，遠超實際工作需要的型號和款式，亦有人同時購買多部功能相近的電腦和手機，明顯不是為了工作，只為滿足自己的喜好。
更換新款電腦迎合新嘅軟件來配合工作，原本無可厚非，但一次過購買 三，四部就 有點誇張。公民黨郭家麒去年9月花費 約7000元購買咗MacBook Air，短短兩個月之後，又購入約莫11000元嘅MacBook Pro及接近10000元嘅 iMac Notebook；教育界嘅葉建源都唔執輸，舊年都買咗三台枱頭電腦同埋一部平板電腦。
郭家麒接受查詢時解釋，其中一部電腦供自己用，主要用作回覆官式信件，其餘兩部俾職員使用，方便佢哋出外工作。佢已經囑咐職員購買最平的產品，但為何會購買價錢昂貴嘅MacBook？佢無再進一步解釋。
除咗電腦之外，智能手機都係唔少議員嘅必備物品，其中人民力量陳志全，新同盟范國威，經民聯林健鋒同葉建源，喺過去一年用公帑購買新款 iPhone 6,當中以陳志全嘅太空灰 iPhone
6 Plus 64 GB最貴，接近7200元。而三星愛好者則有金融界吳亮星及葉建源，佢哋分別喺兩大名牌手機中各買一部。
至於數碼相機，大多數議員購買便宜嘅儍瓜機，但亦有議員購買超過10000元嘅專業數碼相機。其中民建聯的蔣麗芸喺今年三月豪花25000公帑購買一部Canon EOS5D MarkIII連配件。葉建源喺同一月份買咗部11000元有多嘅Nikon D7200，公專聯梁繼昌亦喺去年十月，花費咗9800元購入一部Nikon D-5300連鏡頭。
議員其中嘅職能係監察政府使用公帑，是否用得其所，但佢哋購買以上價錢昂貴嘅電子產是否有實際需要？例如MacBook係以繪圖見稱，議員工作是否需要繪制大量圖表？不用那些議員解釋，我相信巿民心中已有答案！
「要事懶做，公帑亂用」，在議會上拉拉布，擲吓香蕉，舉吓抗議牌，或者睇吓 AV，做場大龍鳳，胡胡混混又一天，卻月入十多萬！香港議員這份工作，真的羨殺傍人！
