今年的渣馬是首次以抽簽方式進行，好處就是人人平等。為了能夠成功報名參賽，我在往年預早請了假，在接受報名的那天早上，第一時間上網登記，雖然我已經提早半小時上網，但由於太多人同時報名，電腦顯示我的輪候次序及等待時間，期間不斷有字幕提醒不要離開網頁，否則要重新輪候! 結果我在電腦呆了接近個半小時，赫然見到所有組別的比賽已經額滿，認真掃興!
我由2007年開始每年參加渣馬，2016年是唯一報不到名沒有參賽的一年。比賽那天早上下著大雨，我在被窩中感到有少少慶幸沒有參與。在記憶當中，我參與過的渣馬都沒有下雨，頂多是陰天帶有少許雨粉，往年在大雨中作賽實屬罕見。
抽簽後，我被編排在8:30最遲起步的組別，往年這個時間我已經在回家途中了。我喜歡選擇最早起跑的組別，一般介乎早上5時30分到6時起跑，因為大清早天氣較為清涼，所以我情願早點起跑。今年跑8:30，不用摸黑起床，加上天氣相當清涼，算是上天對我的眷顧吧!
我在一星期前已取了跑步包，據工作人員透露，今年的跑衣做細了，故此將跑友要求的跑衣自動加大一個碼。但事實並不如工作人員所講，結果有部份跑友投訴衣不稱身。
往維園取跑步包
由於起跑時間推遲了，我不用太早起床。7時離家仍有足夠時間到達起跑點。到達尖沙咀時，由於天色已光，比賽氣氛比在零晨5時濃厚得多。
近年都是一個人參賽，故此已習慣獨來獨往了。在拍照時，唯有托一些素未謀面的跑友代勞，在此向他們表達謝意!
成績好好呀, 你比賽前食左乜早餐呢, 咁大運動量.
回覆刪除跑前食咗一隻蛋, 半馬運動量唔係咁大.
刪除2小時10分有多
刪除完成是次半馬賽事
原本可以跑快二三分鐘，但辛苦好多，所以都係擇以優閒一點完成賽事。
刪除一隻蛋咁少? 真係勁.
刪除跑半馬查實唔食定野都無乜問題，不過跑全馬就係另一回事。
刪除快過十年前，成績好好呀！恭喜你！
回覆刪除哈哈!我自嘲咋!十年前第一次跑半馬，成績一定唔會好。十年之後，竟然只跑快二三分鐘，意味開始退步。
刪除越來越多參加者，祝你明年好運，可以抽到出賽。
回覆刪除雖然希望抽中，但明年年紀又大咗，氣力少咗，跑起上嚟會較吃力。
刪除年年參賽的人都爆晒棚，不知今年渣馬又有多少萬人參加？
回覆刪除支持你，看來你似乎不像過氣年青人，哈哈……
你唔知架喇，近年跑起上嚟少咗份鬥心，稍為辛苦少少，就會放慢腳步。
刪除菲臘兄，這是你一年一度的嘉年華，好有氣氛！進步就係動力，除咗你自己滿足之外，家人朋友及我哋都好欣賞你的堅持和進步。👍👏
回覆刪除謝謝華兄，明年就算夠運抽中，時間肯定更差，進步的空間已不多。如你所講，渣馬就是香港一年一度的嘉年華，如果未能參與的話，會有少少失落。
刪除飛獵兄、雖則你話有點力不從心、但跑來比十年前同程還要跑得快一些、認真犀利。最緊要就係身體能夠應付得來吖嘛！
回覆刪除自己知自己事，我已經無咗嗰一份鬥心，只以完成賽事為目標。
刪除入夏之前，仲有冇其他賽事？哈，可能都同入夏無關，跑步比賽好似不設抖暑=P
回覆刪除夏天都有比賽，不過太辛苦，我唔會參加。試過有年我去參加泰基杯，雖然十公里，但開跑時已經32度，隨時中暑，所以我對夏天賽事怕怕喇!
刪除