原來胆色跟年齡有著反比的關係，年紀愈大，胆色則愈少。
年輕時做事一往直前，甚少深思熟慮。這種做法，有優點亦有缺點。優點就是有機會達到自己的夢想，缺點就是可能踫到一鼻子灰，得到挫敗感。
但做事如果太多顧慮的話，每每想得太多，結果原地踏步，一無所成。
我最近借了朋友的一部的士，駕了幾個小時。我以前曾駕過的士，照道理不應怯場。但畢竟那是四十多年前的事，現在新界增加了不少道路。例如當年機場在九龍，新界的不能載客前往。機場現改在赤立角，新界的士可以直達。
在駕駛期間，幸好沒有踫上往機場及馬鞍山的客人，因為我不熟路。查實如果駕駛的士，這兩類長途客是最受歡迎的，而我剛好相反，你說多麼諷剌！
近年的交通事故，不乏牽涉司機的駕駛態度。我的心中突然湧現危機感，不是担心自己的技術，而是恐怕其他司機魯莽駕駛，殃及池魚。總而言之，一邊駕駛，一邊忐忑不安，明顯是胆色少了，顧慮多了！
想當年第一次駕駛的士，完全沒有這種想法。我那時大部份地方也不熟識，但從沒有擔心不懂得去，心想頂多硬著頭皮問客人。
所以，如果要創業，或者轉環境作新的嘗試，必須趁著年青時去做，因為人年紀大了，閱歷豐富了，顧慮亦會增加，做甚麼事也畏首畏尾，結果就一事無成！
啱架、年輕人有的是時間、創業方面可以唔啱試到啱。相反、人到咁上下年紀、自身條件漸失優越、通常只能安安份份守到退休而矣！
回覆刪除我覺得年青同年老有很大分別，年紀大咗，經驗多咗，而顧慮亦增加；相反，年青時唔識死，自以為是，乜都夠胆做。
刪除做事深思熟慮
回覆刪除一往直前
無關年紀
年紀大咗，諗野都多咗，以我來說，跟年齡有很大關係。
刪除色胆與紀年
刪除我估你揸多幾次就完全冇問題
回覆刪除技術絕無問題，但心理就出現問題。你講得啱，可能揸多幾次就會回復當年勇。
刪除你講開揸車,我就諗起我剛剛攞咗車牌冇幾耐嘅時候,揸住架車喺馬路真係有啲驚,後來我同自己講,如果咁驚根本揸唔到車,總之一定要夠膽,見有位就要出!哈哈....
回覆刪除我記得第一次揸車，因為無咗師傅喺隔離，加上載住個女仔，有啲騰雞。喺斜路停車溜後，到開車時又唔記得鬆手掣！
刪除你說得很對，年紀成長，做事就謹慎了！
回覆刪除故此年紀大了，欠缺衝勁，就不應戀棧權位，理應退下去。
刪除恐怕其他司機魯莽駕駛---->網上不難找到類似的車CAM短片啊。
回覆刪除是的!看得多都驚自己有機會成為片中的受害者!依家啲人駕駛態度同技術,一般來說都係屬於麻麻.
刪除哈哈哈!駕驶了幾小時，有載客嗎?賺了幾錢呀!去機塲洗乜怕呢，有GPS㗎馬，究竟收獲满意唔滿意啫?講嚟聽下^o^
回覆刪除珠姐，好耐無見，別來無恙嘛！
刪除只係玩咗二小時左右，都係元朗一帶。以前無ＧＰＳ都係咁揸，所以話老咗連胆汁都少咗就係咁解。
係呀，好耐冇見，我久不久都有来這裡探你的，不过没有留言咋^o^
刪除絕對認同，年紀越大思想就越保守，我現在也是這樣。
回覆刪除太多顧慮變成保守。
刪除爸爸以前都係渣的士既，但一遇到唔熟既路，就扮係替更，請乘客帶路。如果人地唔曉，台姐又幫唔到，就無能為力啦。
回覆刪除