據報政府在過去十一年，花在滅鼠的經費高達十七億，平均殺死一隻老鼠需要三千七百元，但效果卻差強人意。體積龐大的老鼠，不時在巿區的後巷及渠口出沒，對巿民視若無睹，毫不畏懼。
媒體根據居民舉報，拍攝到老鼠聯群結隊，在燒臘店中，大無私樣地進食沒有蓋好的豬肉，及在餅店吃炸好的薯片，塲面震憾!
政府的滅鼠工作，明顯失敗。媒體更揭發食環署以蕃薯作餌，怪不得事倍功半，難道高官認為老鼠是素食動物？
我在92年往加拿大旅行，在温哥華乘車往温尼泊時，認識了一位當地年青人。傾談間，他提到自己的工作，主要在春天時往深山獵殺河狸，因為河狸在溪流築巢，堵塞河道成為自己的護城河，結果引致溶雪後的河水不斷暴漲，最後崩堤，令下游出現危險。他將獵殺後的河狸尾巴割下，再交給政府，每條獲得一加元報酬。
依我看法，香港政府可以效法加拿大政府，鼓勵巿民獵殺老鼠，收購價二百元一隻。我相信這種做法，除了增加就業外，庫房又可以慳回一大筆滅鼠費。殺鼠效率，肯定比憑政府一己之力為高。這種滅鼠方式，可達致雙嬴之局，何樂而不為！
這條「政府收購（死）老鼠」橋，絕對造成災難。好簡單，當老鼠有價，按市場規律，有些市民會捉坑渠鼠來養求賣，政府必收，市民必定有賺無蝕。
回覆刪除粗略計算，老鼠出生幾個月後便性成熟，可以繁殖，一胎可生5至10隻，一年配產幾次，即可得三四十隻，而第一季出生的小鼠幾個月後又會繁殖，第二季的又如此類推，互相家族成員交配，年內可產近千隻，所以老鼠很難滅絕。
一個市民某季交鼠100隻，政府付$200*100=$20,000；10,000個市民各交100鼠，政府付$200*1,000,000=$200,000,000，即係2億元。條數計落去大家都知了。
貴兄，養鼠呢條「蕎」，我諗住收埋自己用，勢估唔到咁都俾你諗到，仲爆埋出嚟添！��
回覆刪除老鼠覺得有其他好嘢食，唔食食環D蕃薯。=P
回覆刪除蕃薯食環
刪除我相信非洲老鼠可能會食蕃薯，皆因地方貧窮，但香港咁富庶，老鼠大把野食，點都唔洗淪落到食蕃薯啩？
刪除大夫形容得好，食環正蕃薯！
刪除真係白痴，我記得小時候，街坊在老鼠籠用燒肉皮作餌吸引入籠，是成功的。
回覆刪除食環署死撑以蕃薯作餌可留齒印？同佢做牙科保健？？？
火姐，依家啲官員，錯咗仲要死撐！你講得啱，唔通食環想同老鼠做牙科保健？
刪除捉老鼠有賞幾好喎, 但政府咁懶, 怕立法又比人嘈又比人彈, 又話大事咁做...
回覆刪除你又講得啱喎！就算政府同意都無用，一定會有人企出嚟反對！
刪除...又話大事唔做, 小事擾民要市民自己去捉, 食環唔捉係卸責, 係浪費公帑. 之後有人抽政治水, 話97前政府係好好多, 冇老鼠, 冇新移民, 街又乾淨. (下刪300字) :D
回覆刪除呢D對白, 我睇到熟晒.
哈哈！你所講啲對白，確係熟口熟面！
刪除我記得小時候住唐樓，捉老鼠是將魷魚燒香放在老鼠籠做餌，諗到用蕃薯做餌，真係高學歷低智商。
回覆刪除如果將义燒，豬扒，燒魷魚同蕃薯俾小朋友揀嚟做老鼠餌,我估無人會揀蕃薯啩?
刪除