日前看到一則關於詐騙防疫基金資助的新聞，一對男女以「易揾公司」騙取政府防疫基金，成功取得8萬元。食髓知味，該對男女用同一地址，再次向政府申領抗疫基金。這次改用另一名字申請，但名字卻十分有趣，名「調理農務公司DLLM Company」。最後該申請人因干犯詐騙罪，被判囚10周。
大家對這公司名字，有否感到面熟？「調理農務」是廣東粗口諧音，DLLM是透過英文字母發音，同樣代表粗言穢語。
假若我是抗疫資助基金批核的官員，當看到這間公司的名稱時，會認為申請人故意玩弄政府人員，故審批時必定更加嚴謹。
若然提供真實資料，官員真的拿他沒辦法。但若存心瞞騙，卻改用一個另類名字，招惹別人的注意。這個人抱的是什麼心態？我一時也弄不清！
近年遭受詐騙而蒙受金錢損失的個案，時有所聞。而政府亦有製作防詐騙的宣傳短片，照道理騙徒成功的機會甚微，但事實卻好相反，受騙損失的銀碼且愈來愈大。
總括來說，部份港人的智慧及分析能力，沒有再低，只有更低。
蠢人真係唔好做賊, 不過, 蠢人唔知自己蠢
回覆刪除莫非佢相信，人生會因坐監而變得精彩？
刪除話坐監精彩既, 今日自己又坐監, 真係報應.
刪除尹兆堅依家坐緊監，佢話囚室得１００呎，細個劏房，最慘係無空調，夜晚熱到瞓唔著。我當年在懲教處受訓期間，瞓嘅宿舍都係無冷氣喇！連職員都無，唔通囚犯有咩？
刪除監獄要有冷氣, 真係離地. 咁天真, 唔怪得佢以為自己有本事獨立.
刪除唔單只無空調，還要有紀律，每日依時依候起床，食飯同睡覺，無得打機，上網，同埋分分鐘得罪裡面啲大佬俾人揼。
刪除騙徒這麼容易就騙到8萬元，竟然不知收歛，自投羅網。
回覆刪除本港的騙案不斷，網上情緣、電話騙案，層出不窮 ! 總共被騙去數以億元計，如今連政府也被騙，原來香港人都有好多閒錢，益了騙徒。
政府礙於人手，通常信咗先，當收到投訴或內部抽樣調查時，有機會揭發訛騙，故以身示法存在風險。隱藏資產公屋戶大有人在，又唔可以話政府被騙，只不過若每單申請都調查，就會費時失事，影响效率。
刪除是的，跳舞跳走億億聲，婆婆擁有大量財富却沒有好的財富管理，被騙餘十萬！
回覆刪除被判囚10周，個人覺得很輕判。
可能個官覺得受害人也需部份責任。
刪除這個世界太多騙子，又點解騙子咁容易成功？
回覆刪除呢個問題我都想知！睇新聞及報章時有報導，唔明點解仲會有人中招？
刪除所謂賊公計，狀元才，騙子會時常變陣，改變招數。
刪除我都收過唔少詐騙電話，因為睇過類似新聞，會有所警剔，唔明仲點會中計？
刪除可能接電話的人，一向與大陸有錢銀交葛，心中有鬼，才容易中招。
刪除更有些人跟一個所謂大陸特工去銀行，過數給詐騙集團。
我開始都以為係，但原來有受害人無喺大陸做過生意，又無喺大陸住過，但都中計。
刪除只要不回應便無事發生，但若是一時好奇，真的回撥一個號碼，中招的機會就大了。 更聽聞警方說：有些騙徒自言也曾經是受騙者，不知是否屬實。
刪除騙上騙都唔出奇，好似以往曾發生過的種菌案，有受害者被呃後，想攞返損失，結果最後變成騙徒。
刪除政府放錢太鬆手，變相有好多灰色地帶，好多人乘機搏懵。
回覆刪除我又唔係咁睇，因為如果太嚴謹，需要時間審批，到時又會俾政黨批評不貼地，不知民間疾苦，變相吃力不討好。故此唯有喺申請表上列出警告，提供假資料會被檢控。
刪除因為太容易騙到8萬元，所以就變得自負、自大，食髓知味，再騙的時候就改一個侮辱性的名字，從而取得快感，正是這種自負自大的心態令他失去理智，改一個這麼吸引人注意力的名字。
回覆刪除明知撞騙，仲咁托大？改個咁嘅名！驚死無人注意？簡直就係腦殘！正如有啲人，將自己犯罪過程錄影低一樣，真係白痴無極限！
刪除