我嘗試到元朗合益路找找,我看見有一間頗具規模的鎖胆店舖。我進入之後，見到有位女士，我將那鎖胆交給她，她看了一看，便到架上取了一個用紙盒包裝著的鎖胆，然後遞給我說：「這個鎖胆是了！」我問：「多少錢？」「三百六十元！」我覺得頗貴，但沒有辦法，結果買了回家。
我在翌日聯絡師傅安裝，但當師傅拆開紙盒之後，發覺鎖胆長短不一，故此不能安裝。
我在第二天收工後，便往該店舖要求更換，但另一位女士說貨物出門，恕不退換！我說如果是我自己揀選及購買該鎖胆的話，我應該負全責，但當日我帶來鎖胆，交給你的同事，問她有沒有這種鎖胆？她說有並取了一盒給我，我完全相信她的專業判斷。
該女士通知我稍等，然後致電給當日賣鎖胆給我的年長女士，我在她們談話中，才知道她們是婆媳關係。該年長女士約莫五分鐘左右返抵店舖，她將盒中的鎖胆跟我帶來的比較，確實大小不一，她想了一陣子，然後重覆之前她媳婦的說話，說不能退錢，但可以在該舖找一樣相同價錢的貨品取代。
我對她說，我看不到貨物出門恕不退換的告示，再者，這個鎖胆對我來說不是一件貨物，因為不適用，嚴格來說是一件癈物！假如她要求我在該舖選一件價錢相若的物件，實強人所難！
我當日將鎖胆交給她配對，弄錯了的是她，故此責任不在我！如果她沒有相同的鎖胆更換，我難以想像不能退錢！最後她拿我沒有辦法，退回360元給我。我臨走前對她說,日後遇到類似同情況，她應該取出盒中鎖胆核對一下，確保完全一樣，才交給客人會穩妥得多！
這些仔乸生意的店舖，既不專業，又不懂處理問題！還振振有詞的說，貨物出門，恕不退換等令客人氣憤的說話。我相信賣一個鎖胆的利潤不俗吧，要將吃進口裡的肥肉吐出來，難怪她們百般不願！另一方面，她們未能與時並進，還沿用數十年前的待客方式,這種營商態度，只會令客人裹足不前，「光榮」結業，只日可待！
Uncle，如果當日她真的不退貨，你會怎辦？
回覆刪除如果她不退錢,我會入禀小額錢債審裁處提出申索!
刪除婦孺做生意係咁上下, 小店唔與時並進真係幾難捱.
回覆刪除你說得對,我之後到附近幾間店舖問過,幸好全部都係男店員,佢哋一睇,就已經話嗰隻鎖胆好舊款,依家已經唔出,你或者返內地找找,可能有貨.
刪除俾錯貨你，已經令你不便。繼續強詞奪理，真係可以兇到啲怕事既人架。俾著我地爸爸，實由得$360冇左唧。
回覆刪除我地真係試過五十蚊一個燈膽，擰頭買錯插頭，大拿拿六個燈膽，佢死都唔肯去換。咁我地要黎都冇用架，唯有我出馬，行一次，換到返黎。呢啲情況，你好聲好氣，人地都會體諒既，街坊生意唧。
刪除一般做街坊生意嘅店舖,你好聲好氣同佢講話買錯咗,佢通常都會換俾你,唔會得失啲客人.但呢一間店舖嘅經營手法如同趕客.我以後都唔會再幫襯!
刪除開鎖師傅為什麼不去配正確的鎖膽，提供一條龍服務，而要叫你去自己配鎖後再叫他替你裝上？
回覆刪除事緣在上星期某天,我鎖好大門正想出街 ,但鎖匙郤不能拔出,我唯有找鎖匠作緊急維修,他事前並不知道我那鎖的型號,故此他沒有帶備spare鎖胆.
刪除開鎖師傅好唔專業! 而那家店舖真係好唔掂!~
回覆刪除我相信他估不到最後要將鎖胆撬毀才能開門. 那間店舖我不會再幫襯!
刪除真係唔識做生意！唔怪之成日比人踩嘅junk food麥當奴咁成功，嫌個薯餅唔夠熱都即刻換比你！
回覆刪除呢次我都好忍讓,揸頸就命! 呢排塞完屎坑又壞門鎖,重有其他不如意事發生,不過唔想提!成個人唔單只燥,重有啲滾滾地! 我等緊佢話無得退錢然後大爆發,不過最後幸好都和平收場!
刪除管理模式唔需要多講都係跨國企業優勝好多!仔乸生意只會著重眼前利益,無遠見又無制度,執笠係遲早問題!
信咗耶穌嘅你今年冇拜太歲頂喇～...好彩你沉得住氣，可說你嘅修為又進咗一大步！...算啦，除非間舖嘅待客態度突飛猛進，不然你食住花生睇佢執啦～
刪除門鎖都比你用得爛，屎坑又比你塞到，又確係犀利！(閃:p）
刪除唉! 原因唔係我開門用力過度,而係 made in China !屎坑好明顯係裝修師傅安裝時無檢查清楚,求求其其! 唔關我個躉事!
刪除在下也曾遇到過類似情況、既然獲退款也就算了！在下感覺是其實雙方都有點倒霉囉！
回覆刪除我都唔想將事件鬧大, 不過她第一句就話貨物出門,恕不退換,令我反感吧!
刪除我都試過想換嘢比人鬧，在外國乜嘢都有得換，所以我唔知看港係咁，結果比人鬧．老實講若果佢好聲氣啲話冇得換，我會同佢買多個架．發覺香港好多人都好惡呀！
回覆刪除喺外國寬鬆好多! 14天內包有得換,售貨員一般都不會因為你退貨或者更換而語帶悔氣. 你講得啱,好似呢間賣鎖店舖,我以後唔會再幫襯,如果有朋友去買鎖,我都會叫佢去過第二間!
刪除