呢個賽事個名真係夠晒威猛，但我對參與呢個10公里賽事興趣不大,因為沙田白石角海濱長廊對我嚟講，己經跑到有啲厭倦，但同事龍頭想搵人陪跑，不斷游說我話，呢次賽事嘅報名費，部份會用作慈善用途，我唯有勉為其難報名參賽。呢次應該是我喺夏季來臨前，最後參與嘅賽事。
跑友阿陳都嚟凑熱鬧，我7時30分喺沙田大學站會合埋佢哋，然後齊齊前往起跑區。早上氣溫只有26度，間中密雲，還算舒適。
我哋喺大學站步行約莫1.5公里，7時50分左右抵達目的地。今次賽事，據說有2000人參加，場面熱鬧，我喺起跑前拍咗啲照片。
呢張衛星圖片，係透過我嘅NB GPS手錶所取得數據，繪畫出比賽嘅位
置。
沿途走勢
呢次賽事嘅特色係除咗有水供應之外，重有軟雪糕，益力多，曲奇以及朱古力等食物，大量供應。由於天氣太熱，我飲咗6枝益力多，一枝蒸溜水同埋食咗兩杯軟雪糕。由於早咗起身，食完早餐之後，跟住返屋企攤攤休息吓！
成績公佈了:
時間:00:56:33
組別位置:74
一次過飲6枝益力多??會唔會太多益生菌呢??
回覆刪除好似一日內飲得太多唔好架!
返到終點時，又熱又渴，唔理有幾多益生菌囉，飲咗先算！我平日好少飲益力多，所以飲6枝都唔算多啩！
刪除是太高糖份，不過又熱又渴，真係飲咗先算！
刪除大熱天時，跑完之後，又熱又渴，好想飲啲又甜又涷嘅飲品，糖份高定低？唔理咁多囉！
刪除咁多補充,可當食埋晏晝嗰餐！
回覆刪除你講得無錯，我哋跟住行咗入中文大學裡面間CANTEEN食個早餐當做晏晝。話時話喎，個早餐只賣15-17元，有多士，太陽蛋，炸魚柳，加埋杯奶茶，真係好抵食！
刪除作者已經移除這則留言。
回覆刪除6支益力多? 好甜又多卡路里喎. 我一定唔敢飲喇`
回覆刪除綠色包裝嘅益力多，原來同紅色包裝有分別，我感覺無咁甜。當時又熱又口渴，老實講 ，我飲咗6枝，仍然未夠喉，所以要食多兩杯雪糕！
刪除高分猛龍--->呢個「朵」夠響。=P
回覆刪除大會似乎都招呼得幾週到，派物資都冇就住就住。
呢個賽事，請來嘅主禮嘉賓有曾鈺成同高永文，所以有一定卡士。大會準備咗好多食物，任食唔嬲，數量充足，係我參加過嘅賽事中，最多野食嘅一次！
刪除飛獵兄、競跑途中有這麼多款不同飲料和食物等供應、在下也是第一次聽聞、認真豐富喇！
回覆刪除呢次確實多食物供應,不過報名費要250元,兼且沒有跑衣贈送,平時類似比賽,報名費介乎150 - 180元,加埋有紀念跑衣。不過呢次係籌款比賽，食物由贊助商供應，跟報名費無關。
刪除飛獵兄、今次能夠參與善舉總是好的。
刪除你說得對！嘅可以比賽，又可以做善事，一舉兩得。
刪除