中國人社會最忌嘅就係家醜外傳，但係好多時候，如果你投鼠忌器，唔將件事揚開去，以為可以得到內部平反嘅話，你就大錯特錯！衙門為求向公眾交差，會將隻死貓塞落你個口度，要你監生吞！你咪以為吞咗隻死貓，朝庭會念在你抵得諗，喺考勤報告裡面，俾番多個LIKE你。倒番轉頭，由於老頂唔LIKE你，喺人事快佬裡面，自此以後多咗隻黑豬，雖不致永不超生，但就肯定前途似「咁」！
日前有位青天大老爺，拒絕給予一個積犯保釋外出候審，但由於書記粗心大意，填漏咗拒絕保釋原因，結果引起軒然大波！
呢個積犯受到咗白鴿黨大狀嘅薰陶，覺得自己雖然犯法，但仍享有個人權利，故抱住一試心態，往上級法院提出上訴。怎料上訴庭竟接納其申請，將大老爺撤保嘅命令撤銷，疑犯可以保釋候審。
根據判決書的內容，上訴庭用「明目張胆，濫權，令司法機構蒙羞」等等字眼來批評青天大老爺，用字十分嚴厲，令人覺得青天大老爺知法犯法，肆意踐踏人權！
究竟青天大老爺是否真的隻手遮天，恣意妄為呢？原來這件事件發生之前，大老爺曾應疑犯要求請律師而將案件押後，但疑犯最終沒有兌現承諾，故此被撤保！
上訴庭判決書向公眾發出後，大老爺不甘被屈，覺得上訴庭未深入了解整件事，就貿然對外公佈，令佢聲譽受損，故此向天朝提出不滿，希望上大人還給他一個公道。
大老爺完成狀紙之後，按照規矩，先行給上司過目，但上司卻認 為大老爺的措詞欠妥，如不修改，很難獲得平反。跟著上司給 了大老爺一封據說由「高人」撰寫嘅狀書，叫大老爺只須在狀紙上簽名便成。但大老爺見到其中內容，要自願向上訴庭長道歉一點，覺得難以接受！大老爺不甘一再受辱，故此將此句刪去。結果申請平反一事，不獲上大人接納。
整件事件，上司有妨礙書法公正之嫌，大老爺有鑑於此，結果往衙門告狀！這次事件，只是冰山一角。欺凌之事，在衙門屢見不鮮，只不過這次的主角，不是職位低微嘅衙差，而是鐵面無私，高高在上的青天大老爺吧！
公道自在人心，這件事件，誰是誰非？一目了然，我撐青天大老爺！最危險嘅地方，就係最安全嘅地方！莫非處理書法嘅衙門，就係最無書法嘅地方？
官場文化向來不容以下犯上，縱使有充分理據也是十分困難。
回覆刪除因為若這樣做那便給人覺得是挑戰，如果站在龍頭位置，權力就不可不用，正所謂有權不用，過期作廢，而且權勢往往也和利益掛鉤！
我覺得這次事件,只不過是疏忽大意,並唔構成什麼的濫權,無法無天.但上訴庭並無調查清楚,就將整件事上綱上線 !
刪除官字兩個口，錯咗都會死撐唔會認衰，事關中國人文化會是一沉百踩，西瓜靠大邊，亦即如你說，個底花咗想翻身都幾難，雖不認同，但卻無奈啊！
刪除大老爺都知道難以推翻上頭決定，佢只不過想透過傳媒，還自己一個清白。
刪除上訴庭係咩官階？咁至高無上的！！
回覆刪除又唔見＂監警會＂咁威！！
刪除我無資料,不過應該同 High Court Judge 級數相若。警監會唔係一個人決定，所以無得比較。另一方面，無人夠胆批評法官。
刪除紫荊城素來都以書法制度健全自居、但在大歸後情景不再、正所謂今非昔比吖嘛！想當年大佬當裁判、細妹做三非仔莊瘋猿代表跟老古董手瓜、結果大佬判細妹贏。所以話啫、寧得罪亂制、莫得罪爛民、原來係啱嘅。
回覆刪除如果話大歸後書法制度改變咗，呢種講法並不正確！查實書法機構喺某方面嘅做法，比大歸前收斂咗同改善咗，不過大家唔知啫！
刪除在下嘅睇法只是外行看內行、難免會有偏差。但飛獵兄是內行人、當然睇通睇透了！今回在下又學多一點點喇！
刪除域兄言重！我喺裡面做，睇到一啲係你哋睇唔到嘅，所以多咗資料作判吧。正如我大哥喺醫院做，佢話部份關於醫療嘅WhatsApp內容不盡不實，但我卻沒有那種感覺，還覺得分柝詳盡有理哩！
刪除有骨氣!
回覆刪除我細膽又怕煩, 唔會出聲. 不過, 一定會話比同事聽, 公道在人心. ,
呢件事件俾巿民一個錯誤印象，令公眾覺得大老爺可以任意妄為，所以我覺得當事人有必要澄清。
刪除今次咁啱喺"青天大老爺"啫，小市民邊有膽、金錢同時間挑戰書法嘅衙門呀？
回覆刪除"莫非處理書法嘅衙門，就係最無書法嘅地方？"...吓！真嘅？好黑暗啊！！
大老爺呢單畸屎多數會無疾而終，但起碼掀露咗衙門內一啲欠公允嘅情況。總之，有人類嘅地方，大家就唔好奢望會有公正！
刪除