禽日收咗同事一個WhatsApp： 內容是這樣的：
「各位小心， 這是我今朝的親身經歷：我屋企剛剛收到個無來電顯示的電話，一拎起是普通話錄音，通知我話有份文件擺喺中聯辦，叫我按2字與職員聯絡 。按後有一大陸男人問我攞姓名，我唔敢俾，問佢咩事？佢話無名CHECK唔到，於是我問佢攞低電話號碼，話會打返俾佢。佢俾咗21009004呢個電話過我。我唔知好唔好打番去？但老公話好大機會係騙案，叫我唔好理佢！」
睇完呢段Apps後，撩起咗我嘅好奇心，順便學吓野，睇吓究竟啲騙徒用乜手法呃人？我即時打電話去了解一下！第一次打去，無人接聽，轉咗去留言服務，我霎時間唔知噏乜？唯有求其問係咪大快活？我想落二份早餐柯打，第一份要五香肉丁湯粉，煙肉炒蛋，涷奶茶少甜多冰，第二份要麥皮，餐肉炒蛋，鴛鴦走糖多奶。大家記住，千祈唔好用自己手機打去，因為俾對方知道你個手機號碼，分分鐘玩返你轉頭，每晚深夜三點，依時依候收到電話叫你起身疴尿，咁就真係偷雞唔到蝕揸米！
我用公司電話打去，所以無有怕！到咗下晝，我又再打去試試 ，呢次竟然有個女仔接聽，我問係咪中聯辦？佢話我今日唔係第一個打去問呢個問題，我應該收到騙徒電話。咁我問佢間係乜公司？佢話係工聯會，我扮野話：我以為真係中聯辦有緊要野搵我添！我收線之後，跟住喺網上用呢個電話search，睇吓係咪工聯會，但係搵唔到，如果大家有時間的話，麻煩幫手核實一下呢個電話！
哈！咁啱我前日朝又收到一個電話錄音，話我有份文件未收，之後叫想知詳情就按2字，我按左2字完全吾知佢講乜。原來係騙案，好彩我聾聾地聽吾清楚，吾理咁多收左線。
回覆刪除我收唔到呢類電話,想玩吓都無機會! ><
刪除今日我又係咁呀, 有個電話錄音話我有份重要政府文件未取,叫我按9字，不過我驚住收費呃人，所以收咗線！···過兄好熟茶歺外賣menu，唔通你就係餐廳王子水哥？
回覆刪除收到呢類電話嘅人，肯定非富則貴，我就無收過類似電話喇！以你咁精明，就算繼續落去，對方最後都會知難而退，分分鐘割地賠款保你大！我無你咁有文彩，隨時吟首詩出嚟，唯有噏啲早餐出嚟打圓場喇！
刪除呢啲無喱頭嘢，我諗最好搵星爺幫下手，又或者幫下口……因為佢一定有橋！
回覆刪除呃人技倆，層出不窮，我試過收到個電話，猜猜我是誰？我問佢係咪個老友記肥仔，查實肥仔42歲時因病走咗，對方竟然話係！我跟住問佢：乜你唔記得咗已經死咗喇咩？你上咗天堂定地獄呀？對方即時收線..............
刪除唔該二份早餐柯打，第一份要五香肉丁湯粉，煙肉炒蛋，涷奶茶少甜多冰，第二份要麥皮，餐肉炒蛋，鴛鴦走糖多奶。
回覆刪除哈哈哈！！！
我一時醒唔起有乜話題，應該好似CKK咁，朗誦首靜夜思打圓場！
刪除可能真係有騙局, 又可能係有人趁暑假玩整蠱
回覆刪除我相信係騙局多啲！
刪除我通常會一嘢cut佢線。
回覆刪除如果我忙碌時會咁做，但如果無聊時，會借機消磿時間！
刪除看新聞，類似騙案好似多左好多咁。
回覆刪除正如曾鈺成話齌,連啲高官都咁蠢，巿民更不在話下喇！我係騙徒都唔會執輸，浪費呢種機會！
刪除試過有人打電話比我，叫我估吓佢喺邊個，我話:呢度喺xxx警署，你揾邊位，佢…立刻收線！
回覆刪除我就睇吓有無時間，如果有的話， 咪講多句囉。我平時準備咗幾個版本，之前話[乜你唔知你已經死咗咩？]係其中一個版本。
刪除另一個就係 [你條PK仔，我搵咗你好耐喇！你欠我嗰幾百萬幾時還？]
吓！你唔驚人哋整估番你咩？？
刪除例如：午夜兇鈴...果Ｄ咁...kakakaka....
哈哈哈哈！我用寫字樓電話回覆，佢鍾意咪一晚打到通宵囉！
刪除在下也收過這類call、但我cut咗佢線。不過佢哋居然留言給我、不過我馬上按7字關咗佢就算。呢班騎呢怪冒充中聯辦呃鬼食豆腐、還是不惹為妙。
回覆刪除莫非內地人以為香港食水含鉛,令到巿民腦部受損,所以認為有機可乘?
刪除我已經收左好多次尼類電話，最打得多係3字頭，話萬寧，跟住係冇來電顯示，講國語電話錄音話中聯辦，順風，今日係郵局，我一聽即cut算數，但今日係細少聽，細少冇返成個月工悶得滯玩返轉頭，對方cut線，我即刻話細少小心半夜打嚟！細少話你估佢唔駛長途電話費！
回覆刪除哈哈！抵玩番佢哋轉頭！細少講得啱，佢哋求財並唔係求氣，所以唔會做啲多餘野！
刪除