2015年9月29日 星期二

渣打馬拉松2016

我今年在內地渡過中秋節，由於今天是2016年渣打半馬賽事的首日報名日期，所以我昨晚特意趕回港。過往經驗告訴我報名人數將會十分踴躍，故此我在6時30分開啟電腦，預先進入了渣馬報名主頁，但我花了足足37分鐘，才能成功進入報名等候區，但令我感到失望的，就是在電腦前呆等了兩個多小時，還未輪到我的時候，所有半馬名額已經宣布爆滿。

近年報跑參加渣馬賽事愈來愈困難，因為很多配額預留了給跑會及一些大機構，換句話說，日後如果不加入跑會，能夠參與賽事的機會相對變得渺茫。

不能參與2016的渣馬賽事，對於我這類年年跑開的跑友來說，有一種說不出的失落！我想起天下無不散的筵席這句說話，世界上每件事情，有開始的一天，亦有終結的一日。自然地，每個參加長跑比賽的跑友，總會有退出的一天。我曾經想過，在有生之年我還可以參加多少次渣打馬拉松？我預期自己會堅持到跑不動的時候才會停止，但因為報不到名而被廹退出比賽，卻非在我預期之內！
於
標籤：

38 則留言:

  1. Stella Luk29/9/15 20:47

    真係很可惜！

    回覆刪除
  2. Unknown30/9/15 06:31

    還有其他賽事呀～努力！

    回覆刪除
    回覆
    1. 過氣年青人30/9/15 09:51

      我已經報咗1個大尾篤10K, 1個上水15K同沙田皇者之戰21K,但無咗渣馬,始終有點缺陷!

      刪除
    2. Unknown7/10/15 14:59

      三個賽事，日期相隔幾遠？

      刪除
    3. 過氣年青人8/10/15 08:22

      11月1號,15號 及12月13號, 上星期加多11月29號同樣在大尾篤跑的,不過是15K,到目前為止共4個,

      刪除
    4. Unknown9/10/15 09:41

      都跑得幾密wor.....努力呀~

      刪除
    5. 過氣年青人12/10/15 08:39

      因為如果無賽事 ,我就會缺乏操練嘅動力!

      刪除
  3. 醉貓30/9/15 09:06

    改變策略，約埋其他報唔到名的跑友，到時一齊打馬拉松麻雀。

    回覆刪除
    回覆
    1. 過氣年青人30/9/15 09:55

      自從跑咗步之後，很少打麻雀了！啲跑友只有一種興趣，就係~跑~跑~跑~~~~~

      刪除
  4. 翠兒30/9/15 10:52

    哎呀！報吾到真係可惜呀！
    我今朝聽游水教練講，有好多本來報全馬的人報吾到，報左半馬，吾知有冇影響到你地少左名額呢？

    回覆刪除
    回覆
    1. 過氣年青人30/9/15 12:16

      如果真係去跑都算喇！最斃部份人係走去趁熱鬧，霸佔咗唔少位置，令到好多真正跑友報望門輕嘆！你游水教練嘅說話不無道理，我相信部份報唔到全馬嘅跑友會轉戰半馬。

      刪除
  5. Shu Siu (如心恕也）30/9/15 12:16

    唔知可唔以做下阿Q，等所有參賽者起步後，試下跟住班人嚟跑……

    回覆刪除
    回覆
    1. 過氣年青人30/9/15 14:28

      早幾年可以，但近年跑到上高速公路嘅時候，有工作人員會截停無號碼布嘅跑友。

      刪除
  6. Man Man30/9/15 13:29

    乜都要埋堆，真係會好激氣！

    回覆刪除
    回覆
    1. 過氣年青人30/9/15 14:35

      你講得啱，工作要埋堆大家都唔會覺得奇怪，但依家跑步都要埋堆就真係諗都未諗過！

      刪除
  7. uncle ricky30/9/15 17:26

    飛獵兄、加陣啥都被壟斷、但想不到連競跑活動亦難逃一壟咁啫！

    回覆刪除
    回覆
    1. 過氣年青人1/10/15 12:23

      主辦大會留得太多位俾贊助商同跑會,,結果每年都有成幾千人報咗名,但最後無出賽,白白浪費咗啲配額.

      刪除
    2. 海怪1/10/15 20:49

      我唔覺得係壟斷, 跑得有一定水準或者恆心先入跑會, 好多跑會都有優先. 自由報既, 好多係去玩或者係去影相, 我有同事係跑得快有優先.

      刪除
    3. 過氣年青人2/10/15 09:00

      可以優先報名嘅跑手，據我所知半馬要喺1小時50分樓下先先至有優先，我加多兩隻腳都無可能達標！

      刪除
    4. 海怪2/10/15 21:09

      加油加油呀, 我呢個同事係全馬, 超過50歲啦.

      刪除
    5. 過氣年青人3/10/15 16:25

      我不會集中玩跑步,同時會去健身室玩吓舉重,所以唔會將全部時間用作練習長跑.故此好難做出好時間.

      刪除
  8. 海怪30/9/15 21:24

    而家越來越多人跑步, 參加跑會囉, 有D比會費就得, 自己練.

    回覆刪除
    回覆
    1. 過氣年青人1/10/15 12:23

      睇嚟我明年都要入會.

      刪除
    2. 海怪1/10/15 20:53

      泰基$130, 幾平又多資訊, 唔駛網上同人迫都抵番

      刪除
    3. 過氣年青人2/10/15 08:45

      我往年都有跟朋友跑泰基杯，遲啲可能都要入會！

      刪除
  9. SU30/9/15 21:41

    今次返內地，仲有冇人話要燒炮仗叫你駛開架車？=P

    回覆刪除
    回覆
    1. 過氣年青人1/10/15 12:25

      中秋唔興燒炮仗,同埋內地嘅氣氛無香港咁濃,佢哋放正8月15日,翌日要上班,所以啲人好早就上床睡覺.

      刪除
  10. Meimei2/10/15 18:27

    可能入咗跑會, 以後自動有資料寄比你, 贈品都多D靚D呢（向好處看😁）

    回覆刪除
    回覆
    1. 過氣年青人3/10/15 16:15

      如果跑會想踼人入會,梗係送多啲贈品吸引人喇!但依家係跑友想加入會,所以跑會點會咁蠢倒貼贈品呀?

      刪除
  11. Ka ka3/10/15 12:12

    既然是大勢所催，咪加入跑會囉！
    起碼唔駛驚報唔到名嘛！:D

    回覆刪除
    回覆
    1. 過氣年青人3/10/15 16:16

      係囉,依家社會乜都講埋堆!

      刪除
    2. 大夫行傳4/10/15 08:54

      千里馬常有

      刪除
    3. 過氣年青人4/10/15 20:06

      以前就係,依家似乎愈嚟愈少千里馬,頂晒籠都係跑二千四嘅草地馬!

      刪除
  12. 翠兒3/10/15 15:44

    報吾到半馬，有冇報番個十公里玩下呀？不過都係吾夠兩個鐘就爆滿喇。

    回覆刪除
    回覆
    1. 過氣年青人3/10/15 16:20

      我對渣馬十公里興趣不大, 之後據報章報導,原來報名一樣咁難!我在十一月都報咗三個長跑:1個10K, 2 個15K, 十二月沙田跑21K.

      刪除
  13. 做燈籠5/10/15 14:42

    最緊要係大家健健康康，報唔到搞到有缺陷，都幾麻煩，希望你有其他方法補救番你的缺陷喇！你跑住21K嗰啲頂住檔先。

    回覆刪除
    回覆
    1. 過氣年青人6/10/15 08:30

      哈哈!未到缺陷,少少失落少不免!尤其係响電視機前觀看當日的比賽時,自己竟沒有參與!

      刪除

訂閱： 張貼留言 (Atom)

意外有感

  受傷後的右手康復進度緩慢，已經接近九十天了，仍然未能舉起。物理治療的效果並不顯注，仍是靠自己勤些練習。   日常用開右手的工作，現被廹改用左手。受傷後發覺，左右手各司其職，不是所有的動作都能夠互相取代。而須雙手互相配合才能完成的動作，倍加難度。   簡單如端碗...

  • 問米２
    我相信每個人都希望知道，人死後會到什麼地方？是否如某些人所說，人死如燈滅， , 包括肉身及靈魂，都會煙消雲散。當然，有宗教信仰的信徒則有另一番見解，或上天堂，或下地獄。   為了想知道至親或好友離世後的情況，透過靈媒鋪橋搭路，為其中一種可行的方法。   自姑媽...
  • 保安員
    保安員，即以前的看更，為了吸引更多人入行，故此將名稱改得專業一點。現時當保安，需要領取牌照。   有興趣加入這行業的話，可往香港人力資源有限公司，報讀一個２天制的保安課程。課程完結後，接著考試，合格的話，可即時獲頒發「優質保安證書」。   自 1996 年...
  • 公僕退休前講座
    政府對公僕可謂照顧周到，在退休前安排一個講座，歡迎行將退休的公務員參加，內容分開 7 部份。 首先由公務員事務局的高級行政主任何麗珊女士主講退休福利，包括一筆過酬金以及每月退休金的折算方法，還有退休後的醫療問題。公僕分新制及舊制兩種， 新制最盡做到 6...