時代不斷進步，以前溝通依靠書信，其後發明了電話，電傳（telex）以及傳真，將人與人之間的溝通，變得多元化。
電腦面世後，溝通渠道進一步加強，有E-mail，MSN，Facebook同Skype等等。不過，自從智能電話出現之後，又出現了Wechat，WhatsApp及line等聯系APPS。溝通不一定以文字回應，可以透過emoji，即表情圖案來回覆。
以前想約一班朋友出街聚舊，要逐個打電話，現在只要在群組發個訊息，朋友就會自動報名，省卻不少時間。
當你周轉不靈，想找朋友幫手，正難於啟齒之際，透過WhatsApp可以消除對話的尷尬。
除了聯系之外，又可以分享有趣的文章，圖案及短片，優點是不分地域，遠在美加的朋友都可以即時收到。
不過，這類Apps也有缺點，如果有朋友找你幫忙，而你想借看不到有關訊息而不回覆，以為可以暪天過海的話，就大錯特錯！因對方可以看到你的手機有沒有連線，如果你曾經看過訊息的話會有顯示，一切資料，無所遁形。
最令人氣憤的，莫如收到錯誤傳送給自己的訊息。你予人方便，見到鄰居每朝都要出城，你上班順路送她一程，風雨不改。她對你的仗義十分感激，但原來只是表面功夫，直至有一天，你收到她的訊息，內容竟然是批評你的衣著品味差，又穿戴A貨首飾扮濶太，更說不知道你有每天都義載她出城的企圖？你正感到迷惑之際，再收到她第一時間發出「
Sorry！sent 錯！」的訊息。原來鄰居想跟朋友分享她對你的是非，但錯誤地傳送了給你！
有時群組開得太多，你也攪不清群組內的成員，一時衝動，將尖酸黑薄的說話在群組內分享，原來被你詆毀的朋友，是在群組之內，你說多麼尷尬！
又有一些成員，將自己的生活照，例如跟朋友吃飯等等的照片，在群組內分享。但他沒有想到，群組內沒有成員認識他的朋友，亦沒有興趣了解他的私生活，故此他啲訊息，從來沒有人回應，但他仍樂此不疲，漸漸地令朋友生厭也不知！
表情圖案也要小心使用，如果是剛認識的異性朋友，就不宜用一些親匿圖案作回應，因為這會令對方感覺你對她有企圖，最後可能連朋友也做不成！
往年佔中時，朋友及親戚對佔據街頭作為抗爭手段的看法，出現嚴重分歧！最後引致兄弟不和，朋友決裂等等，皆因WhatsApp太過方便，大家可以隨意發表個人意見，導致這個情況，實屬可悲！
由於大家過份倚重
WhatsApp,所有消息都透過群組發放。我曾經在群組內承諾參與同事的中午飯局，但去到相關餐館時，看不見同事到達，又找不到留座的資料。唯有翻看群組資料，看看有沒有弄錯地點或時間？原來飯局已經取消了，只不過我太忙，未有留意最新留言吧！
但我覺得，只要大家約束一點，切勿在駕車及步行時收發訊息，亦不要太過著緊別人的回應及在背後說人是非等等，
WhatsApp仍不失為一個最佳的溝通工具。
你呢篇真的論盡了科技訊息中所有的利弊，我完全認同……
回覆刪除我就是怕這樣，但最近我也敵不過趨勢也用了Whatsapp，以前我只用Skype 和 Messenger ，就是怕唔覺意send 錯咗！
而最近我真的將録音send 錯咗俾第二個人，好彩唔係講是非啫。
Shu兄,用智能電話係大勢所趨,因為依家WhatsApp已經成為不可缺少的溝通工具。如果你無WhatsApp,朋友會少好多，因為無人會就一啲聚會逐個打電話通知！哈哈！為免Send錯引起尷尬，盡量唔好send是非喇！
刪除哈哈！我冇喱D煩惱，可能講你都唔信，因為我冇用手機。
回覆刪除我信架！我之前都無用智能電話，其後發覺朋友逐漸減少，原來個個用晒WhatsApp嚟溝通！所以無辦法，我都要與時並進！
刪除Whatsapp的確有好多方便, 但針冇兩頭利, 佢都比我好多煩事.
回覆刪除但溝通都係面對面好D.
但大家忙於工作，面對面傾談嘅機會唔大。每樣工具都有利斃，只要運用得宜，始終係方便好多！
刪除WhatsApp仍不失為一個最佳的溝通工具，我不濫用。
回覆刪除哈哈！如果你無濫用，朋友都長久啲！
刪除Philip去了一個已取消的飯局，原因係冇CHECK 最新留言。
回覆刪除慣用WhatsApp GE其中一個問題就係呢度，SEND左MESSAGE就ASSUME人地會睇到，不會再電話CONFIRM，確定人地真係睇左，這種通訊文化下，結果就係大家成日要CHECK住，確保冇MISS到野。特別事情，做得搞手GE係咪應該要確認人地知悉？
因為大家都習慣咗用WhatsApp，當未遇過出亂子，覺得咁嘅溝通方式沒有問題。當然自己也有責任，如果穩陣啲，我應該在群組留口訊核實飯局有否有取消！
刪除我想、WhatsApp 呢家嘢確實係快靚正、其中當然有利也有弊、只要用得其所仍然係相當好嘅通訊工具。
回覆刪除每一樣產品,都會有利斃,你說得對,只要運用得好,whatsApp應該係目前最好用的通訊工具.
刪除作者已經移除這則留言。
回覆刪除我加入了一個教會群組，至在睇吓有咩活動，但什少入去留言。年尾期間，該群組發報了一個大家都熟悉的教友剛喪子，問候及神守護之類的留言如雪片中飛來。才一天的光景巳是新年，同一班人又在群組上歡天喜地貼上各式各樣動漫慶祝。隔咗一日又有人分享兒孫樂相片，原班人馬又大讚耶和華聖恩.....！我睇完都精神分裂！......至于傳錯是非，之後又比我撞到另一個老作我是非的人入錯我度,唉~！(可能睇得手機多真係會傷目,好易盲中中㩒錯掣！阿門！
回覆刪除依家乜野都擺上群組,有啲似例行公事,組員被圖片或留言牽著鼻子走,如果不回應,似乎唔夠熱誠,但傍觀者看完喪事回貼,跟著又看歡樂留言,難免有點涼薄感覺,有時睇得多,真係人都顛!吓?又有盲毛撞入你個留言版度?又係講是非? ><
刪除....因為佢地兩個係fd! 另一個為咗附和佢而亂up瘋，盲中中又襟咗入我度，有時D嘢就係咁＂橋＂！....唔怕得罪，其實教會係好多心理有問題嘅人嘅集中地！
刪除以上純粹個人觀點，與blog主無關！
刪除身體有病會去看醫生,心裡出現問題要心理治療,往教會係其中的一個選擇,故此,教友有心埋不平衡一啲都唔出奇,不過,將是非成日SEND錯俾你就真係幾罕有!
刪除我都試過約咗人打波，睇漏咗WhatsApp，遲到咗，去到差不多打完呢！
回覆刪除哈哈！好彩係打波啫！如果食飯嘅話，無得食兼夾要洗碗添！我覺得如果係重要約會，除咗WhatsApp之外，要加上電話聯系較穩陣！
刪除到今日，我仍然堅持同真正嘅朋友交心一定要傾電話，whatsapp純粹係用來玩同作輕鬆對答！
回覆刪除我認同你的說法,跟知心朋友,還是透過言語對話較誠懇。WhatsApp 最大的作用，是可以同一時間聯系一群人,且不分地域,遠方的朋友也可以繼續保持聯絡。
刪除