泰基杯安排在九月七日,在有魔鬼賽道之稱的北潭涌舉行.單單聽到魔鬼賽道這四個字,我已經有種躍躍欲試的衝動!再看看昨天的天氣預測,由27至33度,天晴,間中密雲,這個溫度,對我來說,比魔鬼賽道還要魔鬼!
我早上5時起床,直赴北潭涌,但比賽地點離我家頗為轉接,我首先乘西鐵往紅磡,由紅磡轉乘東鐵往大學站,再轉巴士往馬鞍山,然後由馬鞍山往西貢麥邊,再由麥邊乘車往北潭涌,怪不得開跑時間安排在上午九時正,太早的話,恐怕住在較遠的跑友未必能夠準時到達!
我早上4時45分己起床,在大學站會合跑友陳先生及另一位跑友,齊齊往比賽地點.
大會在起跑前公佈,氣溫31度,由於天氣炎熱,勸喻跑手要喝多點水!
起跑沒多久,就開始上大斜路,大約2公里左右,跟著沿途有大大小小不一的斜路,在炎熱氣溫下,體能消耗極大,我總算沒有停下來,一路堅持跑到主霸位置,幸好大部份時間有雲層遮蓋陽光,否則我不可能用33分鐘完成頭5公里.
但到回程時,手持的水喝乾了,幸好到了水站,加了水繼續回程,但身體的散熱很慢,我感到愈跑愈熱,雖然雙腿仍有力,但我恐怕有機會中暑,故此不勉強自己,約莫步行了1公里左右的斜路,然後慢跑回終點.完成時間,破了我以往跑十公里的最差紀錄.......1小時10分! ><
跑完之後, 衫褲盡濕, 露點也顧不了!
有其中三位跑友好勁,分別在他/她的年齡組別獲取獎項!
太熱天氣下跑,愈跑愈熱，體能一定消耗大，分分鐘可能會中暑桇！
回覆刪除我都有啲驚,所以唔敢搏到咁盡!
刪除天氣酷熱，真係對跑手一大考驗。
回覆刪除中秋節快樂。
天氣熱跑得特辛苦，加上這段路太斜，尤其艱辛！中秋節快樂！
刪除今次有多少人參加呢？又有沒有人中途退跑？
回覆刪除Philip 兄，大熱天跑，係好辛苦，但開頭五公里的速度又真的很快呀！
同時看到你們個個都雄糾糾，散熱最有效就是露點，而且也是肌肉美的展現…
我好怕熱，如果我去跑，相信全程我都會係無上裝呢，不知大會批不批准？哈哈…哈！
再：中秋節快樂！
刪除我不清楚參加人數,但有千多人吧!聽講有三十多人棄權.我都不理那麼多了,跑到一半,連衫也脫掉!我見到有些健兒,一開跑已經將號碼布綁在褲上,赤著上身起跑.大會沒有規定,但一定要有號碼布! 中秋節快樂!
刪除跑步運動不是人人可勝任，得獎與否都恭喜。祝佳節歡欣愉快！
回覆刪除中秋節快樂!在這嚴熱天氣下作賽,我作為一種對身體的鍛鍊故此成綪差己經預咗!
刪除只係可能你今個月食多咗月餅啫（憑相斷估），下次應該跑得冇咁辛苦㗎啦！（閃～）
回覆刪除也不是的,因為實在太辛苦了!下次十一月二十二日的賽事,應該舒服得多了!
刪除其實你有一直喝水，是不會中暑，若手中仍有其他水，可以淋濕個頭，一樣可以幫助散熱的。
回覆刪除哈哈!俾我找個藉口行番一公里都唔得? 反映我的操練不夠克苦!
刪除年紀越來越大，要保持到健康已經唔容易，破唔破到紀錄已經唔係咁重要。
回覆刪除喺咁嘅天氣下作賽,過一粒鐘完成,我預咗架喇!
刪除北潭涌係零舍熱架，印象中呢段路係少樹蔭，真係好攞命。我平時行山，都係頭四十分鐘左右猛出汗，成身濕晒，之後就會停止流汗，件衫就開始慢慢乾。幸好我多數行兩小時之內的路線，否則件衫乾透，個人又唔出汗去散熱，就有可能中暑。
回覆刪除呢條賽道,樹蔭較少,相比之下,新娘潭的賽道比北潭涌好得多!件衫因出汗而濕,濕完又乾,如果身體唔好的話,分分鐘瀨野!
刪除我話baba知，你跑ge賽道，佢讚你好勇呀！
回覆刪除吓!你爸爸又知道賽道位置?
刪除真係勁, 咁熱, 你叫我去行都唔制, 你竟仲可以跑.
回覆刪除我當作測驗體能嘅一種方式，因為我從來無去驗身，聽講喺咁嘅環境之下完成賽事，身體應沒有多大毛病！
刪除飛擸兄果然係跑得之人、呢排熱到人都癲、你竟然破紀錄完成賽事。認真佩服之至呀！
回覆刪除哈哈!係破咗自己最差紀錄! ><
刪除飛擸兄、你係得嘅、繼續努力呀！
刪除域 sir,多謝鼓勵!
刪除基哥你好勁!!食得晒已好叻啦.呢條路我跑過2次,投降了,
回覆刪除你有參加跑會?下次有比賽約埋呀,我好耐好耐無參加比賽啦,除了渣馬.
呆兄，你真厚德，我跑得咁渣，你都話叻！我未有入會，不過認識部份跑會朋友！所以明天我要像你一樣“犯賤”準時上網報渣打半馬！...........我啲跑會朋友，老早已經透過跑會報晒名，所以入跑會，保証一定可以報到名！
刪除報唔報到馬拉松？
回覆刪除嗰朝6點半開電腦,一到7點就 立即登入,已經排第超 過一萬,約莫1萬2千左右,終於等到7時45分成功報名!你有沒有報名?
刪除報唔到，惟有等下一年啦！
刪除依家愈嚟愈難報!我都唔明,全馬咁難跑,聽講一開始報名已經差唔多滿額!我兩個同事年年跑開,但今年雙雙報唔到!
刪除