呢班政棍，每月攞納稅人唔少錢，但喺議會度剩係識得吵吵鬧鬧，重有另一班契弟乜都唔識，剩係識得拉布，擲吓香蕉！記者先後問過無出席嘅議員，個個都有藉口，呢個話要去電台，嗰個又話公司有要事，最不知所謂，就係嗰啲話因為佔中導致塞車而遲到嘅垃圾議員。佔咗中咁耐，我每日都要返工，我可唔可以同老闆講因為佔中，所以每日都要遲到呀？
我相信議會時間一早編排好，預先知道幾時要開會。作為議員，連自己啲時間都安排唔好，重好意思喺議會上振振有詞，說三道四？尤其係飯聞，將自己包裝成道德巨人！佢哋去開會就話分配唔到時間，但去佔中撐場就大把時間！正經嘅工作就唔做，出街做搔就不遺餘力，你話呢班邊係人嚟架！
垃圾局議員平日壁疊分明，分別有擦政府鞋嘅保皇黨，逢政府政策必反嘅騎呢力量，重有立場時左時右嘅飯聞。喺議會上，好多時都針鋒相對，充滿火藥味，但喺蛇王方面，竟然個個立場一致！所以你咪洗旨意呢班議員可以同你爭取權益，香港有呢類議員，港人只有自求多福！
香港的殘局，何人何時收復！
回覆刪除呢個問題,真係無人可以答到你! 因為依家啲路霸,已經由群體變成個體戶,而示威亦變了質,成了反政府為主題!
刪除以前我在一日資公司工作，因員工多，良莠不齊自然是有的。有許多人好懂得玩嘢，常在灰色地帶上玩對抗或弄權。只因日本文化不喜歡炒工人魷魚，要炒便要向上級寫報告及檢討，所以為免追究責任多數都會忍氣。
回覆刪除那些人這樣做雖到加薪時會可能是最低，但他們唔care，因為懶懶閒就可逗萬幾蚊一個月（九幾年算多啦）。
後來有人提議（當然是處於高層的日本人）要賞罰，同時也要找定backup，排除了不炒魷魚的陋習，人走就即時有人上位，人釘人打報告等等…
假如有人想玩聯手，日本那邊調隊兵（日本公司的低級員工）過來，炒咗搞事的，咁就掂哂！
如果香港可以，其實一樣都得。
只不過大家圍威喂啋你都儍，就係因為最大嗰個唔做嘢！
你講得啱! 好似做衙差,如果唔望升級,就可以懶懶閒,盡量利用灰色地帶嚟攞著數.而炒一個員工,要有好充份理據才可以達到.老闆變相要做好多準備功夫,可以用吃力不討好來形容!故此,如果唔係太過份,大家唯有隻眼開,隻眼閉! 而蛇王喺垃圾會內,是大家都享有嘅福利,邊有人咁蠢,搬石頭打自己隻腳?
刪除「蛇王方面，竟然個個立場一致！」講得好！
回覆刪除個個都講到自己為巿民服務,查實好多議員都係求求其其又一日,或者喺議會上坃吓野,滿口民主正義,呢啲政棍,好話唔好聽,正式人渣!
刪除要求加人工, 班議員就最團結.
刪除呢班友，自己加薪就積極，到撥款俾公差加薪或者其他基建時就玩拉布，所以用杏加橙嚟形容社民聯呢班扒街完全唔過份！
刪除垃圾會D議員除咗識攞納稅人D錢，仲識攪旅行團嚟拉攏街坊支持！
回覆刪除飯聞早前又話曾主席做乜D車入唔到總部而唔開會，而家開會佢哋又話分配唔到時間，分明玩嘢！
啲議員咁嘅工作態度,見微知著,佢哋邊會認真為巿民服務呀?所以我用垃圾嚟形容佢哋,一啲都唔過份! BTW 我在給老師的短訊話你問候佢,老師亦托我向你問好!
刪除Pillip: 唔該晒你呀! :)
刪除無論甚麼派別的議員，除了離港外，都應盡可能準時出席。
回覆刪除坦白講，流會要超過35人缺席 (不是幾個，是幾十個)，「理論上」應該不易流會的。
見微知著,剩係睇吓佢哋連開會都懶,點會有心為巿民請命呀!
刪除飛擸兄、依在下睇、今次阿爺又玩欲擒先縱遊戲、猶如當年老祖宗嘅大明大放一樣、待點子都蒲出來之後一鋪打殘。信不信由你。
回覆刪除我睇阿爺故意放手唔理,等你班香城人自相殘殺,當大家搵唔到食,就會遷怒班泛民! 我之前選開李卓仁,但以後都唔會選呢條茂利!但民建聯又選唔落手,唯有改選自由黨!
刪除飛擸兄、其實我認識阿某人已經有幾十年、不過交情淡如水、而且還有多名兩營政棍都是多年相識、就係呢個原因、我從來未投過佢嘢一票。
刪除我投他一票,不期望他做到什麼實質幫到巿民的工作,只是覺得他比建制派議員好少少吧! 從這次佔中,我看清了民主派的偽善!所以不會投他們一票!
刪除當要選舉果陣就最勤力, 朝朝早派傳單, 係街站講衛大宣言.
回覆刪除選左就唔出席, 拉布. 乜都反對, 有破壞冇建設. 仲衰過班真係有心既學生.
所以用垃圾嚟形容佢哋,一啲都唔過份!
刪除佔中行動搞左咁耐，真係感到好無奈同好悶，現在都冇心機睇新聞報導呀！
回覆刪除我每晚收工後,會在電視機前看兩三個鐘頭新聞直播,但現在已沒有再追,費事嘥時間,尤其是訪問佔路的一方時,他們還振振有詞地說歪理,看連胃口也倒了!
刪除