「多謝西風！她把後園的桂花吹放了，桐葉的飃零以及黃花的憔悴，只是詩人的形容詞！這裡只有花的芬芳，水的澄清，天的莊嚴和純潔，以及一切秋蟲的歌唱…….」秋天，是我最喜愛的季節，我十分欣賞易家鉞在「可愛的詩境」一文中，對秋天的歌頌!
我曾經參加過的跑步賽事，全部都在大清早舉行，故此這次黃昏比賽，相對顯得有特色！
科學園這段路，對我來說，沒有新鮮感,因為我在此路段,曾經歷過無數次的比賽，但想不到在夜裡，卻有著另一番風味！由於時屆深秋，清風帶來寒意。我輕鬆展步,邊跑邊想起杜牧的秋夕「銀燭秋光冷畫屏，輕羅小扇撲流營，天階夜色涼如水，坐看牽牛織女星。」想不到這次比賽也充滿詩意!
..............哈哈!不好意思,以上只是我在開跑前的幻想,實際上那天晚上,沒有想象中的浪漫!在開賽前，我希望能夠突破50分鐘內完成賽事的死線，故此在比賽當中，我把注意力集中在時間方面，根本無暇擔天望地，更加沒有欣賞沿途的景色及感受秋夜的恬靜那份閒心。我保持5分鐘1公里的速度完成頭8公里，但最後的2公里開始出現疲態，結果未能維持均速，最後以52分58秒完成這次賽事！
http://www.pacers.org.hk/Doc/22112014%20Results%20%2010K.pdf
今年的跑衣
跑前例影
飛擸兄、參與競賽本身就是一種喜悅、能造出好時間更不在話下、即使未如理想也可以出一身汗、人都爽啲吖嘛！繼續努力呀！
回覆刪除人有隋性,如果無比賽,我可能唔會去練! 呢個時間,可能係我去到最盡的時間,唔會再有突破. 你說得對,出身汗感覺都爽啲!謝謝鼓勵!
刪除少見的浪漫年青人,,,,,,,,,,令大家眼前一亮！
回覆刪除哈哈!講就浪漫,但落到場啲浪漫就自動消失!
刪除雖然天涼, 但係我都覺得熱.
回覆刪除嗰晚我都覺得熱架,我最鍾意係10度左右跑最爽!
刪除在傍晚時份跑...喺咪寧靜D呢？
回覆刪除你講得啱喎,可能遠處漆黑一片,係有一種寧靜嘅感覺!
刪除每次參加都有新運動衣，參加左噉多年，hehe.............儲埋吾小。
回覆刪除我一年約莫跑6至7次左右,所以真係儲埋有唔少跑衣架!我送咗啲比舅仔!尤其是渣打跑衣,通街都見人著,好似制服咁,所以我從來唔會穿渣打跑步衣出街架!
刪除你的老友，陳先生有出席嗎？
回覆刪除陳先生沒空所以沒有參加！之後嘅賽事我同佢都分道揚鑣，我7號跑上水15K，佢去了跑大尾篤 ，21號我跑沙田皇者之戰，他去了深圳跑全馬！真的，天下無不散之筵席，我和陳生一齊跑的日子，可能從此劃上句號 ！
刪除雖然Philip形容自己是過氣年青人，但我想你的體能應該好過好多未過氣的年青人和很多就黎過氣的年青人。^_^
回覆刪除哈哈！我真係過咗氣嘅年青人！不過，我相信我嘅體能應該拍得住依家啲年青人。我有唔少下屬，佢哋後生過我成十幾二十年，但就周不時頭暈身熱放病假！我做咗衙差有38年，但我攞個嘅病假仍維持在單位數字。
刪除還很年青啊！
回覆刪除哈哈! TEDDY 你真識講野! 有機會飲茶,我嘅!
刪除正當我邊閱讀邊稔起你家門前嘅陣陣桂花香時，看到尾二嗰幅青BeBe相，我的心不禁＂輕羅小扇撲流汗，天階夜色凉如水＂，過兄果真係插圖高手！
回覆刪除跟得CKK多，唔學多都學少喇！^^
刪除