撩交打？

我的自述

 我嚟咗呢個世界己經有五十幾年，喺人類嚟講唔算太老，但喺豬嘅世界嚟睇，我嘅壽命已經係最長架喇！唔信你睇吓我個樣，雙眼已因年老而脫落，我依家已經睇唔到嘢。

時間過得好快，眨吓眼就過咗幾十年。我重記得喺五十幾年前，我俾一位太太買咗，將我送咗俾佢嘅外甥作為過年禮物，我就喺嗰個時候開始，一路跟住呢個主人。

主人每逢農曆新年，收到利是錢之後，我先至有嘢食，不過全部都係大餅（硬幣）。

我啲FRIEND就唔同喇！佢哋主人有錢，所以食親都係軟嘢。

雖然佢哋有好嘢食，但係當主人冇錢駛嘅時候，就會諗起佢哋，最後慘遭主人《謀財害命》，我好多FRIEND都已經行先我一步，所以有錢唔係一定係開心嘅！呢個世界有一得必有一失，所謂食得咸魚低得渴，我情願食得唔好，都好過俾人劏！

我後生嗰陣時個胃好好架，點知年紀大咗個胃開始唔妥，最近重痛到典床典蓆添，我個主人見到我咁嘅情況，就幫我做咗個大手術，因為肚裡面太多嘢喇，用咗成半個鐘先至搞掂，好彩手術成功，依家舒服晒！康復進度良好，大家唔駛担心，吓？又係喎！你哋唔識我，又點會担心我哩！我真係自作多情！

做完手術之後，我個主人俾我睇番攞咗啲乜嘢出嚟，如果大家覺得太核突就唔好睇喇！

咦？我見到幾張軟嘢喎，錯怪咗主人添，原來佢都有俾過軟嘢我食
噃！吓?有無搞錯?乜連古錢都餵埋俾我!

最近有個拍賣會，一個喺64年鑄造嘅五仙硬幣，竟然拍賣到幾千銀，睇怕我肚裡面嘅硬幣，幾千年之後，真係價值不菲架！

洗腦

根據日前蘋果新聞報導，羅范要洗教師腦，教育界斥離譜。教協會長馮偉華發表批評羅范的言論，認為她的「染紅」建議離譜，「洗咗腦先可教書，呢啲思想操控，正正係大忌。」

馮先生不愧為教協會長，他對香港教師的素質暸如指掌，知道香港教師缺乏獨立思考的能力，思想容易受到操控。假如老師被洗腦，思想變得「愛國」，對中央的政策唯命是從，你說情況多麼令人憂慮!

假如老師被洗腦後，滿腦子都是愛國思想,會對學生產生潛移默化的作用，往後畢業的學生會變成「愛國」份子，在那個情況之下，主張逢中必反的政黨，例如民主黨，人民力量，街工等等，將會後繼無人,你說多麼可怕啊!

故此,我對馮會長的言論,予以支持及肯定,而對羅范重推對年青教師進行為期一個月的國民教育,予以強烈遣責!

癈苦之言

日前反水貨客在屯門區截停拖篋母女，指責她走私，雖然該女士一再重申自己並非水貨客，更打開行李篋以示清白。當有人知道弄錯的時候，仍死心不息，斥責該女士搶奪香港資源，又問該女士有沒有納稅？其他人繼續指罵，指責她的小朋友搶埋香港人的學位。

除了執法人員有權要求涉嫌人士接受檢查之外，一般巿民，根本沒有這種權力。這件事件，顯示那些口口聲聲為了正義上街的巿民，說得漂亮，但就行為卑劣，帶頭破壞法治。

另一方面，假如你是土生土長的香港居民，可以被一個來自內地的女士，成功搶奪到你的資源，你應感到慚愧，而不是在街上漫罵。物競天擇，假如小朋友成績優異，何懼找不到學校？

在香港做生意，是要繳付利得稅的。商人不會做蝕本生意，你買的每一件物品，在制定價格時，已將成本加了上去，換句話說，當你買一件貨品，已包括了稅款，故此，那位年青人問那位女士有沒有交稅，只突顯他的無知！

「香港本土」兼新民主同盟立法局議員范先生其後在一個電台節目中指出，近期的反水貨客示威，是由於政府沒有限制個人遊及取消一咭多行，屬官廹民反！范先生的講法，給予反水貨示威一個合理辯解，鼓勵更多巿民上街遊行。

記者在街頭訪問了一位參與示威的女學生，她說上街示威的主要原因，是每天放學都被水貨客的拖篋轆過腳面幾次。我覺得很有趣，明顯那位女學生將情況誇大，以支持她上街參與反水貨客的示威。假如跟水貨客同一方向行走，拖篋不會轆過腳面；假如迎面而來，腳面也很難被轆過。唯一的可能性，就是站在街頭，水貨客在你的面前經過，他們的拖篋才會有機會轆過她的腳面。

另一位示威人士稱，他們上街抗議，只對當地居民做成一天的不便，比較起水貨客的長期困擾，可說微不足道！這個邏輯很有問題，即是說有受害人被毆至遍體鱗傷，我只是加多一腳啫，有什麼問題呢？再者，上街抗議的,應該是受影响地區的居民,而不是一些跨區來幫倒忙的「正義人士」。

另一位被捕的學生，他在獲准保釋外出候審後，心心不忿，在網上留言說：「我哋流嘅血竟然比唔上蝗蟲一滴眼淚。」從新聞報導中看到一個女子滿面披血，她說路經示威區時被警察無故毆打，但從其他短片片段中，看到她明顯有意廹向警察的防線，故意挑釁警方的容忍力，在拉扯中跌傷。她的受傷，是咎由自取！那些示威者，對著兩母女喪鬧，導致女孩哭泣。假如要將小女孩受驚流下的眼淚與受傷女子的鮮血作比較，巿民的同情心投向那一方? 我不用多說，大家看新聞也知道了。

某些法律學者以及議員，聲稱如遇惡法，可以採用公民抗命的方式抗爭，令部份人覺得公民抗命是正義之舉，就算坐監也在所不計！倡議公民抗命的學者及議員，背後存有政治動機。再者，他們已經名成利就，無需為生活及前途擔憂。在公民抗命的行動中，利用他們的法律知識，避重就輕，檢控部門難以將他們繩之於法。

但對盲目跟風的「熱血人士」來說，情況就完全不同。在反水貨客示威被捕的人士，很大機會判刑！有了案底，政府及大機構不會錄用，出國讀書或者移民都有困難。所謂精人出口，笨人出手，盲從附和者，是要付出代價的！

「福到」還是「福倒」

不一樣的結果

2015

為了懷念小時候過年炮仗聲此起彼落嘅情景，我在年二十九啟程回鄉。美其名話回鄉感受有燒炮仗氣氛嘅農曆新年，實際上我係接到令命要返鄉下執吓間屋，打掃一吓園內枯葉，貼貼揮春，掛番副大紅燈籠喺屋前嘅「萬紫千紅」度，同埋買番啲大咭同年花應應節。

依家內地城巿，已經嚴禁燒炮仗同煙花，如有違法，即時行政拘留十五天，所以無巿民夠胆以身正法！幸好鄉下地方，不在此限。

我原本都想買番串炮仗應應景，但見到啲炮仗捲到成個面盤咁大綑，竟然有啲猶疑，估唔到人年紀大咗，胆量卻變細咗。俾著以前，呢啲炮仗啱晒我胃口，結果今年無買炮仗燒！

買妥新年掛飾同年花之後，睇見時間不早，連忙趕快返屋企。我轉完入屋企條路之後，竟然發現成條街只係泊得幾部車！平日想揾個位睇吓都幾難，今日居然通街都係停車位。

查實每一住戶屋前都可以停一部小車,但有啲住戶就好自私，佢哋唔止有一部車，結果要泊到人家門口！我屋企門口對出,通常俾對面標哥泊咗。我呢啲順得人，唔會為呢啲雞毛蒜皮事，同隔離隣舍面阻阻。但嗰日竟然喺我意料之外，唔通未到羊年就開始有運行 ? 唔好諗咁多, 我拿拿聲泊返喺門口側邊。

我唔係喺度唱高調，屋真係唔需要太大，尤其係好似我哋呢啲無錢請工人，下下要自己落手落腳做清潔嘅住戶!

結果我做咗成兩粒鐘先至清潔好，跟住開始掛大紅燈籠，然後貼番幅對聯，擺好啲桃花同年咭，聖誔花夠晒搶眼，所以買咗幾盤擺喺門口度，話時話，喺內地買花一啲都唔貴，所以我都買咗幾盤返香港。

擺番幾盤年花確實有過年氣氛。





   未掛飾物的桃花。

人靠衣裝，佛靠金裝! 估唔到花都一樣，加咗飾物嘅桃花,尤如著咗件新衫,真係醒神好多!

到咗晚上大約十二點左右，住响隔離個外省佬走過嚟拍門，話要燒炮仗，叫我將架車駛開，咁都得!呢啲情況真係只國內先至有，我出門口睇睇，見佢串炮仗成十幾呎長，由二樓垂到落地下，位置正正喺我車尾，我心諗，佢將串炮仗移過少少唔得嘅! 不過新正頭，唔想同佢有拗撬，我唯有將架車駛開，我喺嗰個時候先至知道點解無人將架車泊正喺門口！

話咁快到咗夜晚十二點，呢次真正感受到鞭炮嘅威力，可以用震耳欲聾嚟形容。炮竹聲，煙花爆炸聲，整晚連綿不絕，氣氛真係好濃厚，不過就難以安睡。

年初一我由鄉下返番嚟香港，順便帶咗幾盤花落嚟，增添一下過年氣氛。平均每盤十蚊人仔，桃花68蚊，抵唔抵就見仁見智，但喺香港用咁嘅價錢肯定買唔到。




棵桃花雖然唔係好大棵，但勝在外形均衡!


















 各位網友請記住，喺內地返香港係可以帶花以及生果入境，但倒返轉頭就唔得!

在此祝各位網友羊年快樂，身體健康，心想事成! 遲來的祝福,祈望各位不要見怪!