我嚟咗呢個世界己經有五十幾年，喺人類嚟講唔算太老，但喺豬嘅世界嚟睇，我嘅壽命已經係最長架喇！唔信你睇吓我個樣，雙眼已因年老而脫落，我依家已經睇唔到嘢。
時間過得好快，眨吓眼就過咗幾十年。我重記得喺五十幾年前，我俾一位太太買咗，將我送咗俾佢嘅外甥作為過年禮物，我就喺嗰個時候開始，一路跟住呢個主人。
主人每逢農曆新年，收到利是錢之後，我先至有嘢食，不過全部都係大餅（硬幣）。
我啲FRIEND就唔同喇！佢哋主人有錢，所以食親都係軟嘢。
雖然佢哋有好嘢食，但係當主人冇錢駛嘅時候，就會諗起佢哋，最後慘遭主人《謀財害命》，我好多FRIEND都已經行先我一步，所以有錢唔係一定係開心嘅！呢個世界有一得必有一失，所謂食得咸魚低得渴，我情願食得唔好，都好過俾人劏！
我後生嗰陣時個胃好好架，點知年紀大咗個胃開始唔妥，最近重痛到典床典蓆添，我個主人見到我咁嘅情況，就幫我做咗個大手術，因為肚裡面太多嘢喇，用咗成半個鐘先至搞掂，好彩手術成功，依家舒服晒！康復進度良好，大家唔駛担心，吓？又係喎！你哋唔識我，又點會担心我哩！我真係自作多情！
做完手術之後，我個主人俾我睇番攞咗啲乜嘢出嚟，如果大家覺得太核突就唔好睇喇！
咦？我見到幾張軟嘢喎，錯怪咗主人添，原來佢都有俾過軟嘢我食
噃！吓?有無搞錯?乜連古錢都餵埋俾我!
最近有個拍賣會，一個喺64年鑄造嘅五仙硬幣，竟然拍賣到幾千銀，睇怕我肚裡面嘅硬幣，幾千年之後，真係價值不菲架！
噃！吓?有無搞錯?乜連古錢都餵埋俾我!
最近有個拍賣會，一個喺64年鑄造嘅五仙硬幣，竟然拍賣到幾千銀，睇怕我肚裡面嘅硬幣，幾千年之後，真係價值不菲架！
飛獵兄、你隻豬仔認真夠歷史喇、我都有一隻係咁上下年齡嘅豬仔、不過係濺粉紅色那種。再保存落去天可能變古董、小心的照顧佢啦！
回覆刪除呢隻豬仔屬於60年代初產品, 我知你所講係淡紅色嗰種。
刪除嘩！發達喇！收埋咁多古懂！
回覆刪除嘻嘻！我諗要多等幾百年，最好千年後，才有價值！
刪除原來你都收埋好多，而我就沒你那麼多珍藏，只得數個由五仙到五毫子的硬幣，而軟嘢就一張都冇。其實我也是知道早前說及的那個五仙…我才摷出來睇下，誰知都係1949！
回覆刪除咁我得閒都要摷摷，睇真啲有無1964年嘅斗零先！
刪除我細個唔識得儲起D舊野, >_<
回覆刪除我入咗落隻豬度，細個唔夠力，撬唔返出嚟，所以先至有呢堆硬幣渣！如果攞得到出嚟，我點會留到依家？
刪除哈，睇黎Philip手中都有好多高增值資產。^_^
回覆刪除哈哈！我全部資產已經曬晒出嚟！
刪除其實你都係一隻身嬌肉貴嘅豬豬。
回覆刪除哈哈！你真係幽默！你睇我做暑期工嗰種辛苦法，就知我只係一隻好襟捱嘅騾仔，而唔係身嬌肉貴 嘅豬豬！
刪除我都收埋一堆硬幣，不過冇心機去尋寶。
回覆刪除火姐！快啲摷下，你分分鐘摷到幾個1964年出廠嘅斗零，隨時賣番幾萬銀！
刪除我就話你仲值錢呀!
回覆刪除哈哈！一隻又盲又老嘅膠豬，點會值錢呢？
刪除li 隻豬仔，已經咁耐gar 嗱，好得意wor ~
回覆刪除係我姑媽買俾我嘅新年禮物，我大佬同細佬都有架，不過已經唔知去咗邊度咯！
刪除