我在5時30分起床，塞了一塊麵包，便往街上等車往上水。由於是星期天，大多數人這個時間還在睡夢中，故此街上行人稀少。我在6時30分抵達上水，會合跑友陳先生後，我們一同前往起跑區。
在起跑區踫見亨哥及另一位跑友，在近期的比賽中，大部份時間我都是獨來獨往，這次難得遇見眾多的老友，當然要來一幅大合照!
滿以為今早氣溫24度，會跑得很輕鬆，但料不到濕度高達百份之九十，有少少翳焗，但又落不出雨。有幾段路連風也沒有!我跑得頗為吃力，結果用了1小時35分才HEA完15K，跟往年1小時22分相比，足足慢了十多分鐘, 真的是王小二拜年，一年不如一年!
可能跟今年溫度較高有關，往年比賽那天的氣溫徘徊在10度左右，所以我跑得十分愜意!完成賽事往取行李時，看到有贊助商名字的背景板供跑友影相，我也拍了張留念！
今年主辦單位比往年進步，比賽沿途有足夠水站, 完成賽事後, 食物供應十分充足，除了有生果之外，更有藍梅提子鬆餅供應，你想吃多少也可以，
可能跟今年溫度較高有關，往年比賽那天的氣溫徘徊在10度左右，所以我跑得十分愜意!完成賽事往取行李時，看到有贊助商名字的背景板供跑友影相，我也拍了張留念！
完成賽事後，更有獎牌一個作紀念。
"結果用了1小時35分才HEA完15K，跟往年1小時22分相比，足足慢了十多分鐘, 真的是王小二拜年，一年不如一年! "...咁...下年要操多啲喇！
回覆刪除有風會唔會增加助跑力呢？:D
年紀大咗，機能開始衰退，就算操多啲，都未必可以突破以往的時間。至於有風會唔會增加助跑力？我未試過，真係唔知！但如果有個IS揸住支AK47喺我後面，我肯定可以跑快好多！^^
刪除享受過程，繼續保持和跑步的約會，哈哈，不要和王小二拜年！
回覆刪除哈哈！開會要等埋發叔，咁拜年唔搵王小二，似乎唔專重王蛇喎！
刪除想問：通常跑前十名的人大概時間是多少？
回覆刪除又是否每年都是那一撮人贏呢？
如果係，其他人便是陪跑了！
還有，頭三名有沒有獎杯和獎金？
有44位跑手在1小時內完成，Stefano Passarello以00：51：33勇奪冠軍，亞軍係香港代表紀嘉文，時間00：51：37。頭三名有獎杯及獎金，金額應該不高，因為這只是蚊型賽事！你說得對，每次都是那一批跑手攞獎，我們這些參與者，只能夠挑戰自己舊紀錄，以及作為練跑的動力！
刪除跑河上鄉?
回覆刪除我隻腳好似有D進步, 希望可以跑街馬十公里啦.
是的，那朝早在河上鄉跑！渣馬都報唔到名，我相信街馬同樣難報，明年能否成功參賽都成疑問！
刪除飛獵兄、成續不重要、正如你話齋天氣影響吖嘛！但順利跑畢全程兼有個紀念章已經值得開心啦！
回覆刪除域兄，你說得對，我往後的賽事也以完成為目標，不會太勉強自己。
刪除你D賽事都好密喎，吾可以每次都超越自己的最佳時間架，有個紀念章，見下跑友，都開心架！最重要係報左比賽，平時要去練跑，保持身體健康。
回覆刪除翠兒姐，你說得對，參與賽事，主要同跑友聚聚，以及作為平日練跑的動力！
刪除咁有恆心積極參與, 巳經非常之有毅力, 希望你明年有機會參加到街馬！...至于你今次出賽嘅貼身戰衣造型＋奪目色彩...確實令我望咗好耐吓....＝＝
回覆刪除吓？唔駛望咁清喎！有著褲架！查實係二件頭，一條到膝頭壓力褲，再加一對小腿壓力套，共銀成六百大元！好處係可以減低肌肉酸痛。對上跑咗二次，有共同點，就係開始有啲厭戰，希望呢啲只係短期現象。我都覺得呢個 LOOK 唔打得都睇得！>< 下次賽事會喺呢個月尾29號，到時要轉一轉LOOK，睇吓效果如何？
刪除想轉look就易啦, 下次連上身都咁貼, 好似單車選手咁咪得囉, 夠哂突破！
刪除踩單車嗰套戰衣好貴架！有朝我搭西鐵返工，離遠見到個著到好有型戴埋頭盔細細粒嘅後生仔，想拎埋架單車上西鐵，我心諗佢真係唔臭米氣，呢個繁忙時間，肥啲都廹唔上車喇，重帶埋架單車？月台位姐姐同佢講 ：婆婆，呢個時間人多返工，無地方俾你放架單車，遲少少等啲人番晒工先再嚟搭過喇！吓？原來係位婆婆嚟！所以人靠衣裝 ，一啲都無錯！
刪除即刻令我都想買返套修身用！哈哈
刪除基哥裝備好專業。壓力褲我想買好耐，但都唔捨得，好似好唔低。
回覆刪除卜屎條路好唔好跑？
呆兄,我跑又唔夠人跑 ,唯有自我陶醉,執番好少少喇！話時話，著咗壓力褲之後，雙腿跑完都唔覺酸痛喎，同埋喺比賽期間，無咁容易攰，對你跑全馬一定有幫助！
刪除呢條係全平路，非常好跑！
祝你未來的賽事，反傳統王小二拜年，一年比一年好 ^^
回覆刪除點解王小二拜年，一年比一年差ge?
『王小二』相傳是一道名菜魚頭炖豆腐的始創人,當年一貧如洗,後在機緣巧合下遇上微服出巡的乾隆皇帝,因沒有其他食物,就弄了一頓魚頭炖豆腐招待乾隆,誰知乾隆皇帝一吃讚不絕口;後乾隆重遊舊地,問『王小二』近況,『王小二』便說出一句:『王小二拜年， 一年不如一年! 』 乾隆得知其情況,亦有感上次的一飯之恩,便重賞這位『王小二』,並出錢讓他專門經營魚頭炖豆腐;從此此菜名聲大振,傳遍大江南北,而『王小二』從此亦脫離貧窮。
刪除