什麼文件對你來說是重要的？有些人覺得是出生紙，結婚証書，旅遊証件；也有人認為是學歷文憑，專業証書，買賣合約。而稅
單，繳費通知書等等，應不屬重要文件。當然還有另類的，例如對哨牙聰來說，最重要的文件就是小甜甜給他的那一紙遺囑！
對我來說，最重要的文件，就是當年公僕面試後那封通知信，除此以外，可以說沒有文件是重要的！
我相信大部份的「重要文件」，是不會透過速遞公司聯絡當事人的，而要求當事人親臨辦理，或在律師樓簽署，故此，我不明白，有人接聽了一個電話，說有份重要文件待領，竟然會相信，並由領取文件開始，演變成被騙去錢財！
順帶一提，如果政府有重要文件給巿民，會透過掛號號信形式或者用專人派遞，甚少會用電話聯絡當事人。如果某一天，你真的接到一個電話，說你有一份重要文件待領的話，你不妨問問自己，究竟你會有什麼「重要的文件」？
江湖騙子，很少會無寶不落，所以在事前必做下很多功夫。
回覆刪除為何說成重要文件，就是窺準人類天生有好奇的性格，再加上旁敲側擊，並且一步步攻其心，那麼慢慢就會上釣！
你說得對!好奇或者警覺性低就會成為獵物!
刪除飛獵兄、冇辦法、皆因呢個世界上老襯太多吖嘛！呢嗱、香港總有些人指內地人民智未開透、所以才會鬧出種種令港人哭笑不得嘅事來。但以電話告訴當事人領取重要文件的、偏偏十居其九都是內地人、而中招的都是香港人。咁、竟竟是誰民智未開得透呢？當人以為自己比別聰明嘅時候、其實是蠢人一等才對。
回覆刪除哈哈!域兄說得對!等於有人大罵從內地來港的是蝗蟲,自稱本土派,原來他也來自內地,但竟有人相信他的說話!所以衣家啲政棍可以橫行,皆因本土有唔少以為自己比別聰明的人!
刪除最睇唔順眼, 果個梁蝗蟲, 自己係大陸出世既單非, 用150名額落香港, 而家竟然去鬧其他蝗蟲?
刪除如果無人篤爆,咁佢就可以過骨!套用喺內地文革時常用嘅一句說話,就係:抓著紅旗反紅旗!為咗個人利益,講講大話算得乜?
刪除身份證. 但, 最珍重既係我神經刀去考美術既cert同渡海泳既cert
回覆刪除身份証確實重要,而CERT我個人認為珍貴多過重要!
刪除我也收過這類電話和無端端中獎通知，無奈收線了事！
回覆刪除吓?有著數你都唔貪?哈哈!我同你一樣,心諗邊會有咁大隻蛤乸隨街跳?
刪除重要文件...重要在可以引起方好奇然後引對方入騙局，所以「重要」是從騙徒角度而言。=P
回覆刪除咁又係!不過,如果唔重要,又未必會引起好奇心!
刪除証件...在不同時候有其不同的重要性...
回覆刪除我細個時以為出生紙好重要，好驚唔見咗，但，原來可以申請取copy正本的，旅行時就好驚唔見咗旅遊証件，無得返香港！:P
好多人誤會出世紙係正本,查實係認正本Certified True Copy,註冊處KEEP嗰本冊薄先至係正本,你可以買N咁多張都得,不過要收費。你言之有理，証件的重要性，可以隨著環境而轉變！
刪除買身契
刪除買身契 = 出世紙； 賣身契 = 結婚証書。
刪除有一次，我收到對方自稱係xx銀行ge電話，問我想唔想知道自己戶口有幾多利息同本金，想知就比個a/c no 佢。佢真係發神經gar！
回覆刪除嘩！佢真係低B喎！俾著我就話無有十憶都有八億，雖然正確數字唔清楚，不過錢太多，知唔知實際銀碼都無乜所謂！
刪除我一收到呢D電話，就即刻會cut線+block number！
回覆刪除呢類電話令人厭惡，但如果有時間玩吓佢都幾過癮！
刪除