這個由飛達跑會舉辦的秋日賽事，由2013年開始至今，在不經不覺間，我已參加了四個年頭。2014年最有特色，因為是黃昏賽事，那次安排在沙田科學園，朝著往大埔的單車徑方向進行；往年則由10公里改為15公里，比賽地點轉為大尾督；今年又再次回師沙田運動場，沿著城門河折返。
剛過去的星期五，因為颱風襲港，8號風球掛了一整天。整日橫風橫雨，日間氣溫保持在28度。滿以為打風後，悶熱天氣會稍稍減退，週日的比賽應不致太辛苦，但天文台卻預測週日放晴。
天文台這次的預測十分準確，雖然時屆深秋，但氣溫卻沒有減退。起跑時陽光普照，氣溫28度，在比賽期間，溫度回升至30度。
運動場內綠草如茵
開始起跑
沿城門河傍的單車徑往大埔方向跑5公里，然後折返。
在距離終點前不到兩公里處，看到有跑友中暑倒在路傍，我看到他口吐白沬，希望沒事吧！
今年的跑衣，驟眼看像壽司師傅的制服。
這個小背囊很的式，可以摺疊，十分方便
還有一枝8G的USB手指
繼上星期後，再一次以接近7分鐘1公里的步速，開心跑畢全程。
Philip 兄，呢排你都跑得好密喎，到年底還有賽事嗎？
回覆刪除年底有三次,十一月初跑天水圍,十二月跑西貢及台灣,明年二月跑渣馬,暫時係咁多。
刪除小心
刪除謝謝忠告！
刪除Keep住做，保持呢個體魄，退休後繼續生龍活虎歎世界，羨煞旁人!
回覆刪除多謝師伯指點！我將參賽作為健康準則，因為我沒有每年驗身的習慣，我相信預防勝於治療，所以才有動力練跑 。
刪除年青人最近的賽事好頻密喎，又係開心跑畢全程，真係羨煞旁人！
回覆刪除天氣開始轉涼，又係跑步比賽嘅日子！
刪除真係長跑長有, 太開心.
回覆刪除如果不以破自己紀錄為目標，慢慢地跑，都唔錯嘅！但呢兩次真係好熱，明年我會選擇在十一月打後的賽事，因為比較舒服。
刪除秋日祭奔，個名很日式。
回覆刪除週日陽光普照，我感覺大會將跑友的汗水，作為祭祠秋日太陽神之用！由於個名好日式，我以為跑完有壽司食添！
刪除7分鐘?比我就一定斷氣。放晴點都好過落雨掛?
回覆刪除如果你有練開跑步,7分鐘一公里係好慢嘅速度。有得俾我揀嘅話，我會選擇雨天作賽。
刪除驟眼看像壽司師傅的制服---->呢句形容得幾貼切，大會整返D有「和風」的跑衣，都算有心思的。
回覆刪除個名秋日祭好有日本FEEL！不過，跑完之後又覺得個名幾貼切，大會好似將跑友用嚟祭祀太陽神，因為嗰日真係好熱！跑 完有壽司食就更加完美！
刪除今次件跑衣好靚，UNCLE應該有好多年跑衣 LOR WOR~
回覆刪除每跑次比賽都有跑衣,我平均每年跑6次,跑咗十年,有成60件跑衣,有啲俾咗人,有啲舊咗丟棄咗,剩番二十幾件喳.
刪除飛獵兄、你越跑越有、值得開心嘅。不過要留意身體變化。事關人到咁上下「年青」嘅時候、支架乘托功能可能會退化的。
回覆刪除多謝域兄提點,完成賽事暫時應無問題,但鬥心就無咗,所以做出嘅時間比以前差咗好多。
刪除時屆深秋，你比賽當日氣溫還回升至30度,都真係好熱喎!
回覆刪除難怪有跑友中暑....希望那跑友沒事吧！
我明年如果想跑，都選擇十二月打後舉行嘅賽事，因為會無咁辛苦。
刪除