天水圍十公里賽，今年是第七屆，我參加了五屆。前年及往年因遲了報名，結果被拒於門外。天水圍這條賽道，我可謂駕輕就熟，沒有大斜路，屬於好跑的賽道，但賽事在十一月初舉辦，天氣還不是太涼快，部份賽道暴露在陽光下，在比賽期間，溫度升至三十度，對我來說，跑得並不輕鬆。
跑衣
幸好我在上月已參加兩次賽事，總算少少適應了炎熱天氣，但還是未能跑畢全程，在頂著陽光的路段，行了約莫半公里，完成時間為1小時03分。
有6000跑友參加,起跑點人山人海
比賽路線圖
十公里的賽事已全部跑畢，餘下的三次是半馬賽事，開始要花多少少時間操練，以便適應較長的路段。先來的是「新創建勇跑地貌王」半馬，這個半馬應是三個賽事中最辛苦的一個，因為跑西貢，多斜路。之後是台北半馬，休息一個多月後，才到明年二月渣馬。今年的指標以完成賽事為目標，希望到時天氣不會太熱，可以跑得輕鬆一點。
「見到車尾燈當你嬴,咁唔影點得!」其實可以參與，我覺得都係贏咗，因為不是人人都有能力參與！我祝大家努力堅持！加油！
回覆刪除啲跑友真係好勁,以先進二組,即60歲以上嘅長者的成績來看,頭三名嘅時間係36分左右,殊不簡單!我就志在參與,當作一種運動.
刪除你真會參加之後那三個半馬？這可不簡單…希望能提升你的賽積呀。
回覆刪除而你對跑鞋亦很搶眼呢！
賽績就好難提升,我最快以1小時56分完成半馬,及51分完成十公里,依家肯定跑唔番咁嘅時間,所以退而求其次,以完成為目標.
刪除努力
回覆刪除小心
謝謝大夫鼓勵!
刪除你老哥威風凜凜，神氣十足，直頭冇得輸。[勁]！。
回覆刪除我覺得自己老態畢現,無厘神氣多啲喎!
刪除跑台北半馬...係咪跑完就回港架喇！
回覆刪除大會有冇安排啲參加者賽後遊覽吓台北風光呢？
我參加嗰個係跑步團,1天跑步,其餘3天觀光.
刪除我又扭到腳趾, 所以今日行山都痛, 加埋之前腳掌既舊患, 想跑快D都唔得.
回覆刪除距離12月10號出賽,還有4期星,我相信你到時應該好番晒架喇!
刪除跑西貢，多斜路---->係咪跑入海下？
回覆刪除我對西貢唔熟,半馬拉松路線:北潭涌→萬宜東壩折返→西貢西灣路約1K折返→北潭涌,咁係咪跑入海下,真係要請教你咯!
刪除咁唔入海下喇。不過海下景色不錯，閒時去郊遊下都無妨。^_^
刪除我睇過張比賽高度圖，賽道有8處位置，過達150米，上上落落，肯定攞命！到時都唔知有無興緻欣賞沿途景色！
刪除跑步始終唔同慢慢行，有一定速度，跑時專心是好的，欣賞沿途景色留番第時郊遊啦。
刪除是的！因為路面情況不同，跑道時濶時窄，地面又不平坦，加上人多擠廹，所以要格外小心。過往賽事，我見過有跑友不小心撞上石墩或失平衡跌在地上，結果弄致滿臉血。
刪除飛獵兄、能跑就是好。速度快慢由身體狀況而定是對的。
回覆刪除哈哈!唯有咁諗喇!
刪除你幾叻追到架車，仲影埋相添。
回覆刪除哈哈！一早落咗CALL，叫司機等埋我架喇！
刪除