捨身救人，說得輕鬆，但談何容易!
當你看見別人有危難，在正義感驅使下，不顧自己安危，即時伸出援手，在電光火石間作出決定，十分偉大。
另一情況，你有充足的時間考慮，是否甘願冒著生命危險，向一個素未謀面的人施以援手。充裕的時間，會影响霎時的衝動。你的憂慮相對增加，況且，你不冒這個險也沒有人會怪責你! 經過反覆衡量後，仍堅持去做的話，這種偉大屬最高層次。
日前報章刋載一位鄭小姐，就是處於時間充裕的情況下，仍甘願冒著生命危險，捐肝來救一個不認識的病人。她除了偉大無私之外，還要具備的，就是勇氣!
據報章報導，鄭小姐原本不用冒這個險，因為曾出現合適的屍肝，但死者的家人反對，故此未能即時動手術。人死了，如果器官可以用得著的話，等於生命的延續，為什麼反對呢? 看到另一個家庭，因為他們自私的決定而陷入愁雲慘霧，不知他們會有什麼感覺?
最令人不恥的，就是商界向鄭小姐捐出10萬元，這10萬元代表什麼? 慰勞? 鼓勵? 補償?表揚? 通通不是，我覺得這10萬元是將鄭小姐的無私，偉大及勇敢的精神銅臭化及矮化! 值得一贊的，是鄭小姐將這10萬元全悉數捐給香港肝臟移植協康會。
鄭小姐此舉，帶給香港這個充滿公利自私的社會一個正面的訊息，亦喚醒巿民對捐贈器官的睇法。身為港人，也引以為傲! 在此祝她早日康復，健康快樂!
如果法例可以硬性規定死後捐出器官，那時候不知會衍生出甚麼後果？
回覆刪除有一問題，捐肝後那剩餘的肝臟是否會再生？同時功能會減弱多少？
我本人就唔反對硬性規定死後捐出器官，醫務處有醫生特別就這個問題在傳媒前解答巿民，原來肝係可以再生，好似幾個月就可以生返割去的部份,無損功能，但捐肝者的身體就要一段時間才可恢復，有機會患上抑鬱症。
刪除當仁不讓
回覆刪除見義勇為
不為
無勇也
知錯能改
不改
無知也
以一身救萬民
壯舉
害一身救一身
.........
200個捐肝者有1個會死亡......故捐肝者非有莫大勇氣不可!
刪除好人好事，令人窩心，敬佩鄭小姐！
回覆刪除勇氣可嘉!
刪除我覺得她的父母一樣偉大, 每父母都唔會比仔女做呢D善事, 而仔女又好可能孝順唔逆佢地意, 當中, 係好多兩難.
回覆刪除你講得啱，身為父母，點會唔担? 所以佢哋一家人都好偉大。
刪除天佑有心人
回覆刪除說得對!
刪除唔知鄭小姐本身，她的家人也值得讚賞。捐肝後冇咗份工可以再搵，但係如果屋企人一句「你去捐唔好認係我個女」之類力阻，想捐都好為難。
回覆刪除一句講晒: 偉大及模範家庭。
刪除鄭小姐嘅活人捐肝真喺幾無私偉大，我淨係試過捐血咋！比著我真係好難下决定，如果捐比直糸親屬，
回覆刪除我會義無反顧立刻去捐，但，捐比一個毫不認識的人，真的需要無比的愛心與勇氣，一來要同屋企人交代，二來做手術嘅嘢係有一定的風險。佩服！佩服！
係呀，捐俾親人，易下決定，但捐俾一個唔相識的人，重要冒0.05%死亡率同埋手術後遺症，真係唔易下決定架!
刪除等待Ka Ka 獻心
刪除吓? 交心定獻心呀?
刪除鄭小姐擁有菩薩心腸、實在可敬！但在下卻覺得商家捐贈、大概是以自己方式去表達對鄭小姐嘅一份心意、而鄭小姐全數損作慈善用途、更加顯示出她的真誠、確實值得大家鼓掌的。
回覆刪除我相信商家捐款係出於一片真心，不過好心做壞事吧!
刪除而家女既手術失敗..., 盧寵茂既提議要多D人捐屍肝係岩.
回覆刪除手術難保百分百成功，依家有屍肝，可能係死者家人被鄭小姐呢次捐肝打動，改變睇法都未定!我都支持死後捐出器官，可以立法如果反對要填表格，咁無反應嘅就一律捐出。我估呢個法幾好，起碼唔需要煩有意捐贈器官者去登記，好似我呢一類人，唔反對死後捐捐器，但又唔會嘥時間去登記。
刪除今次事件，多少會引起大家既反思，或者因為呢個推動力，讓更多死者家屬接受器官捐贈呢個概念，從而給予更多病人新生既機會。
刪除自從這次事件後，確實多咗人捐贈器官。
刪除每個人都要對家人負責，捐肝俾一個完全唔識嘅人，令自己身體差咗或C咗点算！不過肯定願意捐肝者確係菩薩心腸，敬佩！……至於強制性C後捐器官，我驚到時冇人肯醫我等我快D死，多多唔夠比哂D高官土豪用喎！！！
回覆刪除你係咪諗多咗啲呢?
刪除