副總理李克强訪港時，警方被指過份使用武力同埋濫用職權。凸首喺一個公開埸合表示，本港警察嘅保安部署，做得非常之好，係一個典範。佢更勸喻市民，凡事應以平常心嚟睇，咁就唔會有咁多抱怨架喇！凸首對要求道歉一事，無作出回應。
當記者問菲律賓總統阿奎諾三世，會唔會就一年前香港遊客被殺一事，向受害人親屬道歉，佢以一個白痴兼低能嘅表情咁回答：犯案嘅係一位瘋狂警察，唔係菲律賓政府，假如佢為事件道歉，等同國家同埋全體菲律賓人民為事件負責，所以佢唔會就呢件事道歉。
政務司司長唐英年早前力撐警方就國務院副總理李克強訪港採取的保安措施，反責有關保安安排侵犯人權自由之說「完全是垃圾」。記協要求司長收回其「垃圾論」及作出道歉，不過司長並沒有作回應。
就警方在處理公眾集會及遊行期間，在無發出清楚警告就使用過份武力的指控，警務處處長曾偉雄卻未公開有關詳細資料，來回應公眾及傳媒的疑慮，並說出「為維護法紀要道歉，是天方夜譚」。
你哋知唔知點解呢班友仔死都唔肯道歉呀？因為開口道歉即係表示自己衰咗，好瘀嘅事喎！尤其係曾班子成員，呢單畸屎博到咁盡，咁嘅表現，分分鐘有分加都未定喎！點會咁戇居道歉吖！與其等佢哋道歉，大家不如聽吓Elton John代佢哋道歉重實際喇！
中國人最重面子，打腫都要充就是其一說法。而且一旦認衰…除了冇面更可能會連累他人，此是不可為而不是不可為也，況且更會引致問責而令自己利益受損、或花了個底的永無升級！
回覆刪除你講得啱，如果道歉，表示自己做錯！假如是在工作上犯錯，會俾老闆一個壞印象，升級肯定有影响，嚴重嘅話，會問責下台，所以好少官員會咁蠢主動認錯！但有啲情況，好似呢一次，就要預埋政治考慮，因為警隊在佔中一役，形象不討好，泛民會趁機將小事化大，所以立即道歉乃上上之策。
刪除對不起同我愛你，那句難講呢？
回覆刪除兩句都唔難講， 如果自己做錯，道歉無可厚非；假如對自己喜歡嘅人講聲我愛你，當然願意喇！但如果對住一個自己唔喜歡嘅人講 ，咁就真係好困難！
刪除