最近「名畫黨」又再殺入香港，據悉，名畫黨成員多為內地人，其中一人假扮成畫主，在街頭鋪放約數米長的風景畫，製造賣畫假象，附近有同黨埋伏，如見途人經過或在「名畫」前駐足觀看，即上前推撞，令途人失平衡腳踏「名畫」，畫主即時彈起，聲稱那是國寳級名畫，接著苛索數千至過萬嘅賠償。
近十幾二十年，已經有唔少「內地黨」來港搵食。計有80年代嘅「寳葯黨」，2000年嘅「假金黨」，「祈福黨」，「茄汁黨」，2004年嘅「喇叭黨」，「跌錢黨」，2007年嘅「借電話黨」至大前年嘅「屏風黨」等等。內地各路英雄好漢，視香港為福地，各門派代表，爭相到港搵食。
唔講唔知，甚麼叫茄汁，喇叭和屏風，有時候希望你能講解一下......謝謝先！
回覆刪除至於早兩三年前的中獎黨我就知，連外國好多人都中招，所以話點有咁大隻蛤乸隨街跳吖！
喇叭黨: 他們以每兩人為一組，分別在港九新界地方犯案。騙徒一人負責駕駛載有密封喇叭電器的客貨車四出找尋獵物，另一人則負責游說市民入局。他們會聲稱紙箱中的喇叭是家庭影院組合，可以平價出售,實則是不值錢的喇叭!
刪除屏風黨: 主要是內地騙徒，四處兜售，對途人訛稱這是家傳之寶的古董屏風，一套4幅價值港幣8,000元，更指僅有十多幅，要買趁手，惟有網民踢爆每套僅值800元。
茄汁黨:
先利用一名男子故意弄汚指目標人物,然後通知他的衫背染有醬汁，當目標人物放下手提袋進行清潔時，其他歹徒乘機盜走財物然後逃去。
UNCLE唔講，都唔知咁多黨！
刪除係喎！睇落都唔少黨喎！
刪除香港的災難！
回覆刪除相比烏黑蘭同伊拉克這些處於內戰的國家,這些行騙好濕碎!
刪除有D黨幾有創意, 不過, 用呢D創意行正途都搵到食啦.
回覆刪除正途搵唔到快錢嘛!
刪除重有最驚嘅迷暈黨！都唔知解對住你講兩句話就可令人有頭暈感覺！所以若果有陌生人叫你靚仔，千祈唔好應佢呀～
回覆刪除通常叫靚仔我唔識回應個喎,因為我以為叫其他人!不過如果叫阿叔或者阿伯,我就會瀨野架喇!><
刪除「名畫黨」未見過，天橋見過「中國象棋黨」，騙D阿叔或者阿伯...
回覆刪除所有呢啲呃錢黨都有共通處，就係捉住人嘅貪念或者沒有警 愓之心！
刪除總之就貪變貧.
回覆刪除仲有狐群狗黨同黨棍。
說得對,如果沒有貪念,任憑乜黨都埋唔到你身!
刪除月前還來了一個拍賣黨、凡託賣的都要先交入場費、無論貨品賣唔賣得出都先掠一筆。他們在酒店搞公開拍賣、。史以五百蚊一工請得一大班人來做「妹」呃街坊。咱家祖國真係多黨到唔恨喇！
回覆刪除要交入場費都有人？即是未見官先打三十大板，俾著我就諗都唔諗喇！
刪除我 10 幾年前响中港城碼頭曾遇到 "跌錢黨" ，上石級時見前面嗰男人响褲袋跌咗 "舊" 錢落地，後面有另一男人跟著，應該是同黨，我醒目唔會上當，直行直過，唔理佢！
回覆刪除無論乜黨物黨，如果你沒有貪念，佢哋奈你唔何！
刪除