「福到」還是「福倒」

細個時每逢過年，我老豆都會叫我幫手，將舊嘅揮春撕去，再張貼新嘅揮春同對聯。意思係去舊迎新，祈求新嘅一年，有新嘅開始。

貼揮春係有局限，唔係立亂咁嚟。大門側邊黐對聯，近住門口地腳貼「門口土地」，屋外牆上貼「天官賜福」,厨房就「定福灶軍」，米缸表面黐「常滿」，而「福」字係百搭，四圍都可以貼。

我唔記得由幾時開始，有人將個「福」字倒轉嚟黐，跟住家家戶戶都跟風，有樣學樣。但我覺得「福到」


同「福倒」




應該係兩回事，「到」應該解作到達，但「倒」就係將啲物件倒掉！即係話如果倒轉嚟貼，應該係將啲「福」倒晒出街呢？所以你諗一諗舊年係咪好黑仔？有無試過行路打倒遯，踎低見頭暈！假如真係有咁徵兆，你不妨喺明年，試下唔好再將個福字倒轉嚟黐，睇吓啲運程係咪會好減啲！