每逢春秋二祭，孝子賢孫都會往紙扎舖買祭品，例如金銀衣紙等，好讓他們的先人，在陰間也過得有體面一點。
記得三十多年前，祭品不外乎衣紙冥鏹，
手錶
大屋豪宅，
酒樓點心，
收音機，
甚至麻雀枱
豪氣一點，還有跑車
及i-phone。
曾經有個關於i-phone的笑話，話說有孝子往紙扎舖買祭品，店員推介i-phone燒給先人，令先人可以跟死友電聯，十分方便。孝子說新科技，先人未必懂得使用。店員說沒有問題，除i-phone外，還有整套組合包括電池，電線及說明書等等，一併燒下去，先人很易學懂如何使用。孝子仍有疑慮，問如果壞了，找誰修理？店員笑著回答，不用担心，可找喬布斯，他已經去了陰間報到。孝子的疑慮一掃而空，最後買了紙i-phone，順帶取了店員的咭片。臨離開時孝子向店員說，你解釋得十分清楚，我會連你的咭片也一併燒下去，先人如果有不明白的地方，可以直接找你，相信你不會反對吧！
除了i-phone外，曾經有名牌手袋出現，但由於侵權關係，店東被檢控，自此以後，名牌手袋被廹消失。
如果担心先人因為沒名牌手袋用，而感到悶悶不樂的話，不用擔心，我建議大可燒一個真的落去！
潮流興劏房，今年紙扎舖多了另類產品，就是將豪宅劏開，有1劏8及1劏16，任君選擇。據云大單位放租較難，而劏房十分搶手，收益回報率更大。想不到陽間的煩惱，竟伸延到陰間!
更想不到這類紙扎劏房竟然有巿場，究竟那些孝子賢孫往拜山掃墓，目的是紀念先人，還是緊貼潮流?
睇嚟、呢個果然係噱頭世界。之但係、既然賣嘅貨品有市場、買去燒嘅嘅孝子賢孫又開心、呢啲錢係抵人家賺嘅！
回覆刪除紙扎劏房
刪除生意人腦筯轉得要快先至揾到食，否則就會俾同行飲頭啖湯。
刪除大夫，現實一啲劏房係臨時搭建出嚟，未必穏陣，比紙扎劏房好些少吧!
刪除如果畀我話,我就提議燒啲委任書俾先人,比如特首,財政司,律政司等等職位,再唔係燒個立法會議員都好呀!
回覆刪除人工高,薪高糧準,喺下面就唔使愁。
如心兄，你真有生意頭腦，咁都俾你諗到!
刪除今年清明節唔係雨紛紛
回覆刪除諗落天氣真係變咗，我細個時，清明節通常都係雨紛紛。我記得有一年提前周日拜山，喺荃灣華人永遠墳場拜祭母親期間，突然落起傾盆大雨，最記得嗰日下午有跑馬賽事，名騎師雷成在風雨中墮馬，從此結束策騎生涯。
刪除我不會燒任何東西，除了環保，我更相信人死如燈滅。
回覆刪除我都唔係幾相信，先人可以享用燒咗落去嘅金銀衣紙，但習慣咗，當係表達心意的一種方式吧!
刪除其實貪新鮮係人性黎，買得紙紮既，肯定係信其有，總會有人想買D新野孝敬下祖先既。
回覆刪除不過買劏房刻薄啲喎，如果我信的話，就燒幾棟豪宅落去，再加多啲金銀衣紙，使乜落到去仲要靠收租過活咁奔波!
刪除雖然我沒有宗教信仰，但我覺得一束鮮花既環保，
回覆刪除也能表達出紀念先人的心意。
我有同感，而拜祭燃燒香燭時所釋出的煙火，對肺部會有一定影响。
刪除