今日(06/10/2013) 為飛達秋季長跑舉行的日子,沙田運動場為賽事起點,跑往馬鞍山,然後折返.全程10公里. 平時一齊參加的朋友,沒有一個報名,結果我是頭一次"孤身走我路"!
這賽道我並不陌生,曾經跑過數次,不過單刀赴會卻是第一次!雖說早上有點秋涼感覺,但對我來說天氣仍然是熱,預期不會有好的成績!
這是我的號碼布:
今年跑衣
我在6時出發,搭西鐵到紅磡,然後轉乘東鐵.到咗沙田站落車,沿新城巿廣場,
經泳池步行過去,
到步之後已接近7時30分.在跑道起點映咗幾張照片作紀念.
成績公布咗,真係非常之差,1:00:35 在我的組別,188人跑第117!
都好叻啦, 咁熱.
回覆刪除不過有啲年紀重大過我嘅跑手,佢哋好似唔怕熱,跑得好起勁,我真係佩服佢哋!
刪除雖然成績未如理想，咪當備戰下個馬拉松囉，加油呀！
回覆刪除我在下月三號同十號都有賽事,都係10K,到咗二十三號,會到廣州跑半馬,依家咁嘅進度,未必會跑到好時間,但以港人身份參賽,我唔衰得俾當地人,會盡力而為! 多謝鼓勵!
刪除好叻 ! 仲有71人在後面呀 !
回覆刪除實際上唔止71人喺我之後架,呢個係我嘅組別排名,重有其他組別呢!
刪除盡左力就冇所謂喇。
回覆刪除我都係咁諗嚟安慰自己! ^^
刪除都巳經算有心有力架啦! 我呢度呢兩日都凍D啦, 早起又辛苦D:p
回覆刪除跑步來說,我情願涷好過熱! 不過你講得啱,冬天半夜起身係一件苦事!
刪除我都報咗11月3日啦！到時都唔知跑成點，若果在一小時內完成，是不是一個好時間？
回覆刪除咦?到時咪可以見到你?一小時內完成我覺得OK咁架喇!如果比賽當日天朗氣清,陽光普照,溫度有成30度攝氐的話,一小時內完成係好難得!
刪除我諗當日氣温約25-28度，跑嘅時候風和日麗，應可50分鐘左近完成，下次報名渣打半馬到時通佑我喇！
刪除下星期二, 22-10-2013, 係渣打半馬嘅報名首日,要早啲報呀,好快會額滿! 昨天係全馬報名首日,今日已經宣布額滿!
刪除gigasport 10K畀咗個綿號我：3242，好邪，生又易死又易
刪除哈哈!千祈唔好迷信,我過往啲號碼布好多時都有4字!我要返公司睇吓我乜編號,到時話你知!
回覆刪除我報咗半馬，不過係龜速組，我想問吓，西隧是否好惡跑，另外嗰啲加水站，有乜野是供架。
刪除西隧實際唔係好斜,但當你跑咗13公里之後,少少斜路都會覺得辛苦.渣馬水站嘅數目係非常充足,有清水同電解飲品供應!我都唔係跑得快,志在參與同埋考驗一下自己的耐力!
刪除謝謝你！我攞咗１０公里跑手包，你個編號幾多，我１１月３日會唔會撞到你啊？
刪除我的號碼是: 3017 你可以用電話找我: 91287442 ! 因為8點開跑,我會在7:30分後擺好行李以及關上電話. 到時約喺邊度等咪可以見到你囉!
回覆刪除還有,如果當日穿著記念T恤參賽,可獲捲摺式水樽一個!
回覆刪除今年有冇報馬拉松？
刪除報咗半馬!
刪除