老細,想買啲乜野呢?
哦!我想執幾套金銀衣紙拜祭先人!
有分男同女嘅喎!
咁要兩套女,一套男喇!
要唔要執多間大屋呀?等佢哋喺下面住得舒適啲!
貴唔貴?要幾多錢?
唔貴!劏房價錢,豪宅間隔!二十皮啫!
咁幫我各執一間喇!
有無考慮燒個埃瘋俾先人呀!下面都用晒窩錫,如果唔用新嘅智能電話,會無晒啲friend,好鬼悶架!
咁又要幾多錢呀?
哦,好平啫,十零蚊連埋耳塞,藍芽加埋义電器,抵到爛!
如果壞咗點算?
無有怕,喬佈斯已經落咗去!有乜事咪搵佢囉!
講得有道理!
我哋做生意好老實,唔會呃人嘅!
..........老細,麻煩你俾張咭片過我?
吓?要嚟有乜用?你每年春秋二祭先至會嚟幫襯嘅啫!張咭片要嚟都無用!
唔係我用嘅!我將你張咭片燒埋落去,萬一你啲產品有問題，先人可以根據咭片上嘅地址同電話,直接搵你了解嘛！
………….
哈哈 ! 嚇死個老板 ! 你...估...佢敢唔敢比名咭呀 ?
回覆刪除如果我係老闆咪話唔好意思,剛剛派晒!
刪除哈哈哈！燒埋張咭片畀先人，咁都得！
回覆刪除唔燒落去,先人接收唔到,到時有乜投訴都唔知點搵個老闆!
刪除我成日都奇怪, 紙紮舖中秋好多紙紮楊桃啦, 白兔啦, 飛機啦,... 燒左之後, 會唔會先人又收到呢.
回覆刪除先人收唔收到祭品就唔清楚,但紙紮舖老細袋咗錢落袋就非常明顯!
刪除咁會當堂嚇儍個老闆架。
回覆刪除哈哈!紙紮舖老闆做呢啲本少利大嘅生意,雖然佢大力推介,叫啲孝子賢孫燒啲衣紙俾先人,但心中都未必相信!故此就算燒張咭片落去,我相信佢無所謂!
刪除哈哈！個老闆講到下面好似真嘅一樣！
回覆刪除我唔相信呢樣野,但如果一朝一日我開咗間紙紮舖,我都會講到似層層!
刪除呢篇原來係笑話，真係好＂搞鬼＂！
回覆刪除哈哈!生活太悶,睇吓笑話調劑吓都幾好!
刪除