日前閱報，關於一名露宿者，從天橋飛墮地上死亡。警方事後曾到現場調查，發現一張帆布床，一卷紙巾，水樽，蚊香及數張椅子等物件。
對於該位露宿漢是否自殺或他殺，我倒沒有多大興趣。反而，我對他攜有數張椅子更有興趣。
假如有朝一日我淪落到露宿街頭，我不會讓朋友知道，更不希望他們來訪，畢竟露宿街頭不是一件光彩的事！我只會隨身攜帶一些輕便的基本用品，如帆布床，被褥等等！當然,我不會期待有雪中送炭的朋友來訪.
所謂窮在路邊無人問，富在深山有遠親！在香港這現實的地方，當你落難時，還會有朋友到訪嗎？
但那位朋友竟還隨身帶著幾張椅子，難道他真的還有朋友到訪？那些椅子是用來招呼朋友的? 那麼，我真的戥他高興了，在艱苦的歲月,仍然有沒捨他而去的朋友！
Philip 同學仔：唉！睇完你呢篇文章，KaKa 意會到你平日一定沒跟CY 落區體察民間疾苦！那些椅子不是用來招呼朋友的，椅子可作自衛保命，也可擊退賊人，可作飯桌、書桌、甚至加條繩在兩椅子中間用來曬衫.......
回覆刪除住開獨立屋D人，又点會明Y！XDD
刪除不過嗰句諺語，真係至理明言！
刪除N年前我响一舊屋替人清理一下信箱D立雜信件，舊業主係個巳故多年亞婆，信箱竟然重有‘親戚’寄咭比佢，‘哂’吓自己去旅行D happy近況佢知。…我心稔:唔係哇？乜亞婆C咗你冇送佢咩？
KAKA:真係要向你學習,咁有政治觸覺!
刪除吓?露宿都重要帶埋張枱做飯桌,咁真係要諗諗點番之蠟燭,實行蠋光晚餐浪漫一下先得囉!
CKK講緊佢係英國嘅獨立屋啫!我响大陸碧桂園獨立得嚟無配套,有鬼用咩?
刪除你有無睇搞清楚嗰個究竟係咪已經同阿婆喺同一地方!
講真 KAKA 真係無乜政治觸覺架! 不過會留意吓周圍所有的事物與人！
刪除露宿者可能也要浪漫架...曾睇過TVB "時事特輯"，追訪露宿者，
原來露宿者不但年輕化，而且不少是智識型，由於屋租貴，
他們寧可露宿，但一定要買 I Phone 5 傍身，可以上網看電視、上facebook、打game ....精神食糧不可缺呀！
CKK：我嘅理解喺...有D人明知道親友已經C咗，但心中難以忘記，"’ 寄咭比"C咗嘅亞婆"，喺話比天國嘅亞婆聽，佢生活得好快樂！不用擔心佢！
刪除贊同KaKa的說法！
刪除KaKa,Stella, 咪講笑～我就話佢根本幾年都冇正式問候過獨居亞婆，只係一式幾份copy派遠親show off佢自已D快樂家庭近況，連亞婆瓜咗幾年都唔知就真！俗語有謂:有嘢留返拜山先講是也！
刪除KAKA : 或者依家啲人對露宿嘅睇法已經改觀!從經濟學角度嚟睇,會贃咗好多,如果以每月租7K嚟計,一年慳番成10皮野,你話去邊度搵喇!
刪除KAKA說法有可能,但我覺得機會唔大,反而CKK講法較為可取,有啲人習慣做慣性動作,好似我喺依家個POST都做咗成4年,但有好多宣傳信件,仍舊寄俾上手退咗休嘅阿姐,呢樣我都理解,因為啲公司唔知佢退咗休, 但間中有朋友打電話嚟搵佢,我就覺得奇怪,佢退休咁耐都唔話你知,你重當佢係朋友?
刪除可能他的朋友也是露宿者呢 !
回覆刪除咁都好有人情味啫,起碼有張櫈招呼吓啲老友!
刪除Philip, 唔怪之你屋企D梳化咁大啦！不過我都冇機會做座上客！
刪除竹徑茅廬,實在難以接待貴客!
刪除啊 ! Uncle, 你衰 ! 你關後門呀 !
刪除可能菲力兄嘅廳廳房房掛滿哂‘藝術照’啩，邊招呼得我呢D生保人啫！
刪除Meimei你有所不知,潔潔住西貢獨立屋..............點招呼呢?
刪除咦，原來你咁有米架住獨立屋嘅。哈哈..........
回覆刪除哈哈!CKK講啲說話跟高官差不多.......你自己諗諗喇!^^
刪除會唔會排好D椅當床訓, 咁就唔吸地氣啦.
回覆刪除吓?露宿都咁講究?
刪除係噃, 通常我們只會見D 露宿者各自各地, 即使聚在附近, 也不見他們一起聊天. 不喜愛結交朋友.
回覆刪除露宿背後多數有唔光彩故事,行到呢一步,朋友都無晒架喇,所以佢哋心理上會有問題,多數沉默寡言!
刪除我以前有個同事，久不久便有位陌生人找他，原來這一位是移居外國的人，托他給錢，住在天橋底的親人，不過這一位同事兩年前已走了，相信現在這位住天橋底的人要和外國親戚要斷絶音訉。
回覆刪除我都識得有個朋友,全家移民外國,但佢唔慣,自己回流返番嚟香港!你同事個朋友,可能有刑事案底,移民唔到,或者唔適應,但回港後又無經濟能力,流落街頭,咪要海外親戚照顧囉!
刪除睇過報導, 話有D露宿者其實係有工作, 佢地露宿, 係為方便返工. 佢地可能係公屋分配到冇雷公咁遠, 收入低, 與其搵埋唔夠搭車, 訓街好過. 呢D情況真係可以話幾荒謬.
回覆刪除我都聽過呢啲個案,但我情願辛苦每日廹車,都接受唔到流落街頭!
刪除在下對閣下這編文章的觀點十分認同。不過所謂適者生存吖嘛、無論住大屋抑或瞓天橋底都是生活方式。以在下所知、有很多人寧願瞓橋底都不願接受政府安排、正所謂鹹魚白菜各有所愛啫！當然有頭髮嘅話、當然冇人想生瘌痢的。
回覆刪除你講得啱!有好多人自覺有風骨,唔會為嗟來之食而彎腰!情願瞓街都唔接受援助!
刪除那位朋友竟還隨身帶著幾張椅子...可能要來做床都唔定o架!
回覆刪除24小時麥當奴都好多人瞓通頂架！
刪除咁用椅子做床會無咁舒服喎!
刪除MEIMEI,香港麥記已經被自由行同巴巴斯坦旅客佔領咗,本地人唯一出路只有佔領中環!所以啲學者開口埋口都剩係講佔中,因為大家都知麥記已經淪陷咗!
刪除