電話

颱風溫黛

依家啲人一聽到打風就開心，因為可以有一日額外假期，做學生嘅唔駛番學，大部份打工仔都唔駛番工。你想話趁機去嘆吓早茶咩？唔好想創你個心喇！去到茶樓，你就知乜嘢叫做人山人海，慢慢等吓位喇，老友！如果天文台預測個台風要到黃昏先至會落波，咁就正晒，即刻約埋班豬朋狗友打番幾圈 。所以依家一到夏天，如果天文台預測有台風喺香港附近形成嘅話，好多人會求神拜佛 ，希望佢吹埋嚟，因為有可能唔駛番工。

但喺我細個嘅時候對打風有另一種睇法，嗰個年代嘅社會重係好貧窮。喺香港，九龍及新界，好多人嘅居住環境好差，大部份人都係住喺木屋區，一到打風，大家都好担心 ，唔係去約腳打麻雀，唔係去排隊飲茶，而係去做好防風措施，包括去附近嘅舖仔買定啲罐頭以便打緊風嘅時候可以有餸煮飯，我老豆最鐘意買梅林牌嘅梅菜豬肉，紅燒肉，午餐肉，而豆豉鯪魚同埋炸菜肉絲都好好味架 ！

買完罐頭之後，趁住啲風未吹到之前，四圍睇吓間屋，由於我住嘅係木屋，屋頂係用臘青紙舖嘅，我老豆叫我哋幾兄弟執啲大舊啲嘅石頭，沿住屋簷邊擺放，壓住啲臘青紙，等啲風唔會咁輕易將個屋頂掀起吹走。

我記得細個嗰陣時啲風係好強勁嘅，甚至大到好得人驚 ，連啲大洋船都可以吹上岸，依家啲風同以前啲比較，簡直係《蚊脾》同《牛脾》。其中最強勁嘅就係喺52年前嘅今日,即1962年8月27日吹襲香港嘅颱風溫黛。

喺1962年8月27日那天,有一股熱帶低氣壓，喺香港東南面，菲律賓以東嘅太平洋形成，嗰陣時距離香港有成千幾浬，距離咁遠，驚都未驚過，點會有人諗過佢會直吹香港?

點知過咗3日左右 ，中心風力已經增強至80浬，距離香港東南偏東約400浬，天文台懸掛1號戒備信號，由於溫黛來勢洶洶，第五日即8月31日，天文台經已改掛3號強風信號。天文台更預測溫黛會繼續增強，可能係有史以來吹襲香港最強嘅颱風，同埋依照佢嘅移動途徑，會直吹香港。嗰陣時啲人開始識得驚 ，大部份嘅漁民亦已經將船泊番晒喺避風塘。

我嗰個時候雖然好細個，得幾歲大，但已經感覺到呢個風好可怕。我老豆除咗揾磗頭外，重加多幾塊木板擺喺屋頂上面，再加啲石頭喺上面，以防屋頂被巨風吹走。喺9月1日零晨，啲風愈嚟愈勁，成間屋吹到左搖右擺，有幾舊磚頭同埋木板更加被強風吹走，我哋成家人都驚到唔敢瞓覺 ，加上成間屋都漏水，連床都濕埋，根本就冇地方瞓！嗰陣時收音機就係我哋唯一可以知道風暴消息嘅工具。我哋幾兄弟姐妹驚到一味喺度震，我感覺到生命好脆弱，我哋除咗聽天由命之外，根本就冇乜嘢可以做到。

到咗深夜

3，4點，天文台已經改掛8號强烈烈風訊號，溫黛直趨香港，根據電台報導，颱風喺港九新界造成嚴重破壞，尤其係喺沙田區，情況非常惡劣 。

我重記得啲風係一陣一陣咁吹嚟，天文台所講嘅陣風就係呢啲喇。通常陣風嘅風速係好勁同埋具有極大破壞力。我望見部份屋頂己經掀起，我哋雖然喺屋裡面，但喺嗰個時候完全無安全感，我驚到成個人震晒！我哋踎晒喺塊長木板度，用幾張櫈乘高，因為地下己經浸滿晒水。我嗰陣時知道乜嘢叫做渡日如年，時間過得好慢。

我感覺啲風速有增冇減，果然喺5點左右，天文台宣佈轉掛9號風球，表示香港正遭受烈風至暴風吹襲。當其時，屋企嘅窗門玻璃應聲破裂，狂風夾雜住雨水，同埋好多樹枝加上吹爛咗嘅樹葉，橫掃屋內每一處地方。到咗早上6點鐘，天文台宣佈溫黛中心位於天文台東南約50浬，進一步接近香港。天文台喺嗰個時候改掛10號颶風訊號，中心風力238公里。

  溫黛的移動途徑圖

喺呢度可以俾啲資訊大家參考。溫黛中心風力最高時速238公里，喺我有生以來，風力排名第二；而1979年嘅荷貝，中心風力接近240公里，居首位。之後訪港颱風嘅風力，只係徘徊喺120 至180公里左右，加上大部份嘅木屋已經拆晒，由石矢森林取代，故此打風對香港造成嘅破壞力相對細咗。

講番喺嗰個時候，成間屋被颶風吹至搖搖欲墜，啲風好似想將間屋連根拔起先至安樂，我感覺到如果啲風繼續係咁吹，遲早間屋會被吹冧

。嗰陣時已經開始天光，成間屋佈滿樹葉，部份屋頂掀起咗，我見到啲雲移動得好快。強風至疾風程度嘅風速不斷蹂躝全港，直至朝早11時，突然短暫風平浪靜，原來風眼喺嗰個時候經過香港。但香港好多地方已經滿目蒼然！



   在彌敦道上，汽車也吹至反肚

     近海的木屋大部份被吹毀

之後啲風力雖然强勁，但比較之前已經冇咁得人驚。溫黛移入內陸並開始減弱。到晏晝2點左右，天文台改掛6號烈風或暴風信號。我哋到嗰個時候先至舒一口氣，間屋雖然嚴重受損，可幸冇被吹冧，有驚無險 。天文台喺晚上7點鐘改為3號強風信號，到零晨所有風球除下。

喺嗰次風災，本港共錄得259.8毫米雨量。有130人喺風暴中死亡 ，當中127人係喺沙田同埋大埔區受吐露路港風暴潮襲擊時身亡；另外53人失踪，

超過72000人無家可歸。700多艘小艇受損，500多艘沉沒；24艘遠洋船擱淺，12艘出現碰撞。

  沙田為重災區。


飛機也吹到重疊在一起


新界農作物損失嚴重，沙田及大埔約869頃農田被海水淹浸，沙田約有3000家木屋損毀。同其他人比較，我屋企嘅損失叫做不幸中之大幸 ! 

小狗未雪

撇開「狗口長不出象牙」「狗屁不通」「狗咬呂洞賓,不識好人心」「狗眼看人低」等等對狗狗的負面形容詞之外,狗狗可算是人類的好朋友.故此我對日前被東鐵列車輾斃的狗狗「未雪」,感到莫大的哀痛!

 

本人強烈遣責鐵路當局行政失當,導致「未雪」喪失寳貴的生命! 港鐵車務總監金澤培的半蹲式道歉,完全缺乏誠意,不能接受!

當收到「未雪」墮軌的消息時,當局應該將全條鐵路暫時封閉,然後知會消防,愛護動物協會,民安隊,警方尋人組,國際刑警及其他志願團體,沿鐵路作地氈式搜索,一日未能成功將「未雪」營救出險境,一日都不可以通車!

 

而列車司機必須受到法律制裁,我期望警方能介入調查,考慮作出刑事檢控,最低限度以誤殺罪名立案,以息民憤!

 

我對於在場落淚的示威巿民,寄予無限同情,希望他們能夠節哀順變!所謂爹親娘親不若狗狗親,期望他們可以早日從哀痛的谷底恢復過來!

 

我建議鐵路當局作出以下的檢討:在鐵路沿線,豎立警告牌,提醒狗狗不要進入鐵路範圍內,以免發生危險!而「未雪」被輾斃的一日,列為狗殤日,是日放假一天,以作紀念!在上水九鐵站內,豎立「未雪」小狗英雄紀念碑,以便日後巿民能夠到該站悼念及憑弔!

標語

內地的宣傳標語，可以用語不驚人死不休來形容！但部份標語的內容，已去到一個浮誇的地步，除欠缺阻嚇作用，更可以看出作者的文化水平。

例如「違法乘坐好見閻王」，這樣的交通安全宣傳標語，你認為有阻嚇作用嗎？當然不能跟以下的標語來得震憾：「一人超生，全村結紮！」

這種連累街坊的後果,你負責得起嗎? 至於「寧可血流成河，不准超生一個！」有可能因為你超生而被屠村,問你怕未?

「持械搶劫，當場擊斃」假如我是搶匪，我也不會投降，大不了搏一鋪，反正投降也是死路一條！這類標語，只會震攝巿民，對悍匪卻起不了絲毫阻嚇作用！

最可笑的，是購物還價也不可以，看看「還價即『殺』」，問你再敢不敢還價？

中國人最怕詛咒，以下的一則，我相信較有阻嚇作用：「愛護公共衛生長命百歲，隨地亂拋垃圾死兒絕女」!

除此類警告性標語之外,民間還充斥著各類型不同的標語,林林總總,令人大開眼界!

當年老師向我說:讀書之道無他,求其放心而矣!讀書的主要目的是明白事理,追求失去嘅本心!但遠不及以下的標語來得實際 書中自有黃金屋,學會讀書好致富

毀樹一行先死他娘 養不教父之過,應該死的是他爹爹！作者可能係男人，結果將責任推俾太太！諗落一啲都唔出奇,唐唐同思歪有起事上嚟,都推晒俾太太喇!

錢可十年不掙，書非一日不讀 有無咁好學呀？應該改成書可十年不讀,官非一日不做才對!

嚴禁黨員干部參與集體上訪 吓?黨員幹部都無面俾,攪到要上訪? 內地官場,有無執到咁正呀?

一枝槍，二斤葯，判兩年，沒啥說 假如一枝槍，一斤葯，不知怎樣量刑呢？

有奶不一定是娘，但有錢一定是爺 諗落真係有道理！








 

天天防盜，夜夜防賊 治安敗壞到這個地步,睇怕這個地方官遲早烏紗不保,

治安承包，一包就靈！原來治安跟工程一樣，是可以承包的!
但如果唔靈又點先?








 

非法上訪，一次訓戒，二次拘留，三次勞改！那麼我想問,有沒有合法的上訪呢？

Please offer your seat to those in need 和尚跟小朋友,孕婦及老年人睇齊?難道在內地公交車內,見到肥屍大隻的僧侣也需讓座?








  

免費厠所 中國人一睇就明白，但鬼子佬睇完For Nothing WC之後,明唔明就天曉得喇!

沒水時，請將屎，拉進洞裡！謝謝合作，方便彼此！那麼有水時，就不須將屎拉進洞裡嗎？

嘻嘻!以下的一句,是我這篇帖子的標語! For Nothing Visit免費參觀!

多黨制

最近「名畫黨」又再殺入香港，據悉，名畫黨成員多為內地人，其中一人假扮成畫主，在街頭鋪放約數米長的風景畫，製造賣畫假象，附近有同黨埋伏，如見途人經過或在「名畫」前駐足觀看，即上前推撞，令途人失平衡腳踏「名畫」，畫主即時彈起，聲稱那是國寳級名畫，接著苛索數千至過萬嘅賠償。

近十幾二十年，已經有唔少「內地黨」來港搵食。計有80年代嘅「寳葯黨」，2000年嘅「假金黨」，「祈福黨」，「茄汁黨」，2004年嘅「喇叭黨」，「跌錢黨」，2007年嘅「借電話黨」至大前年嘅「屏風黨」等等。內地各路英雄好漢，視香港為福地，各門派代表，爭相到港搵食。

長毛等人,周不時批評及呼籲中國結朿一黨專政，期望多黨制可以喺內地開花結果。祖國終於順應佢哋嘅要求，結朿一黨專政,不過多出嘅黨,係外銷咗嚟香港啫！

Organization Chart

When top level guys look down, they see only shit;
When bottom level guys look up, they see only assholes...

啲頂頭老細亂鬼咁痾，痾到四圍都係，佢哋完全唔覺得有問題，皆因佢哋高高在上。周邊嘅擦鞋仔重會奉承佢哋，猛讚話佢哋痾得啱，痾得有形，最唔啱就係喺下邊嗰班友仔，俾人痾完之後，唔立即抹番乾淨，千錯萬錯，都係啲下邊嗰班人嘅錯！

呢個圖表好啱我做嘢嘅機構用，唔知你哋公司啱唔啱用呢？

鬼節