騎呢衙差

有啲衙差好騎呢，真係講都無人相信，我上星期接到一個電話，對話內容如下：

「請問呢度係咪執笪屎辦事處？」

「無錯！請問有乜野可以幫到你？」

「我想搵陳彼得先生！」

「陳彼得？你打幾多號電話呀？」

「94139413！」

「電話就啱，不過無呢個同事喎！」

「無理由架，我禽日返屋企，家人話有衙差搵過我，重留低封信添！我依家照住封信上面個電話打俾你喎！」

「咁麻煩你俾個檔案編號我呀!」

我跟住攞咗個快佬出嚟,再摷吓啲文件,見到有封信，再睇真個簽名,真係陳彼得喎!但個同事明明係叫陳大文,真係乜野葫蘆賣乜野葯呢?我都好想知道!

解答完個查詢電話後,個同事剛巧工作完返番寫字樓。我俾個快佬佢,跟住問佢點解用陳彼得個名出信俾巿民?

佢回答我話 ：

「我係陳彼得喎!點解唔簽得? 」

「你幾時改咗名?如果改咗名要通知人事科喎！」

「我無改名，乜你唔記得我英文叫Peter咩? 咁中文咪譯做彼得囉!寫字樓個個都知架喇!」

聽完呢佢啲解釋之後,我差啲坐咗落地下!