人無先見之明，起碼要有自知之明！有啲議員,靠擦靠托上位，自己有幾多斤両,應該心知肚明！但有時為咗出位,噏得就噏，結果貽笑大方！呢類人有個弱點，以為進入咗權力中心之後，就會由一條蟲變成一條龍。
好似靠食住工友福利上位嘅港區仁大代表同行行企企會議成員鄭要糖，佢不甘寂寞，日前出席傷台節目時主動提出，由於有部份巿民不斷舉行反自由行示威遊行,有內地官員向佢查詢能否對香城發出“女油警示”？幸好佢力勸對方唔好咁做，因為會“累死香港”。
佢跟住重話一旦內地實施女油警示，會令零售業丶女油業受影響。佢強調查詢嘅唔係高級官員，但不排除京官或有關單位有呢種諗法。
照佢咁講，女油業同零售業嘅工友，真係多得佢唔少！如果唔係得到佢力挽狂瀾，香城經濟有可能從此踏入衰退期，香城人民往後的日子會苦不堪言！照睇下屆投票,女油同零售業選民,真係唔好忘記佢嘅大恩大德,務請投佢神聖嘅一票!
不過講開又講,香城只係一個凸區,而非一個國家!我相信京官不會無知到向一個小區發出女油警示! 莫非鄭議員真係以為京城可向香城發出女油警示? 然後老作個故事,嚇吓你班港人外,又可趁機推銷自己嘅愛港政績!但他似乎欠缺敏感度,硬將京官擺了上枱!
畀你一言道破佢嘅老作！
回覆刪除水平低無辦法! 以為噏啲野出嚟,就可以乘機撈番啲政治本錢!
刪除其實香港都要學吓台灣，限制啲大陸人嚟女油/豉油行，台灣咁大都每日限5000 ，香港咁細每日限 1 、2 千，唔使地鐵班班迫爆，唔使比機會蘇甘涼講風涼話，話「等幾班車可創就業機會」！
回覆刪除呢種做法未必對香港有利， 因為全世界都無旅客入境配額！所以實施會有一定難度！
刪除Philip : D會議成員／區議員成日都自吹自擂咁啩喇...
回覆刪除乜都話多得佢哋點建議、關注...政府才改善政策、體恤民生！
連爭取興建狗公厠都可以列入政績,你可想而知區議員真正為區內居民做咗啲乜?
刪除坦白講，個人覺得官場之外的建制派政治人物中，只得曾鈺成一個似樣。就算是葉劉，雖然去外地讀書返黎、又搞智庫洗底，仲當算埋議員，但小心留意，言談之中仍然霸氣十足，市民看在眼內，易使人反感。
回覆刪除仲「當選」^_^
刪除葉劉仍保留她當官時的氣焰，這是她不為部份選民接納的原因！曾鈺成被民建聯倒戈相向的時候，才變回一個似樣的政客，支持他的巿民也增加了！原因同民建聯盲目支持政府有關！
刪除條矛里好嘿人僧!全香城所有"從政人仕"有倆條友我至僧,一,你文中提到那位,二,李大嘴,無獨有偶,倆條粉腸都話係為工人服務喔.....
回覆刪除基哥,請原諒小弟粗鄙,皆因,一見就火滾....
松兄! 你的說話對呢類政棍嚟講,絕不粗鄙! 佢以前都算低調,所以我對佢唔係好反感,但今時今日講埋呢啲癈話,令我都好火滾! 粉腸已經好客氣了,就算用卜街杏加橙也不為過份!
刪除有個'蔣厲暈'夠白痴兼克人憎啦，比'長毛'同毓民剷到佢飛起真係心涼！
回覆刪除呢班政棍,到時到候就會爆料,因為驚俾選民遺忘! 唔知係咪相由心生,好多政棍個樣,愈變愈乞人憎!
刪除知不知道香港因為運水貨造成的關稅虧損每天有多少啦?
回覆刪除多謝到訪! 一個自由經濟的地方,走私漏稅在所難免! 而水貨客是利用法律的灰色地帶進行逃稅,議員應該檢討現行相關法例,看看怎樣可以堵塞漏洞!我沒有實則數據,真的不知每天關稅虧多少?
刪除