乜野飲品係最美味？有人喜歡咖啡，有人喜歡奶茶，另一啲人覺 得飲鮮搾菓汁最好味！但昨天早上，我覺得一杯涷白開水，係最美味嘅飲品！
事緣我根據較早前的天氣預測，諗住昨天會密雲及間中有雨，加上時屆中秋，早上氣溫應該會比較溫和。所以大清早就去練跑，計劃由屋企跑去南生圍，然後折返，約15公里。
臨出門時忘記飲水打底，跑咗約莫三十分鐘，感到有啲口乾，但已經遠離屋企，唯有繼續跑。到咗六點九左右，太陽出來了，天氣變得翳熱，我跑得較平日慢，所以重未到折返點。由於實在太口渴，我幾乎想跑返轉頭！但無理由差少少路程就放棄，終於捱到折返點，但嗰陣時真係勁口渴！自已唯有想像喺一個滿佈梅林嘅地方跑步，望梅止渴，原來想梅都可以頂番一陣！
我一路迎著陽光，一路捱返屋企，好不容易望到錦上路西鐵站，還有約莫 1公里左右，就會回到家中。雖然只有一公里，但我感覺自己隨時脫水而死。幾經辛苦終返到屋企，我立即打開雪櫃，灌咗大半枝白開水，就在那一刻，我覺得冰涷嘅白開水，係世界上最美味的飲品！
以後唔好咁大頭蝦喇!
回覆刪除『無』過方知嚴重!
明白未?
好似自己好醒咁！學咗太極係咪會聰明小小啲！
刪除哈哈!你都嚟咗!
刪除潔潔歡迎你呀!
點止小小呀!
哈哈!潔潔已經成為大聰明了!
刪除我試一次,喺比賽期間,去到最後一個水站時,先至發覺無晒水供應,嗰次幾乎C得咁滯! 我喺夏天有時會帶樽水去練習,但嗰朝我以為會好清涼,最大原因係我懶得返番轉頭!不過經過呢次之後,明白以後都唔好搵啲咁嘅野嚟搏!
回覆刪除下次叫埋架水車响嗰處等你！
刪除哈哈!咁又唔駛! 你有無報跑步比賽呀?
刪除哈哈、你說得對極了！所謂渴時點滴如甘露吖嘛 ^-^
回覆刪除所以乜野為之珍貴呢?要睇當時環境.例如一個被病魔折騰嘅人,健康最珍貴;當犯事坐監時,自由最珍貴! 好多事物,當缺乏或者失去時,會變得珍貴!
刪除冇嘅嘢係特別珍貴嘅！
回覆刪除說得有道理,缺乏的或者將失去的東西是最珍貴的!
刪除作者已經移除這則留言。
回覆刪除游水就冇缺水呢個問題啦.
回覆刪除我每次游水都會飲幾啖.
我以前游水,好多時都會含啖水啫,無你咁勇,夠胆去飲!
刪除我係濁親要飲水呀. 哈
刪除我以為你口渴飲泳池水添!
刪除真係唔好制, 而家天氣隨時劇變, 前日跑馬都見到, 熱足一日, 突然就會落陣雨, 一灑一蒸, 好人都變壞呀
回覆刪除我以前後生,好鍾意見到個天就嚟落雨,就會去跑步!個身由濕曬番乾都無事,但依家年紀大咗,驚體質差咗,唔敢去試!
刪除等於肚餓有個豬仔包食都好好味d囉。
回覆刪除說明一個道理,有啲事物平時你不會見到它的價值,但到有需要時,才發覺它的珍貴!
刪除等於肚餓有個豬仔包食都好好味d囉。
回覆刪除比諭得好貼切!
刪除早上我不喝凍飲， 怕凍； 我認為熱白開水很美味。
回覆刪除我平時都甚少飲涷飲,但如果跑完步或者做完GYM 我會選擇涷飲,因為覺得可以解渴! 我到你的網誌,但找不到留言的地方?你的家很舒適,相信你擺放了不少心血,我感到奇怪,為何你會放售?
刪除我在我的绸法有收到你的留言呀。谢謝。我現在就在那間房子给你寫留言的。
刪除水OR茶係最好
回覆刪除冰水最解渴!
刪除祝中秋節 開開心心啊!
回覆刪除下次記得帶水嗱！唔喺好易中暑架！
大家咁話,中秋節快樂!你會唔會以燒烤形式過中秋呀? 我好多時跑步都唔帶水,訓練自己嘅忍耐力,但我估唔到上星期日,一早都咁翳熱!ANYWAY 多謝提點!
刪除一早跑十五公里，一D都唔簡單！絕對唔係過氣年青人！
回覆刪除我就一定錦上路搭西鐵到元朗再行去南山圍，回程當然一樣啦！
初次到訪，多謝分享。
多謝來訪,為了備戰廣州半馬(十一月二十三日舉行)我今年要早少少操練!你有沒有跑步的習慣呢?
刪除由細到大我都冇運動習慣！原來準備半馬比賽，難怪天未光哂就可以跑完15公里，冇得頂！
刪除我細個最憎就係跑步,細個時身體潺弱,周不時跑輸俾啲朋友,最後的起心肝去練跑,由最初跑一條燈柱距離到依家嘅半馬!
刪除我終於入到你的博文了！
回覆刪除而家開始年長了，已經盡量少飲冰凍飲品喇！
中秋節快樂!
火姐!好高興搬家之後,仍然見到你的來訪,我依家知道如果選google+的話,版面會無咁好用!中秋節快樂!
刪除乜原來你巳正式入伙？
回覆刪除唔係好識用呢度啲FUNCTION,有朋友嚟過我都唔知,撞撞吓先至見到你嘅留言!我都唔知算唔算入伙?求其落住腳先喇!
刪除我地Bibi都係最鍾意飲水, 所以佢有個朵叫"水霸", d水係俾佢霸住晒既.
回覆刪除哈哈!咁佢真係好飲得喎!
刪除真的，口渴起來，有時扭開水喉嗰啲都變成楊枝甘露呀！
回覆刪除我試過一次喺沙田參加跑步比賽,去到最後嘅水站,發覺無晒水供應,嗰次重差二公里先至到終點,嗰種渴水程度,我都唔識形容,到依家我重記得!
刪除