行政會議成員葉太早前接受港台節目<星期六主場>訪問,回應行會選擇性發出免費電視牌照的決定,又是以担心免費電視巿場若太多競爭者,廣告不足,損害巿場可持續性發展為理據，力撐特首早前發出的言論。
電視發牌一事，誰對誰錯，是非黑白，巿民早已心中有數。梁振英已多次公開作同一解釋，除非葉太有另一種高見，否則到港台接受訪問，實屬多此一舉。
令人感到詫異的是她接受訪問後，竟對主持麥編導作出投訴，說他不禮貌及不專業！大家如果看過該節目的話 ，相信沒有多少人認同葉太的說話。
葉太為什麼老羞成怒呢？主要原因是主持提出的港視牌照問題,令她說出一些強詞奪理，違心的說話，在廣大巿民面前獻醜。訪問完之後，她雖有跟主持人握手，還贊對方問得好，但回家之後，愈想愈氣，深知此事已經令她形象受損，影响她日後登上特首寳座之路。故此一怒之下，向港台處長作出投訴！
這次事件,再次印證權力使人腐化，為了戀棧權位或者謀取高薪厚職，可以厚顏歪曲事實，指鹿為馬，當今朝野上，比比皆是！
我倒有興知道，假如你有權選特首的話,會不會投葉太一票?
麥編導
她老人家被人窒到透不過氣來、發下爛渣是很自然的事了！不過咁做係乎有點矢缺大方囉！
回覆刪除臨走時重贊賞對方,之後就喺背後插上一刀,咁嘅氣量,點可以做大事呀?
刪除UNCLE，潔潔想知道，主持人有何反應呀？
回覆刪除俾著我都唔高興喇! 喺面前就惺惺作態,剛擰轉背就面色都變埋!
刪除我欣賞她捍衛她的掃把頭！
回覆刪除佢依家嘅髮型已經唔似掃把!
刪除葉太被人稱為 "皇太后" ，嗰日响節日中被個 "靚仔" 全程窒住，冇哂 ":菲士" ，條氣唔順，事後便作無理的投訴。依家特首好以廢嘅，比兩個 ":女人" 响度 "垂簾聽政" ！
回覆刪除依家特首患咗自閉症,佢啲手下噏乜佢都好少理或者唔到佢理,佢家吓剩係識得自我陶醉! 葉太無啲政客氣量,點樣從政呀?
刪除自從佢廿三條事件嘴秒秒， 已經證明佢只適合去街市同師奶學是學非， 點知仲可以撈到而家， 證明香港冇乜人材， 或者有能者都懶得從政
回覆刪除狼英政府做野亂嚟,民望又低,有心從政,都唔暕呢個時候加入政府喇!
刪除以前有個街坊個女好叻一畢業就做AO...
回覆刪除...移民後孽妞都有問佢返唔返黎幫手，睇黎葉很想'大展權腳'!
刪除佢充滿野心,但氣度不足,給巿民一個好差印象,而呢件事更見到佢黑白不分,點服眾呀?
刪除由上一輯開始，我都有上網看
回覆刪除雖然面對資深老手曾鈺成 (這個是猛人)時仍未夠班，反被牽著走，但除那次外，麥嘉緯作為主持的表現是稱職的，也可看出有做功課，亦說了不少人想問高官的話。
葉劉的發爛渣，被迫到詞窮時事後投訴人沒有禮貌，反映出一點....「尊貴」的高官或行會成員眼中，傳媒的責任是為誰服務？為民眾的話，主持人/媒體追問要求被訪者澄清實無不妥。
我不知她的辦事能力有多高,但單單說這次的表現,完全屬於幼稚園程度!沒有容人的氣度,怎能從政?
刪除笑騎騎放毒蛇，暗箭傷人等技倆，係政客最常見嘅招式。
回覆刪除但赤裸裸在鏡頭前出醜,屬於唔夠班! 你睇睇凸首表現,勝佢好多!
刪除