上午八時正開跑
早上起床,發正在下著雨,天氣還不太好,但我比較喜歡雨中作賽,起碼無咁熱.
我在7時30分到達起跑點,雨已沒有先前的大,但這場雨將起步時間推遲到8時15分.往年起步點附近的一大片空地會給跑友熱身,以及擺放行李,但今年該幅地沒有開放, 幾千跑友廹在起跑點附近,有點兒混亂.
起跑前影番張相
開跑時沒有下雨,天氣還好不太熱,但跑了約莫20分鐘,開始感到沒有想像中的舒適,沒有風加上濕度高,跑步有一定難度,我在途中看到有3個跑手倒下需要送院,我看見有兩個乎失去了知覺,所以跑步切勿死頂,如果不適就要停下來!
跑了35分鐘左右開始下雨,雨水混和汗水令到眼睛有點身赤痛,很不好受,幸好都能夠完成賽事,不過又再次交出一個慢時間: 58分左右!
跑完之後,個個跑友都變成落湯雞
我照例同阿陳影番張留念
原來跑步也是高危運動！咁要小心喇！
回覆刪除你『飛』咗髮？
飛咗髮加埋落雨,成頭濕晒! 跑步屬高危運動,會令到心臟好大負荷,隨時猝死!
刪除跑步唔夠氣好辛苦，不能勉強架。
回覆刪除天氣一熱,我呼吸就無咁暢順,跑得就會好差! 但我知道跑步危險,所以唔會勉強自己!
刪除起跑前影番張相，果然醒神喎！
回覆刪除影番張相,可以留番啲記憶!
刪除我成日覺得鬼子佬野就係咁吊詭. 運動應該係令身心健康舒泰, 但係西方所謂帶氧運動, 又咁容易死人. 就算唔死人, 長期落去, 都會損害關節, 一樣係搵來攪. 所以我都係選擇做D拉筋, 八段錦, 呢D中式運動, 未聽過耍八段錦死人丫嘛.
回覆刪除我覺得運動千祈唔好過量,適中嘅運動對健康有益. 損害關節可能跑姿唔好,身體太重所致，又或者跑得太頻密,同運動本身無關係．每個人應針對自己體質來選擇運動.我知有啲跑友會私自進行比賽，賭成萬銀，所以搏晒老命．結果跑到入醫院!
刪除馬拉松來源係古代一個士兵跑到死, 但, 又咁推廣馬拉松, 真係矛盾.
刪除哈哈,正正為咗記念佢囉!
刪除打下太極都係好好嘅運動架。
回覆刪除任何運動可以持之以恆，對身體都係好嘅！
刪除一口氣跑58分鐘都唔簡單，淋埋雨重難跑！月中嘅廣州馬拉虫都係至在參于吓好啦～
回覆刪除剛剛相反,我呢三次參賽，主要為咗應付廣州馬拉虫進行熱身，因為唔可以俾人睇Ｃ我呢啲港燦！
刪除咁我落重注買你嬴啦！呢幾日你記緊補住度元氣噃，賽前燉返碗蔘就更好！
刪除今晚同同事去華員會食蛇,唔知會唔會有幫助!
刪除58分咪仲慢過上次，下雨雖然可以降温，但有時地氣將啲雨上蒸番上黎，都好辛苦，你寓賽于操，到跑渣打時狀態一定好fit勒！
回覆刪除最慘一路跑，啲汗連埋雨水流入眼度,醃到對眼好辛苦！對眼鏡俾雨水整到濛查查，最後２公里要除咗嚟跑！今年可能比往年操練多咗,但年紀又大咗一年,還要睇吓當日狀態，否則未必能夠破到舊年紀錄！
刪除喺邊度比賽？....比賽場地好似熟口熟面咁...
回覆刪除天水圍濕地公園前嘅高速公路.
刪除今年件tee質地好唔好?
回覆刪除果日我都係去左跑步, 落雨跑幾得意既.
對上嗰二次跑步嘅T啲質地同顏色都唔錯喎!反而我唔鐘意渣馬嘅新設計!
刪除佩服....7 日前你才跑了10公里....
回覆刪除我練得少架喇! 我喺比賽第二日晚,即係11號,都練咗15K,明天16號,一定要練夠20K ,否則到23號到廣州比賽時,會唔夠信心!
刪除