圖中兩位是我的好朋友，我們曾一起做署期工，一起旅行，一起開PARTY。當年的快樂情景，現在仍歷歷在目！不過他們現已離世！我在署期工那篇網誌曾提及過的兩位朋友，被剪線頭的明姐睇相，贈言只有四十歲壽命的，就是他倆位！當時對於明姐的贈言，大家一笑置之，但想不到二十多年後，竟然一語中簽！
這張照片的女孩子是我的下屬，她利用工餘時間進修。一天晚上，在放學回家途中，她所駕駛的私家車失去控制，直鏟上分隔高速公路的石壆，整架車如同炮彈般飛過對面線。據趕到現場的救護員稱，由於衝力太大，她的頸骨在意外中即時折斷，他們到達時，她經已死亡！她叫小雲，做工作甚有效率，待人接物彬彬有禮，是一個好同事，但想不到二十多歲便遭逢厄運，只有慨嘆一句天意弄人！
圖中是我弟弟的私家車，他是汽車發燒友，該部三菱GSR剛焗油及換上四條合金鈴，但想不到未及一星期，就被賊人偷去！如果弟弟沒有重新為他的私家車焗油及換上合金鈴，賊人未必會留意，結果弟弟心愛的座駕從此人間蒸發！
圖中的黃狗叫……我真的忘記了它的名字！先前的貓狗水火不容，但這一隻番狗與別不同，跟貓貓非常老友，還餵奶給小貓吃呢！
佢當然唔識講人話喇,不過佢望住我嘅表情,好似想講:喂!呢啲鏡頭點可以出街架!會影响我哋啲狗嘅形象,快啲刪咗佢!
這隻黑狗叫蕃薯，生得神高神大，身型嚇人，不過它很善良，喜歡跟這隻黃貓玩耍。可能係狗夾貓緣，他們十分老友，間中貓拳狗腿，都只不過是耍吓花槍！
黃貓: 你又想點呀?........蕃薯:想同你玩吓囉!
黃貓: 死開!我無心情,唔想玩!
蕃薯: 夠胆郁我? 一於還拖!
舊照片帶給你回憶,有苦亦有甜!舊歌何嘗不是呢?以下這首歌對我來說是百聽不厭的!
Photographs and memories
貓同狗係細隻時一齊養會合得來的。
回覆刪除佢哋兩隻係喺家裡出世,由細玩到大,所以好好感情!
刪除失而復得的感覺良好啊! 可是只得懷念昔日的好時光; 我對貓加的照片好有FEEL啊! 太可愛了.
回覆刪除搬屋都有好處,間中會搵返一啲以為失去了的物件! 捕捉貓狗的有趣動作要好快手,怇哋有時好似小朋友咁好得意架!
刪除之前 YB 看過！
回覆刪除我依家要逐篇搬! ><
刪除Uncle 是一個長情的人。
回覆刪除長情？你問吓佢E隻狗係点C先算啦！
刪除佢呀……哼！
我隻狗係老死架! 乜你以為我劏咗佢嚟食咩?
刪除点知你呀！你唔補邊keep到日日‘年青人’咁呀？！（發烂渣中…）
刪除駛乜KEEP啫! 你都好後生啫, 睇起上嚟咪最多二十五歲! ( 好認真地講.....)
刪除PHILIP~長情~短情~x y z n咁多情,不如~珍惜眼前情,唉~很多人為~眼前~一些細微事情而~執著~去痴~去貪~再去~嗔~一生一世.......下去,始終被困在一個~幻影~中,何必呢?
回覆刪除MAGGIE無辦法喇,人老咗就喜歡懷念以前,當然亦要兼顧及珍惜眼前!
刪除明姐有冇講, 人既壽命長短係前世種左個因?
回覆刪除我哋嗰陣時當佢講笑,亦唔相信佢講嘅野,完全無擺在心上,故此無問佢其他問題!
刪除Philip,以前的舊照片是我們人生的記憶.
回覆刪除你說得對! 除非對那事件印象深刻,否則人的記憶會隨著時間而轉淡,當見到照片時才會記返起.
刪除重温你這篇網誌感憾人生無常！
回覆刪除又再見到蕃薯同黃貓精神為之一振！
蕃薯係喺屋企出生,當時佢有5兄弟姐妹,但唔知點解佢比其他幾隻大咗成個SIZE,雖然佢走咗有成三十幾年,但諗返起,我覺得好似係無幾耐嘅事,時間過得真快!
刪除這個三菱老相片可分到 Mitsubishi Fans Club 可以嗎? 我地在整理相三菱老車相片在星期一刋登
回覆刪除https://www.facebook.com/MitsubishiFansClubHk
多謝來訪! 當然可以喇!
刪除